This topic contains 8 replies, has 1 voice, and was last updated by 
-
Topic
-
Hafa menn eitthvað verið að setja nýja(stærri) alternatora í Toy. DC.
Ég verð var við það með tölvuna mína að þegar ég er búinn að vera í doldin tíma á lágum snúningi (eins og gerist oft í slæmu veðri eða hjakki eða bara í bið meðan einhver er fastur) að tölvan mín hættir að fá rafmagn. Ég hef bæði verið með þar til gerðan 12V spennugjafa frá framleiðanda tölvunar, og núna er ég með 300W áriðil frá Aukaraf.
Þetta gerist í báðum tilfellum, eina skýringin sem ég hef er að spennan falli það mikið á geymunum að spennugjafi tölvunnar neiti að taka lengur þátt. Áriðilinn hefur farið að pípa líka og slökkt á sér, sem styður þessa kenningu.
Eina sem mér dettur í hug er að fá stærri alternator ??
Hvernig er best að snúa sér með slíkt, er einhver ákveðinn sem passar betur en aðrir ?Rétt að taka fram að geymarnir eru tiltölulega nýir, og eru í góðu lagi.
Einhverjar tillögur ??
Arnór
R-2088
-
Replies
-
það er mart sem er hægt að gera stæri altanitor smá vanda máll vegna þess að vakumdælan er föst aftaná honum
sumir hafa farið þá leið að setja auka 12v altanitor fyrir útvarp, vhf, cb, tölvu og kastara. Ágæt lausn
kveja jepp
þú gætir líka set patrol altanitor 89-97
Fín hugmynd að setja auka-alternator. Er einmitt í sama vanda með fartölvuna.
Er á 4runner með 3ja lítra bensínvél (já, þessari sparneytnu). Er einhver búinn að finna sniðuga lausn á því hvar maður bætir honum við?
Og annað: Er eitthvað vit í því að vera með sér geymi við þann alternator? Er maður þá ekki kominn með ALVÖRU auka-rafkerfi?
Enn og aftur: Reynslusögur vel þegnar.
kv.
Einar
Anonymous- Umræður: 0
- Svör: 16404
Eg hafði við ekki ósvipað vandamál að stríða, þó ég tengdi það ekki sérstaklega við lágan snúning heldur var vandamálið að ég tengdi áriðilinn í sígarettukveikjarann en þær leiðslur náðu ekki að fóðra hann nógu vel. Eftir að ég tengdi hann beint inn á geymi með fullorðnum vírum hef ég ekki lent í vandamálum.
Kv – Skúli
Ef pláss finnst frammi í vélarsalnum þá myndi ég setja áriðilinn þar og helst sem næst rafgeymunum þannig að 12 volta lögnin verði sem allra styst. Að sjálfsögðu skal nota vel sveran vír, alls ekki minna en 2,5 kvaðröt og því sverari sem lögnin er lengri. Mér reiknast til að 300 vatta áriðill taki til sín yfir 30 Ampera straum ef hann er undir fullu álagi og vinnur með 80 % nýtni.
Málið er það að straumurinn í 12 volta lögninni er næstum því 20 falt hærri en 220 volta megin og spennufall þar skiptir miklu meira máli.Í 220 volta lögnina má hins vegar nota miklu grennri vír, venjuleg tveggjaleiðara lampasnúra ætti að duga ágætlega.
Straumbreytar á flestum fartölvum eru gerðir fyrir spennusviðið 100 til 240 volt svo að tölvan hefur góða möguleika á að vinna vel svo lengi sem áriðillinn gefst ekki alveg upp.Algengt er að í tómagangi lækki geymisspennan nokkuð nema alternatorinn sé sérhannaður til að hlaða á lágum snúningi. Ef spennufall í langri 12 volta lögn bætist við þá er skiljanlegt að áriðlar hætti fljótt að starfa eðlilega og slái út.
Þá gæti verið ódýr úrlausn að stilla tómagangssnúninginn á vélinni aðeins hærra þ.a. alternatorinn geti fremur viðhaldið fullri kerfisspennu. Einnig má huga að því að spara aðra stórnotendur að rafmagni s.s. rúðu- og sætahitara, miðstöðvarblásara og ljóskastara meðan bíllinn er kyrrstæður.Ágúst
sjálsagt að setja sjálfstæðan rafgeimir fyrir þetta þá geturu gleimt að slökva á öllu en samt hefuru straum firir start
svo er mjög sniðugt fyrir þá sem eru með 2 geyma, að fá sér geyma deili, þeas. þá hlaðast báðir geimarnir í einu, en þegar spennann er orðinn vist lá, þá slítur hann sambandinu svo maður er er alltaf með annan geimin heilann, þó að hin gæti tæmst!!
Þetta eru fróðlegar umræður. Ég hef hinsvegar velt því fyrir mér, að fari maður út í að eiga alvöru fjallabíl aftur, hvort ekki væri ráðlegt að koma sér upp samskonar kerfi og er í bátnum hjá manni, þ.e. sér rafgeymi/geyma bara fyrir startið og síðan geymi fyrir almenna notkun, svo sem ljós og aukabúnað af öllu tagi. Hinsvegar er þessa hugmynd með tvo alternatora (rafala) allrar athygli verð og kannski er hægt að sameina þetta tvennt. Bæði fylgir því aukið öryggi í fjallaferðum, þegar verkstæði eru kannski ekki beinlínis aðgengileg í hvelli, og svo gefur þetta möguleikann á að vera með viðbótar rafalann með innbyggðri rafsuðu, en slíkir alternator eru býsna vinsælir westra hjá kollegum okkar í þvísa landi.
You must be logged in to reply to this topic.