Akstur utan vegar á leið í Þórsmörk

Sælt veri fólkið. Langaði bara í framhaldi af því að hafa átt leið inn í Þórsmörk, eða Bása reyndar, um liðna helgi að benda á að akstur utan vega er okkur öllum neðan virðingar þegar að jörð er ekki snjóþakin og vel frosin.
Það er á örfáum stöðum á leiðinni inn úr nokkuð vel í veginum af snjó en ekki til hliðar við hann og þar hafa menn/konur brugðið á það ráð að aka bara út fyrir í stað þess að hleypa örlítið úr hjólum. Þetta sést mjög skýrt og mun sjást án vafa langt fram á sumar. Það kallar síðan á hættuna af því að enn fleiri aki þarna um og sé það gert í sumar verður af varanlegur skaði.

Endilega hugsum lengra og gætum okkar. Jeppamenn sem forðast snjó í veginum?? hmmmm…….