This topic contains 11 replies, has 1 voice, and was last updated by 
-
Topic
-
Ég var að lenda í þeirri skemmtilegu reynslu að það brotnaði rúða í jeppanum hjá mér. Þetta er hliðarrúða í skottinu. Mér datt í hug að setja álplötu í staðinn, myndi þá festa hana eins og rúðuna, þ.e. opnanleg.
Dettur mönnum eitthvað í hug sem mælir gegn þessu? Hvað mynduð þið mæla með þykkri plötu í svona smíði, allur víbringur er að sjálfsögðu óvelkominn.
Svo var ég að velta fyrir mér hvort að hitabreytingar hefðu nokkuð alvarleg áhrif á þetta, þ.e. myndi svoan plata þenjast mikið eða draga sig mikið saman? Hvort finnst ykkur að ég ætti að hafa þetta samlitað bílnum eða svart?
P.s. Ný rúða frá Toyota kostar á milli 40 og 50 þús kr, og þá ætti ég eftir að láta filma hana. Þetta gæti því kostað minna í heildina. Ætli tryggingarnar myndu vilja taka þátt í svona frekar en að borga rúðu?
-
Replies
-
Ég persónulega myndi hafa hana í samalit og bíllinn því allir málmar þenjast út í hita og dragast saman í kulda.
Savrtur litur hitnar langmest og þarmeð þenst svört plata meira en önnur eins plata í ljósari lit.
Mitt ráð.Árni F
í svona litlum fleti þarftu ekkert að spá í hita/kuldaþennslu. svo mikið er víst.
ég myndi fara í svona 2 m.m. plötu, það er nægur styrkur. það fer eftir því hvernig bíl þú ert með og hversu stór rúðan er, en ég held þetta kæmi flottast út að hafa samlitað bílnum ef þú ákveður að skipta út hinni hliðarrúðuni líka.. annars bara svart (ef þú ert með dökkar filmur í þessu).
spurningin er… hvernig bíll er þetta og færðu ekki notaða hliðarrúðu fyrir næstum það sama og svona ál-grín myndi kosta þig?
svo ertu líka tryggður fyrir þessu..
Eins og sagt er hér fyrir ofan, þá áttu að vera tryggður fyrir þessu en eins og alltaf þarg að borga einhverja prósentu af heildarverði rúðunnar. Ég myndi ath með tryggingafélagið þ.e. ef þú ert ekki búinn af því.
Ný rúða kostar eins og ég sagði á milli 40 og 50 þús + filman. Ég get örugglega fengið notaða á slikk en þá er alltaf sénsinn á að hún brotni aftur.
Þetta er í 90 Cruiser, ég er með 2 stóra hunda og þeir náðu að berja rúðuna úr bílnum þegar þeir sáu annan hund sem þeir vildu heilsa upp á, það er líklega erfiðara að komast í gegnum álið. 😉
Svo var mér búið að detta í hug að hafa vasa eða net á plötunni innanverði fyrir hanska, strappa og annað smádót.
Tryggingarnar borga rúðu en ég er með sjálfsábyrgð uppá 15%. Ég á eftir að spyrja þá hvort þeir væru til í að taka þátt í svona plötu tilraun. Ég ætla að kanna hvað nógu stórar plötur í réttri þykkt kosta áður en ég ræði við tryggingarnar. Ég myndi svo taka saman hvað þetta myndi kosta með efni og sprautun og kynna þeim það.
Ég er tilbúinn að borga aðeins meira en fyrir rúðu því að þarna er komin framtíðarlausn sem minnkar líka hitann í skottinu og bíður upp á geymslupláss.
Ég myndi skipta glerinu út báðum megin, þó að það þyrfti að vera öðrum megin í einu.
Þetta finnst mér áhugaverð og góð hugmynd – [b:1t1ppw33]en…[/b:1t1ppw33]
Þegar ég lenti í árekstri á mínum fyrsta 90krúser splúndruðust báðar hliðar-skottrúðurnar og þeyttust út í buskann. Samt var bara framendinn sem varð fyrir höggi.
Þegar loftpúðarnir sprungu varð mikil og skyndileg rúmmálsaukning inní bílnum sem olli þessu. Ég held að þessar afturrúður séu hannaðar til þess að gera einmitt þetta; þ.e. aflétta þrýstingi inn í bílnum svo að hljóðhimnur og svoleiðis dót springi ekki í staðinn. Hitaþenslur og litur eru semsagt minnsta áhyggjuefnið…
Það er ekki þess virði að gera tilraunir með þetta ef þú myndir síðan lenda í árekstri. Þú skalt allavega vera alveg viss um þetta atriði fyrst.
Góðan daginn,
en hvernig er með að setja plexigler?
Ég held að þú þurfir að hafa þetta allavega 4 – 5 mm þykt með álið og plastið svona 6 mm þykt, ef það er þynnra þá er hætt við að sé ekki alveg þétt. Það myndi ekki pressast nægjanlega þétt að annars, og einnig að þegar bílar er komnir á ferð þá myndast yfir þrístingur í þeim.
Kveðja Hjörtur og JAKINN.is
Hvernig pl-tu sem þú notar þarf hún að vera jafn stór og þykk og rúðan till að tolla í gúmmí listanum en með þrýsting inní bílnum eru á flestum bílum öndunar stúttar
Mig grunar líka að rúðurnar hafi splundrast vegna höggsins sem gekk gegnum grindina og boddíið. Ég held að þetta verði ekki vandamál. Ef ég lendi í hörðum árekstri hef ég áhyggjur af meiru en heyrninni.
Ég skoða þetta á morgun og læt ykkur vita hvaða verð ég fæ.
Farðu bara í Málmtækni og kliptu þetta til og snikkaðu svo hornin þegar heim er komið
Það gæti orðið dýrt þar sem ég er á Akureyri.
Ég fór hinsvegar í Sandblástur & Málmhúðun áðan og fékk þar verð í plötu sem dugar í báðar hliðar og er jafn þykk rúðunni, þ.e. 4mm. Fyrir plötu sem er 1020 x 750 x 4 mm vildu þeir fá ca 9.000 kr, sem mér finnst allt í lagi verð.
Ég hringdi í Pólýhúðun og þar var áætlað 5.000 kr að húða báðar plöturnar öðrumegin í dökkbláum lit sem ætti að vera ansi nálægt eða eins og liturinn á bílnum. Mér finnst varla skoðandi hvað lakk myndi kosta þvi að grunnur, lakk og glæra kosta örugglega svipað eða meira en húðunin og kostar mig líka tíma og leiðindi.
Stál vill ég ekki skoða í þetta sökum þyngdar.
Ég náði ekki í neinn hjá tryggingunum í dag en ætla að ræða þetta á mánudaginn. Ég get sjálfur mælt þetta, merkt og sniðið að bílnum þannig að þetta endar vonandi í svipuðu eða minna en ein notuð rúða.
You must be logged in to reply to this topic.