This topic contains 14 replies, has 1 voice, and was last updated by 
-
Topic
-
Það eru tvær ansi áhugaverðar greinar í 24stundum í dag. Í annari þeirra rætt við Agnesi um fjallaferðir og er þar flott grein og Agnes svarað af miklum sóma… Enda orðin þaulvön blaðaviðtölum.
Hin greinin fannst mér öllu sérkennilegri – þar er rætt við einhvern Björn á VDO verkstæði, sem er titlað sem breytingaverkstæði í greininni. Þar lætur þessi Björn í það skína hvað eftir annað að breytingar umfram 34 – 35″ séu óskynsamlegar og ef að bílum sé breytt „skynsamlega“ eins og hann kallar það þá séu þeir stöðugri og betri fyrir íslenskar aðstæður. En að hald því fram að það sé ekki skynsamlegt að breyta upp fyrir 35″ finnst mér sérkennilegt að starfsmaður á breytingaverkstæði láti útúr sér og láti um leið í það skína að bílar á stærri dekkjum en 35″ (skynsamlegu stærðinni) séu óöruggir í umferð.
Eins er látið sterklega í það skína að þeir sem séu að breyta sjálfir séu ekki að skila góðri vinnu….
Ja ekki versla ég við VDO í framtíðinni ef að þetta lýsir þekkingu þeirra á jeppabreytingum.
Benni
-
Replies
-
Já eftir þetta, versla ég ekki við VDO aftur.
Takk fyrir að benda á þetta Benni.
Þessi Björn fullyrðir að sé jeppum breytt innan þessara skynsemismarka sem hann setur (sic!) þá séu þeir stöðugri en óbreyttur bíll. Sennilega rétt en í orðunum liggur að ef farið er í 38 tommu breytingu gildi þetta ekki. Það væri fróðlegt að sannreyna þetta, taka 35 tommu bíl breytt af þeim og svo annan sömu gerðar á 38 tommum og kanna hvað þeir þoli mikinn halla. Mér segir svo hugur að 38 tommu bíllinn sé stöðugri. Svona test var gert fyrir sennilega ca 8 árum eða svo og leiddi í ljós að óbreytti bíllinn þoldi minni halla en 38 tommu bílinn.
Spurning hvort eitthvað breytingaverkstæði sem stundar jeppabreytingar út fyrir “skynsemismörk“ Björns sjái ekki hag í að hrekja þessa fullyrðingu samkeppnisaðilans.
Kv – Skúli
Gerði Freysi ekki svona hallapróf við "control" aðstæður einhvern tíma?
Ég spurði Freysa eitthverntíma um þetta próf. Ef ég man rétt þá voru það bílar sem settir voru á 33" dekk og útstæðar felgur, án hækkunar, sem reyndust eitthvað stöðugri í "statísku prófi". Þetta átti ekki við um 38" breytta jeppa. Þar sem nær allir 38" breyttir bílar hafa verið hækkaðir um a.m.k. 5-10 sm, þá er nokkuð víst að þeir eru allir verulega valtari en óbreyttir.
Ég veit það af reynslu, að minn bíll er miklu valtari en óbreyttur, er hann þó mun lægri en flestir þeir breyttu bílar sem menn eru að nota í vetrarferðum.
Það er líka vert að hafa í huga, að bílar verða valtari þegar hleypt er úr.-Einar
Þetta próf var gert fyrir ca 7-8 árum við Nissan Terrano hjá Fjallasport,og voru prófaðir óbreyttur,
33",35",38" og jókst hallaþolið í bílunum eftir því sem dekkin stækkuðu.
Ómar Ragnarsson var viðstaddur þessa tilraun og myndaði allt og var það sýnt í RUV.
Kv B
Hliðarhallaþol er ekki endanleg mælieining á stöðuleika (ala t.d. elgspróf). Tölfræði frá ameríkuhreppi sýnir t.d. að CJ5 var helmingi líklegri til að velta en CJ7 (báðir jafn breiðir, ekki satt?). Sama gildir um fólksbíla, t.d. var Mercury Capri þrisvar sinnum líklegri til að velta en Vega (hvaða bíll sem það nú er) þrátt fyrir að báðir höfðu nánast sama hliðarhallaþol.
