Akstur utan vega

Sæll

Ef grannt var skoðað var "TÍGULL" á númera plötum 2ja bílana, og LADA sportinn var á gulum númerum
= Varnarliðsmenn.

Landinn hefur meiri reynslu en þetta, að ég held.

Kv.
Alfreð

Sælir. Ég hringdi í RUV. Fékk samband við Ómar kallinn. Hann sagðist ekkert hafa verið að spá í hverjir þetta voru, Jeppar eru bara jeppar, úti í mýri, tígul fyrir fram skipti hann engu máli. Hann sagðist ekki einu sinni hafa vitað að það væru Kana bílar. Þið ættuð bara að hringja í kallinn og spjalla við hann. Ég varð svo hissa að ég varð orðlaus, vissi ekki hvað ég átti að segja við hann, hann var greinilega úti að aka, í algjöru feni, t.d. Þá skipti engu máli þótt tígull væri á númerinu,og kanar að öllum líkinum að keyra, það gæti vel hafa verið íslendingur undir stýri, anyway.

Ég skil ekki alveg hvaða máli það skiptir hvort að þetta séu kanar eða íslendingar þetta er alveg jafn alvarlegt hverrar þjóðar sem bílstjórarnir eru. Ég hef nú ekki orðið var við svona viðbrögð þegar íslenskir bílstjórar hafa verið að keyra Blindfullir útí laug í Landmannalaugum eða verið að festa sig í drullu útum hvippinn og hvampinn, þá er ekki talað um að fara að stela hlutum úr bílunum þá standa menn saman og reyna að hylja skömmina. Stundum kanski smá tuð í einum fréttatíma og svo búið. Ég held að það væri nær að bjóða þessum mönnum sem langar að skoða landið okkar aðstoð og kanski smá kennslu í akstri á okkar fallega landi.

100% sammála GeiraSaem !!

Ég verð nú að viðurkenna að ég var soldið fúll þegar ég sá þessa frétt og fannst þetta algjörir asnar en maður verður að líta á þetta frá þeirra sjónarhóli líka. Þarna eru þeir að reyna að ferðast á landi sem þeir þekkja ekki neitt og vita kannski ekki hvert þeir eiga að snúa sér til að fá leiðbeiningar.

Hvernig væri ef einhver innan f4x4 setti sig nú í samband við kanana og byði þeim með í ferð sem yrði skipulög fyrir þá og kæmi á einhverju sambandi fyrir framtíðar samvinnu til að koma í veg fyrir að svona slys gerist aftur. (Upplýsingum á ensku) Það gæti líka verið fín mont-ferð fyrir þá sem vilja sýna þessum könum hvernig á að breyta alvöru jeppum í staðinn fyrir þessa disco-trukka þeirra.

Tökum hausinn úr litla sandkassanum og reynum að vinna saman í stað þess að vera neikvæðir og gagnrýna allt og alla. Öll dýrin í skóginum eiga að vera vinir.

Örugglega ágæt hugmynd að 4×4 bregðist við þessu með því að koma fræðslu á framfæri við herinn um það hvernig menn hagi sér á jeppum í íslenskri náttúru. Það virðist þó vera að það hefði ekki komið í veg fyrir þau náttúruspjöll sem þessir aðilar gerðu, því þeir fóru í nótt, þvert á tilmæli lögreglu, og sóttu eitthvað af bílunum (náðu ekki öllum) og frömdu með því tiltæki enn frekari náttúruspjöll þarna. Fyrir nokkru var hérna á vefspjallinu umræða um reglugerðir og frelsi í ferðamennsku, ég held að þetta sýni að það þurfa alltaf að vera einhverjar grunnreglur sem t.d. banni utanvegaakstur nema við tilteknar aðstæður, því þó flestir sýni ábyrga hegðun eru alltaf einstaka menn sem gera það ekki og þá þarf að vera hægt að beita viðurlögum. Það getur átt jafnt við um heimamenn sem kanana eða túrista. En það er ekkert tilefni til að dæma alla bandaríska starfsmenn hersins eftir þessum gaurum.
Kv – Skúli

Hef til sölu frampart af stóra Bronco og afturhurð af Lödu sport. Þið eruð gjörsamlega veruleikafyrtir að halda að einhver fari uppeftir að stela af þessum bílum. Það stelur enginn haugdrullugum boddýhlutum.

Ég hef aldrei staðið með fullum Íslendingum og hvað þá með fullum Íslendinum að keyra utanvegar. Ég hef frekar gefið mig út fyrir að vera mjög á móti alls konar "nývegamyndun" og slóðavíkkun.

