Afturhaldssamur Landcr 90

Sælir

Ég er með ’97 árgerð af svona bíl.

Það var komið svolítið rið í stóra kútinn, svo ég tók hann undian og setti rör beint á milli, ég er ekki frá því að það hafi aukist smá togið allavega, (fyrir utan að hljóðið varð mun karlmannlegra)

ert þú með "common-rail" vélina eða þessa gömlu (fyrir 2001)?

mbk
Dagbjartur

það er aðeins erfitt að átta sig á þessari lýsingu hjá þér, en ég upplifði svona kraftleysisvandamál á 90 LC bíl sem ég átti fyrir nokkrum árum. Það var stundum ómögulegt að koma vélinni á fullan snúning. Það reyndist vera hráolíusían sem var orðin stífluð – allt virkaði eðlilega á litlum snúningi = lítið flæði í gegnum síuna, en þegar gefa átti vélinni að éta – gerðist lítið … þetta ætti að vera fljótlegt fyrir þig að tékka …

Ef ég á að segja fyrir mitt leiti, þá er 2,5" púst alveg nóg fyrir þessa vél. (Er reyndar ekki með afgashitamæli, langar að sjá muninn á afgashita á 3" og 2,5")
Og nota bene, þá er afgasið orðið það kallt eftir að það kemur niðrúr beygjunni að það hefur lítil áhrif á hvað pústið er stórt afturúr. (Þeorískt séð)
.
Ég er reyndar með frekar stutta pústlögn, en áður var ég með enga. Fann engan kraftmun (dísel er sama þó það vanti pústið, það er aldrei nógu lítið viðnám fyrir aftan þær)
.
Aðal atriðið er held ég að losa sig við hvarfakútinn, sennilegast best að hreinsa hann bara að innan, svo þeir í skoðun setji ekki útá það. (Sá sem minnist á að það sé ólöglegt skal einnig minnast á það að engum hvarfakút er löglega fargað á Íslandi).
og taka hljóðkútinn undan líka.
.
Ég er með 2,5" púst og eina sprengitúbu (heyrist ekkert voða hátt í þessu). Pústið er c.a. 1,6m í heildarlengd frá túrbínu hjá mér.

Veit ekkert hvort þetta hjálpar en svona er þetta bara. 😉
Ég er btw með sömu vél og þú, þó þetta flak mitt heiti 4runner, reyndar bara túrbó .

En mér þykir samt líklegast að þetta sé eins og fyrr hefur verið minnst á, olíusían.
En það eru samt fullt af skynjurum ef mig misminnir ekki sem gætu flækt hlutina.

Smá misgagnlegt info: 1KZ-TE er með tölvustýrða innsprautun af 3VZ-E, eins furðulegt og það hljómar. Það er að segja, innsprautunartölvan vinnur eins og er með í grófum dráttum sömu skynjara, og sömu villumeldingar

kkv, Úlfr. (ekki að tapa sér í tog&ýta pælingum…ekki enn)
E-1851

P.S. (ég veit þetta hljómar furðulega) Er nóg vatn á vatnskassanum?

Veit ekki hvort Ulfr er að meina eitthvað svipað og ég lenti í síðastliðið sumar þegar hann spyr um kælivatn. En það sem skeði hjá mér var að í löngum brekkum byrjaði bíllinn að missa afl, varð eiginlega hundlatur en fór samt upp. Þegar betur var að gáð var vélarhitinn orðin óeðlilega mikill en ekki samt í hættumörkum.
Við nánari skoðun kom í ljós að milli vatnskassa, intercolers og hlífa þar í kring var allt orðið pakkað af skít og drullu og þess vegna kældi hann sig ekki eðlilega. Þegar það hafði verið hreinsað hvarf vandamálið og vélin vann á fullum afköstum.
Samkvæmt því sem ég fann síðan út byrjar vélin að draga úr afli þegar hitinn fer að stíga upp til að verja sig, hún fer sem sagt í svona "Save Mode".
En það er náttúrulega ekki víst að Toyotan sé eins háþróuð og Fordinn minn en þetta segir manni að það er ýmislegt sem getur plagað mann í nútíma hátækni mótorum sem engum hefði dottið í hug að gæti verið til vandræða áður.

Eru menn að fá almennt skoðun á þessi opnu púst hvort sem það er 2.5 eða 3 tommu ég þarf að fara í svoleiðis aðgerð.
Minn LC90 er ekkert of kraftmikill, ég missi hann allavega ekki í spól í tíma og ótíma. Líklega skiptir fjarvera intercoolers þar mestu um en ég finn greinilegan mun á bílnum hvort vélin sé köld eða heit, veit einhver hvort að sé eðlilegt.

Humm merkilegt, fékk ekki að setja inn komment fyrr en ég hafði tekið út tommumerkið. (er þetta stjórn að kenna?) nei bara grín

Mótorinn ætti samkvæmt reglu (og tölvunni) að vera kraftminni þegar hann er kaldur. *Hinsvegar*, ef það er kallt úti, þá ætti bíllinn að vera aflmeiri. Ég finn greinilegan mun á því að keyra í kulda og svo aftur á móti ef það er hlýrra úti. =)
En aftur á móti, þá er engin tölva fyrir vélina í mínum bíl.
Enda gömul og góð dísel vél, ekkert óþarfa rafmagnsrusl (væri reyndar til í að vera laus við rafmagnsádrepann og hafa hann sogstýrðan (Vacuum).
.
En varðandi stærð á pústum, þá þætti mér gaman að sjá dyno tölur yfir bíl með mismunandi pústkerfum. Ég er ekkert viss um að hálf tomma breyti miklu.
Gæti verið áhugavert samt að sjá muninn með afgashitamæli og dyno.
.
kkv, Úlfr
E-1851

Ef öndunun á tanknum er eitthvað treg, getur það ekki leitt til kraftleysis? Einfallt að tékka á því allavega, bara losa lokið.

kv
Rúnar.

Þetta er ekki bara eintakið?? Þeir eru nú misjafnir eins og þeir eru margir.

Þú ert varla að finna fyrir þessu allt í einu núna eða hvað?? Það fylgir ekki söguni.

Hvaða tölvu getur maður tekið úr bílnum sem tengist á einhvern hátt vélbúnaði eða öðru og bíllinn fer í gang og keyrir?? Þetta hefur kannski verið ofur Patrol??

Það er engin tölva sem skammtar kraftinn í þig á þessum árgerðum á Cruiser ef eitthvað er að. Ef þú stendur í botni þá er allt í botni. Eða ég veit allavega ekki betur.

kv. Kristján

Það passar, en það er engu að síður ekkert að taka völdin af þér þó eitthvað sé að.

Kv, Kristján