Þar fyrir utan gildir sennilega allt önnur logic hér á skerinu. Ég ímynda mér allavega að flestar veltur hér eiga sér stað á þjóðvegunum. Og ef maður fer út af okkar mjóu og háu þjóðvegum, þá veltur maður, svona nokkurnvegin óháð því hvort bíllinn sé breytur eður ei.
Ef tekin væri saman tölfræði um veltur á Íslandi væri niðurstaðan sennilega sú að best væri að banna bílaleigubíla (enda óvenju hraðskreiðir, og skelfilega valtir, ef marka má fréttaflutning undanfarinna ára).Mín skoðun á stöðuleika breyttra bíla er einfaldlega sú, að óháð því hvort þeir séu stöðugri eða óstöðugri en orginal, þá eru þeir bara feiki nógu stöðugir. Einnig tel ég að flestar veltur hér á landi verði vegna veganna, ekki bílanna. Og hananú.
kv
Rúnar.
ps. heimildirnar eru úr biblíunni.
Búinn að lesa þessa grein. Hún er ósköp hógvær og er þetta er stormur í vatnsglasi og engin ástæða að fara á límingunum út af henni og stefna að því að "taka viðtalsmann VDO af lífi" fyrir skoðarnir sínar. Hvernig á að taka félagsmenn eða félag alvarlega ef það á að hóta engum viðskiptum við viðkomandi fyrirtæki þegar skoðarnir félagsmanna eða hagsmunir eru á skjön við skoðarnir fyrirtækja eða einstaklinga innan þeirra. Það þjónar ekki hagsmunum jeppaeiganda að bregðast með slíkum hætti á gagnrýni á breytta jeppa. Þar að auki var flest eða allt rétt hjá VDO manninum. Jeppar á mjög stórum dekkjum eru varasamari á flestan hátt en óbreyttir bílar. Alveg sama hvaða tegund það er. T.d. út af auknu álagi á stýris og hjólabúnað og hærri veltipunkt. Það vita allir sem vilja vita. Reyndar var nýlega viðtal í Fréttablaðinu eða Morgunblaðinu við Benna í Bílabúð Benna. Þar kom fram viðhorf um mikið breytta bíla sem ég hefði ekki átt von á frá Benna sjálfum.
VÆRI EKKI RÉTT AÐ PRÓFA BARA ÞESSA STAÐHÆFINGU
HANN KEMUR MEÐ SKYNSAMLEGA BREYTTAN BÍL
(33 ")við skulum prufa 90 gráðu beyju fyrst á 60 svo
70 og uppúr síðan (þá óskynsamlega breyttan 38")
og sjá hvor veltur fyrst
Það er allveg rétt það er hægt að gera ýmsar prófanir og fá mismunandi útkomu.
En í þessu prófi var samanburður á milli allveg eins bíla þ.e.a.s. Terrano vs Terrano ekki Terrano vs Patrol,þá hefði líklega komið önnur niðurstaða.
Þetta próf var gert til að sjá hvort það væri satt það sem menn héldu fram að breyttir bílar væru valtari enn óbreyttir,en stöðuleikin ræðst líka af breytingunni,það er hversu mikið bíllin er hækkaður
og fleirri þátta.
Ég tók sjálfur þátt í þessari tilraun sem um er talað og á staðnum voru menn frá Iðntæknistofnun líka. Við byrjuðum á óbreyttum Terrano II og síðan færðum við okkur upp í 33", 35" og síðan 38". Það er skemst frá því að segja að 38" bíllinn var stöðugastur síðan kom 33" þá 35" og síðast óbreyttur. Það er einföld skýring á því afhverju 33" er stöðugri en 35" því þeir eru með sömu felgur og 35" bíllinn var meira hækkaður. En svo taldi Ómar að það væri lítið að marka þetta þar sem menn væru oft að hleypa úr 38" og þá yrði bíllinn ekki eins stöðugur. En annað kom í ljós og hann hélt enn meiri halla þegar búið var að hleypa niður í 4 pund. Dekkinn flöttust meira út og bíllinn lækkaði.
