Álkassar.

Sæll
"Spurningin hvort sé þægilegra að hafa álkassa á toppnum eða á afturhurð" Það fer algjörlega eftir því í hvað á að geyma í þessum kössum. Ég er nú sjálfur með álkassa á afturhurð þar geymi ég allt sem ég vill ná í auðveldlega, og það safnast ekkert meiri drulla á hann heldur en á hurðina sjálfa. Ég held að verðið á þeim sé nú bara í góðu lagi. Ég athugaði nú á sínum tíma hvað kostaði efni í svona kassa og miðað við að ég mundi fá kunningja minn til að beygja efnið í hann og ég sjálfur mundi sjóða hann saman. Þá var þetta engan veginn að borga sig. Venjulega eru menn að láta sprauta þessa kassa með misjöfnum árangri og kostnaði. Ég lét Rafbrynja hann hjá Hilmari(898 3727) og það á að vera alveg viðhaldsfrítt og það er það. Ég var akurat að athuga í gær hvað kostaði að kaupa tilbúinn aukatank í Pattann hjá honum Kidda(sá sem er með linkin á síðunni) og það er alveg á tandurhreinu að ég nenni ekki að smíða hann sjálfur miðað við verðið hjá honum.
Annars er allt dýrt ef maður þarf ekkert á því að halda.

Kv
Steini

Heil og sæl.

Ég er einn af þeim sem er að spá í að fá mér kassa á aftur hlerann á bílnum undir t.d dráttartóg ofl, mér blöskraði hreinlega þegar ég kannaði verðið ef mig misminnir ekki var það 34900 kr. Að smíða svona kassa úr rafgalvaniseruðu 1 mm
þykku blikki, álíka sterkt og 2mm ál og sennilega ekki mikið þyngra kostar ekki nálægt þessu, efnið í kassan sem ég teiknaði upp kostar 2000-2500 kr. Vinnan við að klippa
og beygja efnið kostar annað eins c.a. 1 klukkutími í vinnu.
Ég ætla reyndar að sjóða þetta saman sjálfur og mála en að láta sjóða það saman ef menn treysta sér ekki í það kostar c.a. hálftíma í vinnu og 1500 kr.Ég kannaði líka verðið á 2mm áli í sama kassa og var það örlítið dýrara en járnið en vinnan við að beygja það sú sama suðan var líka örlítið dýrari.Samkvæmt mínum upplýsingum gætirðu verið kominn með álkassa fyrir innan við 15000 kr,stálkassa samsoðinn fyrir innan við 10000 kr. Í verðinu á álkassanum er líka reiknað verð á samsetningu sama hvort hann er hnoðaður og kíttaður eða bara soðinn. Kosturinn sem ég sé við stálið er að það er auðvelt að mála það það er minna mál að sjóða það og er ekki eins viðkvæmt og álið.

Kær kveðja
Gunnar Már

Ég er með álkassa á afturhurðinni á bílnum sem ég smíðaði sjálfur. þetta er kassi út 2mm áli með 17mm rúfmet einangrun og 0,8mm ríðfríu stáli að innan sem tengist við áli með þéttikanti sem er einnig þéttikantur fyrir lokið, s.s. einangraður kassi með drenstút. Eftir að ég setti hann á bílinn hef ég skilið kæliboxið eftir heima og fiskikassinn (slorkassinn) kemur ekki lengur inn í bílinn, þess á milli geymi ég spottann og eitthvað smálegt í honum. Ég er mjög ánægður með notagildið en eins og áður er skrifað fer það allt eftir þörf hvers og eins hvaða geymslu menn kjósa sér en þar sem ég er að bögglast við veiðar af ýmsu tagi þá kemur hann mjög vel út.

Kveðja , Vals

Sælir allir, hvað hafa menn verið að nota til að einangra kassana með að innan. Ég hef heyrt að það sé allt frá því að vera ekki neitt, upp í það vera með þykka bólstrun innan á kössunum. Hvað segið þið um þetta.

Sverrir

Fáið ykkur bara Pick-up, þeir koma orginal með stórum og góðum kassa!!!

Kveðja
Siggi_F

Sæll Beggi.

Ef þig vantar kassa þá er alveg sjálfsagt að hjálpa til.
Það vill nú þannig til að ég er járnsmiður og og er búinn að skoða þetta nokkuð vel og ég er tilbúinn ef ég er með allar græjur nálægar t.d. klippur, beygjuvél og þráðsuðu
að vera klukkutíma að smíða svona kassa. En þar sem ég er ekki með þessi verkfæri í bílskúrnum hjá mér þá fæ ég að komast í klippur og beyguvél í blikksmiðju og þráðsuðu á öðrum stað og þetta eru ekki tæki sem ég hef unnið á áður en ég er samt tilbúinn til að gera þetta á einum og hálfum tíma og drekka einn kaffibolla á meðan.
Sem járniðnaðar maður veit ég vel hvaða tíma verkin taka í raun. Margir iðnaðarmenn segja þegar þú spyrð þá hvað þessi og þessi hlutur taki langan tíma þá segja þeir kanski tvo tíma en eru svo kanski þrjú korter þetta er gert út af reikningnum sjáðu til það er miklu betra að skrifa tvo tíma
heldur en einn.

Kær kveðja Gunnar Már

Prófílstál (Briddebilt) eru að smíða þetta. Þeir eru uppá höfða.

Kveðja,

Góli