This topic contains 13 replies, has 1 voice, and was last updated by 
-
Topic
-
Sæl félagar, búinn að velta þessu of mikið fyrir mér í dag. Þarf að skrifa eitthvað hérna til að koma þessu úr hausnum á mér, er ekki mikið pláss þar fyrir.
.
Samskiptin hér á netinu hafa oft verið mér hugleikin, margt hef ég afgreitt sem vanþroska og eitthvað sem er ekki eftirtektarvert en ýmislegt tel ég hins vegar vera mjög undarlegt og umræðuvert hérna á vefnum.
.
Ég er einn af (að ég tel) þeim meirihluta félagsmanna sem sjást aldrei eða nánast aldrei í félagsheimili klúbbsins, hvort sem er á samkomum þar eða öðrum uppákomum. Kom reyndar í Mörkina bara í allra fyrsta skipti núna á miðvikudagskvöd á hreint ágætt MapSource og nRoute kynningarkvöld sem var haldið af Lalla á vegum Hjálparsveitarinnar.
Ég hef ekki séð mér fært að gefa af tíma mínum enn sem komið er til starfa fyrir klúbbinn og er það miður, kemur alls ekki til af áhugaleysi heldur bara þessi sama gamla afsökun með tímaleysi.
.
Ég gekk í klúbbinn á sínum tíma fyrst og fremst vegna þess að ég vildi styðja einu hagsmunasamtök jeppamanna á Íslandi með amk mínu félagsgjaldi. Mér hefur hins vegar fundist afar gott að nýta mér vefinn til að fylgjast með og stundum leggja orð í belg.
.
Ég veit ekki hversu margir félagsmenn 4×4 hegða sér eins og ég, en ég vil samt trúa því að mínir líkar eigi að hafa fullan rétt á við þá félagsmenn sem mæta betur á fundi. Ég geri mér grein fyrir því að kosningar o.fl. þvíum líkt geta ekki farið fram hérna á vefnum, en almennt upplýsinga streymi á engu að síður að vera hér afar gott og til ítarlegra upplýsinga fyrir félagsmenn 4×4.
.
Þessar vangaveltur hjá mér hófust í dag þegar ég var að lesa spjallþráð um miðjuferðina þar sem lögð var fram einföld kurteisileg fyrirspurn til stjórnar um þáttöku í ferðinni og kostnað, fyrirspurn sem var svarað að mestu með fyrirslætti og jafnvel svíðingshætti á persónuna sem bar fram fyrirspurnina. Ég geri mér sem fyrr segir 100% grein fyrir því að á fjölsóttum vef verður alltaf erfitt að halda umræðunum kurteisilegum og málefnalegum, en er ekki eðlileg krafa að stjórn og starfsmaður klúbbsins svari málefnalega og upplýsandi?
.
Persónulega er mér alveg slétt sama hvaða fyrirmenni og/eða drifleysingjar fara með í þessa ferð, þetta og svona fyrirspurnir almennt snúast miklu meira um það að upplýsingastreymið sé gott til félagsmanna. Við erum nefnilega félag þar sem að allir félagar hafa sömu réttindi.
.
Ef að ekki er hægt að ræða hlutverk og verkefni klúbbsins á innanfélagsþráðum svo að vel sé, hver er þá tilgangurinn með þessum spjallþráðum yfirhöfuð? Ég tel alveg fullvíst að allir beri ábyrgð, en ef stjórnin fer ekki fyrir hópnum sem leiðbeinandi um góðar venjur á þráðunum af hverju ætti þá nýr félagsmaður (eða nýr heilaþegi) að vita hvernig er gott að hegða sér hérna?
.
Ég hef reynt að temja mér kurteisi og húmor í samskiptum mínum hérna á vefnum. En eins og samskiptin eru að þróast hérna undanfarið tel ég víst að vefurinn hafi meira afl til eyðileggingar, niðurrifs og fækkunar félaga en nokkurn tíma til uppbyggingar fyrir félagið og samskipti innan þess.
.
Væri ekki gaman ef öll dýrin í skóginum væru bara vinir? Já, og jafnvel á sama stallinum líka.
-
Replies
-
Þú ert ekki einn um þennan þankagang Baddi.
Þeir sem halda um stjórnvölinn virðast hafa tekið sér alræðisvald til að útiloka heilbrigða umræðu og uppbyggjandi starfsemi innan klúbbsins okkar.
Ekkert það sem er gert í nafni Ferðaklúbbsins 4×4 á að vera einkamál stjórnar eða starfsmanns klúbbsins.
Sem félagsmaður fer ég fram á að stjórn/vefnefnd biðji Ellu afsökunar og opni fyrir aðgang hennar að vef 4×4. Ekkert sem hún skrifaði var meiðandi, dónalegt eða óviðeigandi.