Kveðja,
HG
Það er örugglega rétt hjá Rúnari að stöðugleiki er ekki sama og hliðarhallaþol. Að vísu skiptir hliðarhallaþol okkur ekki síður máli því á fjöllum reynir oft á þann eiginleika, en það er kannski annað mál. Bíllinn hjá mér er sjálfsagt hátt í 40 cm breiðari en orginal mælt frá ytri brún dekkja og það hugsa ég að geri meira en vega upp á móti hærri þyngdarpunkt (án þess að hafa mælingar á því)
Varðandi þetta viðtal þá hefur Tómas auðvitað lög að mæla að það þjónar engum tilgangi að taka menn eða fyrirtæki af lífi fyir skoðanir þeirra. Hins vegar virkar það á mig sem ansi mikill hroki að tala um ‘skynsemismörk’ í jeppabreytingum og miða þar við það framboð sem þeir bjóða. Gagnvart samkeppnisaðilum sem hafa til að bera kunnáttu og getu til meiri breytinga en 35 tommu finnst mér þetta vera neðanbeltishögg. Svo skýtur hann í leiðinni á bílskúrsbreytingar sem ef vel er að gáð er líklega grundvöllurinn að þeirri starfsemi sem þeir stunda. Það er allavega í góðu lagi að ræða fullyrðingar hans, en vissulega óþarfi að fara í einhvern varnarleik.
Kv – Skúli
Dæmigerð hásing (með svona ca 8" drifi) er svona cirka 90-120 kg. 38" dekk á stálfelgu vegur ca 60 kg ef mig misminnir ekki. Það gera þetta 200 – 250kg per hásingu, eða 400-500 kg per bíl (ca 20% – 25% af þyngd bílsins). Öll þessi þyngd hækkar ekki þegar bíllinn er hækkaður, og því lækkar þyngdarpunktur bílsins hlutfallslega eftir breytingu. Þetta spilar inn í þar sem við á.
kv
Rúnar.
Þegar bílar velta (í akstri á vegi) þá skeður það venjulega þannig að bíllinn fer einhverra hluta vegna úr jafnvægi þ.e. bílstjórinn missir stjórn á farartækinu. Eftir það skipta einhverjar örfáar gráður sem bíllinn þolir meira eða minna í hliðarhalla sjaldnast öllu máli heldur ræður heppni og það hve fljótt ökumaðurinn nær tökum á bílnum aftur miklu meiru um það hvort bíllinn veltur eða ekki.
Spurninginn er hins vegar hvers vegna fór þetta farartæki eiginlega úr jafnvægi yfirhöfuð og þar ráða aksturseiginleikar og það hvernig fjöðrun dekk og stýrisgangur vinna saman öllu.
Margir breyttir bílar hafa fína aksturseiginleika og oft jafnvel betri en óbreyttir (eru t.d. lengri milli hjóla sem gerir þá stöðugri) en það eru líka innanum fullt af bílum sem eru ekki fyrir hvern sem er að aka.
Dæmi um þetta er Suzuki Samuri sem ég átti einu sinni. Hann var orðin það breiður að hann þoldi ágætlega hliðarhalla (það reyndi verulega á það á þessu tiltekna eintaki og ég er samfærður um að óbreyttur hefði oltið) en aksturseiginleikarnir voru svo hræðilegir (miklu verri heldur en á óbreyttum) að það reyndi á þó nokkuð á hæfileika ökumannsins að halda honum á veginum.
Ef þú ætlar að nota jeppan þinn til að keyra innanbæjar eða á malbikinu þá finnst mér ekki skynsamlegt að fara í meiri breytingu en 35". En ef það á að nota bílinn í snjóakstur og aðrar torfærur þá er skynsamlegt að breyta bílnum í 36" og uppúr. Fer auðvitað eftir þyngd bílsins.
Einhverstaðar las ég það að 70-80% breytra bíla fara sjaldan eða aldrei út fyrir malbikið. Ef það er staðreynd þá er óskynsamleg breyting sú sem er stærri en 35". Ekki satt?
Kveðja
Þengill
You must be logged in to reply to this topic.