This topic contains 2 replies, has 1 voice, and was last updated by 
-
Topic
-
AnonymousAf vefsíðu Slóðavina
http://www.slodavinir.org/index.php?option=com_content&view=article&id=227:siv-spyr-umhverfisraeherra-um-sloeanefnd-rikiisins-a-altingii&catid=25:starfshopur-um-utanvegaakstur&Itemid=36
Starfshópur um utanvegaakstur
Miðvikudagur, 25 Febrúar 2009 23:21
Siv Friðleifsdóttir, alþingismaður Framsóknarflokksins og þingflokksformaður, hefur lagt fram fyrirspurn til umhverfisráðherra varðandi störf Slóðanefndar Ríkisins ( starfshópur um utanvegaakstur ). Siv hefur í gegnum tíðina lagt mótorhjólafólki lið í baráttu sinni fyrir bættum réttindum, bæði sem ráðgjafi og með fyrirspurnum á Alþingi. Svör við fyrirspurninni er að vænta í kringum miðjan mars.
Siv hefur ákveðið að bjóða sig fram til alþingiskosninga nú í vor, en fyrst þarf hún að komast í gegnum prófkjör í Framsóknarflokknum á Seltjarnarnesi. Þeir sem vilja styðja Siv í baráttu sinni er bent á að hafa samband við hana beint, siv (at) althingi.is .
.
136. löggjafarþing 2008-2009.
Þskj. 587 – 344. mál.
.
Fyrirspurn
.
til umhverfisráðherra um kortlagningu vega og slóða á hálendinu.
.
Frá Siv Friðleifsdóttur.
.1. Er að vænta niðurstöðu verkefnis sem felur í sér kortlagningu vega og slóða á hálendinu og ákvörðunar um hvaða vegi og slóða sé heimilt að aka?
2. Hvernig er samráði við Ferðaklúbbinn 4×4, samtök vélhjólamanna, hestamanna og aðra hagsmunahópa háttað í þessari verkefnavinnu?
3. Hví eiga fulltrúar hagsmunasamtaka ekki beina aðild að nefndinni sem vinnur verkefnið?
-
Replies
-
Mér fannst þessi pistill nú eiginlega hrapa heldur hratt niður af skjánum og lítt lesinn, miðað við innihaldið. Ég ætla að þakka Siv fyrir að nenna, ein alþingismanna að sinna útivistarfólki á vélknúnum ökutækjum. En einsog félagsmenn vita væntanlega hefur vantað verulega á að vist útivistarfólk hafi fengið að vera með í ráðum ríkisapparatsins.
Einsog berlega hefur komið í ljós varðandi slóðamál og friðlandsmálin í Þjórsárverum.
En þar ættum við skilyrðislaust að fá fulltrúa í friðlandsnefndina þegar þar að kemur. Einnig hefðum við átt að vera umsagnaraðilar í forvinnunni. Við eigum auðvita líka að vera umsagnaraðila um lagafrumvörp sem hafa með okkar mál að gera, en það höfum við einungis verið fyrir einhverja lukku þegar við höfum frétt að eitthvað hafi verið í gangi. Sumt hefur t.d alveg farið framhjá okkur einsog þegar Sturla Böðvarsson keyrði í gegn ný lög um fjarskiptamál á leiftur hraða og við fengum engan andmælarétt. Við þurfum sem sé að komast á lista þingnefnda, sem umsagnaraðilar í okkar mikilvægustu málaflokkum.
Flott að það sé einhver sem tekur upp hanskann fyrir okkur þarna inní þingsal. verst að það skyldi þurfa að vera framsóknarmaður.
Nú hélt ég að VG væru svo miklir náttúrudrengir, en það er kannske bara þetta týpíska "loka á allt" viðhorf hjá þeim.
.
4×4 þarf bersýnilega að vera mikið virkara í að fylgjast með þessum þingmönnum, sum mál eru keyrð í gegn með þvílíkum hraða að hlaupari frá Kenýu myndi dauðskammast sín.
.
kkv, Úlfr
You must be logged in to reply to this topic.