Aðgerðir gegn drífandi félagsmönnum sem hafa t.d. staðið fyrir innflutningi á jeppadóti á kostnaðarverði, eða þá ferðum fyrir óbreitta, – eru til þess eins að ala á sundrung og drepa niður vilja manna til góðra verka.Eða á að ráða fleiri starfsmenn til að vinna þessa vinnu?
Ingi R2109
(ef það er þá ekki búið að loka á mig, og Baldvin líka).
Ágætis vangaveltur hér í gangi. Ella fékk svör við spurningum í morgun, þegar hún fékk mail frá vefnefnd þar sem henni var tjáð að búið væri að loka fyrir aðgang hennar að f4x4.is. Hún átti víst að hafa verið að grafa undan starfi stjórnar með póstum sínum á þræðinum um miðjuferðina, og það kallar á tafarlaust bann, án viðvörunar.
Það er rétt að rifja upp seinast félagsfund í Mörkinni þar sem Einar Kjartans kom í pontu og sagði okkur frá því, að formaður 4×4 hefði hringt í sig og hótað sér að hann yrði bannaður á vef f4x4 hef hann hætti ekki að tala ílla um Tetra.
Eins er búið að segja við Benna að hann megi ekki nota vefin til að panta meir af Xenon ljósum fyrir félaga á kostnaðarverði.
Teddi getur líka hætt að hóa mönnum saman til dekkjakaupa á vefnum, það gæti farið fyrir brjóstið á einhverjum.
Þetta er æðislegt alveg. Þeir sem standa fyrir þessari ritskoðun eiga sko þakkir skyldar.
Tek undir það sem Baldvin og Ingi skrifa og ættlast til að stjórn taki til greina ábendingar sem þar koma fram.
Björn Pálsson
A 720
Ég ættla að taka sénsinn á að tjá mig hér aðeins, og það jafnvel í óþökk stjórnar.
Ég hreinlega verð að vera sammála fyrri skrifum hér í þessum þræði, það hvernig stjórn hefur farið fram í þessu er einkennilegt. Það að banna Ellu fyrir það eitt að spurja þessara spurninga er jahh skrýtið, svona íþað minnsta.
Þegar ég hóf þessi skrif hérna fyrr í kvöld hafði ég ekki haft af því spurnir að ákveðnar konur í stjórn félagsins væru farnar að taka sér það alræðisvald að fara fram á við vefnefnd að hún loki án viðvörunar á félagsmenn. Kannski bara eins gott, ég hefði líklega ekki haft til þess þroska að skrifa svona yfirvegaðar vangaveltur með þær upplýsingar líka.
.
Ég vil þó taka fram með fullri virðingu fyrir Ellu, að þessi þráður á ekki að snúast um hana og eingöngu samskipti hennar við stjórn félagsins á spjallþráðum. Markmið mitt með því að hefja þennan þráð var að fá fram almenna umræðu um þessar vangaveltur mínar. Finnst þó að sjálfsögðu að vefnefnd eigi umsvifalaust að skammast sín og bjóða henni aftur til okkar. Fjölmargar reglur (okkar eigin) um notkun vefsins sem að vefnefnd braut með þessari lokun á Ellu. Þessi valdníðsla býður eiginlega ekki upp á neitt annað en að menn fjölmenni á næsta aðalfund og kjósi aftur lýðræði í félagið.
.
En aftur að efni þráðsins, hvað finnst þér kæri félagi að séu eðlileg samskipti á vefnum og hvernig viljum við sjá þetta þróast til að bæta vefinn og auka aftur hróður félagsins? Er ekki eðlileg krafa að stjórn farir þar fyrir flokknum og taki upp almenna sanngirni og kurteisi?
Svo ég leyfi mér án leyfis að copypeista obbann af orðsendingu vefnefndar. Minnir mig á söguna þar sem allir áttu að vera jafnir, en sumir jafnari en aðrir:
Hvers kyns árásir, dónaskapur og ókurteisi í garð annara er með engu liðinn (sbr. 8. lið skilmála f4x4.is).
Markmið spjallþráðanna er að hafa málefnalegar umræður þar sem virðing er borin fyrir öðrum spjallverjum. Ef menn fara út fyrir kurteisismörk mun vefnefnd veita viðvörun. Ef þeirri viðvörun verður ekki sinnt, er tímabundið lokað fyrir skrifaðgang viðkomandi að vefsíðunni. Ef viðkomandi lætur sér enn ekki segjast verður lokað fyrir aðganginn um lengri tíma.
Vefnefnd tekur sér alræðisvald í þessu efni og ekki verður rökrætt um ákvarðanir hennar, heldur vísað til næsta aðalfundar klúbbsins um það efni. Hægt verður að senda póst á vefnefnd@f4x4.is ef senda þarf ábendingar um óviðunandi framkomu, eða ef menn vilja bæta ráð sitt og láta opna fyrir lokaðan aðgang.