Mér finnst að það ætti að taka hart á þessu máli eins og flestum landskemmdum og má þar nefna "bætta hálensdisvegi".
Kanarnir fóru ekki að tilmælum lögreglu svo afhverju ættu þeir að vilja keyra í halarófu á eftir hrísgrjónadollum.

Nú er ég ekki að dæma alla Ameríkana og vildu örugglega margir grípa tækifærið fegins hendi ef góðviljaðir Íslendingar bjóða þeim á rúntinn. En þeir sem eru sekir verða að gjalda fyrir verknað sinn. Enginn vetlingatök á glæpamönnum.

Björn O.

P.S Þetta er ekki í fyrsta skiptið sem þetta gerist á Reykjanesinu og þið megið trúa því að svona hlutir eigi sér mun oftar stað en ykkur grunar, Ómar er ekki alls staðar.

Skítt með allar refsingar og sektir. Er ekki um að gera að senda þá sem eru sekir í þessu máli að sá og tyrfa í skemdirnar eftir sig og láta þá sjá til þess að staðurinn grói aftur í sitt fyrra horf. Og svo er náttúrlega skylda að senda Ómar með myndavélina og hafa þetta í beinni í fréttatímanum.
Annars efast ég um að þetta hafi verið tilgangur ferðarinnar hjá þeim en ef svo er þá á að láta þá annast svæðið fram á næsta vor og borga það úr eigin vasa.

Það virðist því miður vera aðalmálið uppi á velli að vera á sem skítugustum jeppa og ef hámarki sælunar er náð (dulla upp um allan bíl) þá er jeppin ekki þvegin næstu vikurnar. Ljótt en satt þó !
Enda er Reykjanesið farið að bera þess merki að furðulega þenkjandi menn ferðast þar um á jeppum og skellinöðrum þar sem ekkert virðist heilagt. Fyrir umþb mánuði síðan gekk ég frá Höfnum yfir í Sandvík. Það verður að segjast að það svæði er ekki til prýði fyrir jeppa og mótorhjólamenn vegna þess að það var allt sundurskorið af nýlegum förum eftir bæði jeppa og mótorhjól.
Það tókst að koma af stað hugarfarsbreytingu hjá jeppamönnum fyrir tveim áratugum en ég held að það hafi nokkrir orðið eftir ásamt því að strákarnir á skellinöðrunum eru enn í moldarkofanum að þessu leiti. Það er ekkki til það fjall eða hóll á Reykjanesi sem þeir hafa ekki gert tilraun til að komast upp á. Þessu til staðfestingar bendi ég á spólför upp fellið við hliðina á Djúpavatni og stöðuga umferð þeirra upp á Helgafell (bæjarfjall Hafnfirðinga).
Allir þeir einstaklingar sem ég hef kynnst í 4×4 hafa haft það að aðalsmerki að hlúa að landinu en hjá skellinöðruköppunum virðist ríkja algert stjórnleysi. Hver man ekki eftir mótorhjólamanninum sem slasaðist uppi á fjallabaki í fyrra og þyrlan þurfti að sækja vegna þess að allir vegir voru lokaðir á svæðinu vegna aurbleytu og þess að landið var ekki tilbúið undir umferð vélknúin tækja.

Annars
Gleðilegt ferðasumar
Kveðja
Gummi J.

Sælir félagar.

Í morgun var eftirfarandi fréttatilkynning send frá Klúbbnum til fjölmiðla:

Aðalfundur Ferðaklúbbsins 4×4 fordæmir þann utanvegaakstur sem skýrt var frá í fréttum að kvöldi 6. maí 2002.
Háttsemi eins og þessi er í fullkominni andstöðu við stefnu klúbbsins, en hann hefur barist gegn utanvegaakstri
allt frá stofnun félagsins árið 1983.

Þessi fréttatilkynning hefur nú þegar verið birt í Fréttablaðinu á Vísi.is

Kv.
Kjartan G

Halda menn virkilega að með því að vera í 4×4 séu menn öðrum æðri á ferð í byggð eða óbyggð… Alveg með ólíkindum þessi pistill sem sendur hefur verið á hina ýmsu fréttavefi á Íslandi hafi yfirleitt verið saminn… Nei félagar í
4×4 það er ekki okkar að fordæma aðra og hvað þá opinberlega, við erum engir löggæslumenn né dómarar.

Það mætti kanski athuga með að setja "oliugildru" í kringum gáminn upp í SETRI svona rétt til að fylgja lögum um náttúru og náttúruvernd

kv
Jon