Áhugaverður fyrirlestur?

Ég vil hvetja alla til þess að mæta á þennan fyrirlestur. Þetta er mál sem varðar okkur alla.

-Einar (tækninefnd)

Ég er ekki með það alveg á hreinu í hvaða húsi þessi
fyrir lestur er og staðsett
kv,,,MHN

Jæja, þá er þessi fíni fyrirlestur búinn. Helsta niðurstaðan og sú veigamesta er vafalítið sú að enginn munur er á slysum á breyttum jeppum og óbreyttum í árekstri við fólksbíla.

Mér fannst reyndar ótrúlega léleg mæting á þennan fyrirlestur frá jeppamönnum, ég bjóst við að sjá mikið fleiri, jafnvel fullt útúr dyrum.

kveðja,
Lalli

Svo sem ágætlega áhugavert en þó bara staðfesting á rannsóknum Árna og félaga í Orion.
Eitt kom mér þó á óvart, enginn munur var á alvarleika slysa fyrir 20 árum og í dag. T.a.m. virtist ekki vera neinn munur á hættu á dauðsfalli við að velta í jeppa þá og í dag. Þrátt fyrir allar þessar framfarir í öryggi bíla virðist jafn hættulegt að velta jeppanum mínum (sem ég á ekki í augnablikinu) og fyrir 20 árum síðan.

Annars var aðalniðurstaðan að ég á að senda konuna út í búð á jeppanum en keyra Volvoinn þegar ég fer út á land…
kv
Agnar

Var að sjá um fyrirlesturinn í tíufréttum.

Mér fannst nú umræðan eða allavega framsetningin í fréttunum sett fram þannig að væri frekar neikvæð í garð jeppa þó að það hafi vissulega komið fram mjög skýrt að breyttir jeppar væru ekkert hættulegri en aðrir jeppar.

Það kom t.d. fram að það væri tvöfalt meiri hætta á að velta jeppa við útafkeyrslu en fólksbíl. Þetta fannst mér mikil speki en ég vissi þetta nú reyndar fyrir þó ég sé ekki verkfræðingur : )

Neikvætt fannst mér hvað það væri mikil áherlsa lögð á að ökumenn fólksbíla væru í meiri hættu við árekstur við jeppa, svona tal er vatn á myllu atvinnuröflara. Hætta við árekstur tveggja farartækja og tjón hvors hefur meira að gera með massa tækjanna frekar en gerð hvort sem það er jeppi eða eitthvað annað tæki.

Já, áhugavert en eins og fleiri átti ég ekki heimangengt á þessum tíma.
.
Hlakka til að sjá þessar tölur, trúi ekki öðru en að einhverjum takist að koma höndum yfir þær. Finnst hinsvegar eitt stundum gleymast í umræðunni um umferðaröryggi þegar verið er að bera saman jeppa og fólksbíla…
.
…Auðvitað er verra að lenda á þyngri hlut. Að sama skapi og það er verra að keyra á steinvegg á 200 km hraða en á 35 km hraða. Í Svíþjóð, og reyndar hér líka, hafa þessi rök verið notuð sem meðmæli með því að banna jeppa (reyndar yfirleitt talað um breitta og því gaman að sjá að enginn munur virðist vera þar á). En… hvað með vörubíla, rútur, strætisvagna, flutningabíla, tankbíla, steypubíla, kranabíla o.s.frv… á þá ekki að banna þá líka? Þar er miklu meiri massi á ferðinni en í einni jeppatík, og ef keyrt er t.d. frá Reykjavík til Akureyrar að kvöldi til mætir maður margfalt fleiri svoleiðis bílum heldur en breyttum jeppum.
.
Eru til einhverjar samanburðartölur um hvort er verra að lenda framan á fólksbíl eða fullhlöðnum flutningabíl? Líklega ekki – enda getur hvaða barn sem er sagt sér það sjálft.
.
En skyldi vera einhver munur á því þegar svona flutningabíll lendir framan á jeppa, eða þegar hann lendir framan á fólksbíl? Þá fyrst værum við að tala um tölur sem mér þætti gaman að sjá.
.
Ég hef alltaf litið á það sem svo að þar sem það sé fólkið í smábílunum sem slasist, hljóti það að vera smábílarnir sem eru hættulegir, ekki satt? Bönnum því smábíla, frekar en jeppa…
.
Einar Elí
Ps. keypti olíu með afslætti á Select í gær og spældi þá ferðafélaga sem eru ekki klúbbnum

Það vakti athygli mína að þarna sat Runólfur frá FÍB og spurði spurninga sem átti greinilega að draga fram neikvæða hluti um breytta bíla.

Þetta sjónarmið hefur svo sem komið fram hjá honum áður en merkilegt samt að sjá þetta svona – spurningavalið var svo áberandi.
Það snérist t.d. um hvort breyttir væru ekki valtari, og hvort ekki væri erfiðara að sjá gangandi og hjólandi úr breyttum bílum – hvorutveggja var þó sem betur fer hrakið, bæði af fyrirlesara og með ágætu innleggi Freysa.

Ekki nóg með aukningu á breidd bílsins, heldur lækkar þyngdarpunktur bílsins svona hlutfallslega, vegna aukinnar þyngdar dekkja og felgna.

Tölfræðin sem kynnt var á þessum fyrirlestri, kemur hún frá Bandaríkjunum eða héðan af Frónni?

kv
Rúnar (sem var fastur í vinnunni í gær).

Gögnin sem fyrirlesturinn í gær fjallaði um voru íslensk frá 1991 – 1999 (eða var það 2001?). Bæði skráningar bíla og slys.

Freysi kom með mjög gott innskot um að samkv. hans prófunum væri breyttur bíll (eins og þeim er breytt nútildags) jafnstöðugur eða stöðugri en óbreyttir.

Punkturinn um erfiðleikann við að sjá var að mér heyrðist (ég var aftast og sumt úr salnum heyrði ég illa) að aðrir ökumenn væru að kvarta undan því að stórir bílar gerðu þeim erfiðara að sjá gangandi og hjólandi. Kannski var ég að heyra vitlaust eða misskilja.
Reyndar er almennt með stóra bíla hvort sem það er jeppi eða ekki t.d. minivans að það er erfiðara að sjá t.d. börn beint fyrir aftan bílinn en að blindi bletturinn (aftur til hliðar) sé stærri er ég ekki að kaupa.

Nei, nú er ég ekki alveg sammála þér AgnarBen.
Slysagögnin voru frá ’91-’00 ef ég man rétt.

En könnunin með breyttu jeppana, þ.e.a.s. um hvað þeir séu mikið keyrði o.s.frv. var gerð 2001.

Eða er ég kannski líka að bulla???….að muna tölur eru svo sem ekki mín sterka hlið, en ég held að það hafi örugglega ekki verið nein gögn eldri en ’91.