Og hafið það svo!
Ingi
Ég var að lesa reglurnar frá vefnefnd og þar stendur.(reglurnar eru innan gæsalappa)
"Ef menn fara út fyrir kurteisismörk mun vefnefnd veita viðvörun"
Eitthvað fer nú lítið fyrir því.
"Ef þeirri viðvörun verður ekki sinnt"
Vefnefnd er kanski til í að útskíra fyrir mér hvernig á að sinna viðvörun sem maður fær ekki ?
"Vefnefnd tekur sér alræðisvald í þessu efni og ekki verður rökrætt um ákvarðanir hennar"
Ég veit ekki af hverju ég er að pósta þetta. Vefnefnd hefur víst alræðisvald og þarf ekki að fara eftir sínum eigin reglum, heldur gerir bara það sem þeim dettur í hug hverju sinni. Þið eruð sko flottir.
……….. að það verði gerðir fleiri flokkar í spjalli.
Dæmi (bara hugsað upphátt)
Tuð: þá er hægt að tuða, spyrja og hafa endalausa þræði um málefni og ekki málefni.
Bílskúrssala: Þá geta félagsmenn selt það sem þeir eiga eða eiga ekki, en geta útvegað á kostnaðarverði til okkar félagsmanna sem er bara gott mál. ( ATH bara á KOSTNAÐARVERÐI)
Margt annað má eflaust tína til.
Kveðja
Elli.
Páll Arnarson vil bara benda þér á það að ELLA OG LELLA eru ekki eina og sama manneskjan.
Kveðja LELLA
Á ekki bara að steypa stjórnini af stóli!!!!!!!!!!
Mér heyrist hljóðið vera þannig að það sé múgæsingur í gangi.
Hef reyndar heyrt það útan úr bæ að það séu menn að sem ætla að yfirtaka klúbbinn og fella stjórn og veit ekki hvað, væntanlega verður gamann á næsta félagsfundi og örugglega geta þessir menn aflað fleiri milljóna en stjórnin sem er sitjandi núna og fyrir næsta aðalfund þannig að velta klúbbsins verður í hundruðum milljóna.
Að öðru ritskoðun á vefnum Ella var hún að skrifa ??eða??
lokun eða ekki.Kv Eyþór R-397
Ég hreinlega bið þig afsökunar Lella … ég hef bara gert innsláttar villu ….
Afsakið ….
Nú held ég að allir hér ættu að draga djúpt andann og telja uppá tíu áður en lengra er haldið, mér hreinlega líst ekki nógu vel á framhaldið… Allt tal um yfirtökur og annað er óábyrgur málflutningur og hljómar helst sem hótun ef eitthvað er.
.
Róleg öll sömul
Ferðakveðja Axel Sig…
Þessi upphafspóstur hefði allt eins getað verið skrifaður af mér sjálfum því nákvæmlega þessu hef ég verið að velta fyrir mér og of verið byrjaður að skrifa þennan póst en ávalt látið hann í ruslið –
Ég les mest af því sem er skrifað hér og tek einstaka sinnum þátt – ég hef hins vegar ekki einhverra hluta vegna fundið þörf hjá mér til að starfa fyrir klúbbinn og er það vegna margra annarra verkefna sem ganga fyrir.
Ég hef ekki enn greitt árgjald 2008 þar sem einmitt þessar nákvæmlega sömu vangaveltur hafa verið að brjótast um í hausnum á mér.
– fyrir hverja er þetta félag og á hvaða leið er félagið – .
Mér hefur ekki tekist að fá svör við þessum vangaveltum mínum þrátt fyrir töluvert mikinn lestur hér á þessum vef (og nokkur innleg í umræðuna) og í því ljósi er ég tvístígandi að ég og þetta annars ágæta félag eigum einhverja samleið.Í stórum hópi manna verða alltaf skiptar skoðanir, en forustusauðirnir verða að vera nægjanega sterkir til að geta dregið vangninn og fylgt þeirri stefnu sem þeir hafa umboð til – þó svo einhverjir haldi uppi andófi þá er það af hinu góða því það heldur þeim á tánum sem við stjórvölin eru.
Gott dæmi finnst mér vera frábært framtak Óháðu Fréttastofunnar sem að mínu mati var afgreitt á ákaflega kjánalegan máta.
Ég vona það innilega að þessi þróun sem virðist vera í gangi snúist til betri vegar og ég og 4×4 ($x$) munum eiga samleið í framtíðinni.
Drullum okkur svo á fjöll
_______________________________
"You tried your best and failed miserably. The lesson is, never try."
You must be logged in to reply to this topic.