Aftengja túrbínu í Musso?

nei ég segi svona, það sem væri heppilegast er að keyra bílinn alls ekki neitt en ef hjá því verður ekki komist verður þú að aftengja túrbínu frá vél, þ,e að aftengja afgasið ( pústið ) frá túrbínu en það er það sem snýr henni á ógnarhraða svo að tengja loftinntakið framhjá túrbínuni ( loftinntak, túrbó, intercooler, vél. ) en þetta væri stóraðgerð og auk þess með pústið opið við vélina með tilheyrandi hávaða. Svo er spurning að keyra bara með draslið vælandi ef það eru bara blöðkurnar sem eru farnar en yfirleitt fer það ekki vel með kuðunginn auk þess áttu hættu á að beigja öxulinn í túrbínu og þá ertu í slæmum málum, ekki bara túrbínu.

Þessi smá leki getur verið stórhættulegur því það bendir til að öxullinn sé óþéttur og ef pakkningin sem heldur olíunni á öxlinum fer eða öxullinn brotnar getur þú fengið alla smurolíuna inn á vél sem þíðir að hún kveikir í henni með tilheyrandi yfirsnúningi 10,000+ og allt brent ofan á kollunum( stimplum)

Ef þú ert tilbúinn að afskrifa túrbínuna sem 100% ónýta þá er vafalaust hægt að nuddast eitthvað á bílnum, en hann verður alveg grútmáttlaus og hætt við ofhitnun á ventlum, heddi og pústgrein.
Fyrst þarftu samt að aftengja og blinda smurlögnina að túrbínunni og frátengja loftbarkann sem liggur að millikæli eða soggrein þannig að restin af túrbínusvarfinu fari ekki inn á vélina.
Ég lenti í því með gamla Pajeróinn minn að túrbínan gafst upp norður í Skagafirði. Af ýmsum ástæðum þótti mér skásti kosturinn að reyna að keyra hann heim til Rvk og það tókst með aðferð eins og ég hef lýst. Ég ætla ekki að lýsa því hve slappur bíllinn var og gjarn á að reykja (það merkir að díselolían nær ekki að brenna upp í strokkunum = hitamyndun o.s.frv.). Hann komst þó óskemmdur í bæinn, en túrbínan var öskuhaugamatur. Ég mun seint gleyma því hve ég vorkenndi manninum í næsta bíl á eftir mér í Hvalfjarðagöngunum þau fáu skipti sem ég sá í hann fyrir reyk.

Ágúst

Ég sé ekki að þetta snerti olíuskipti beinlínis hvort túrbínan sé farin eða ekki.
Olía á díselvélum verður bleksvört nánast um leið og sett hefur verið í gang. Það er vegna sótmyndunar sem er mun meiri en í bensínvélum. Smám saman mettar sótið allar olíur og margfróðir menn mæla með að skipta um olíu og olíusíu á 5000 km fresti og hef ég fylgt þeirri þumalputtareglu.
Ég hef ekki notað önnur olíubætiefni en Militec, sem ég hef reyndar ofurtrú á
Ef þú ert búinn að keyra yfir 5000 km á olíunni sting ég upp á að þú skiptir um hana ásamt síunni, en annars myndi ég láta það eiga sig.

Sel ekkert af ráðunum dýrt og tek enga ábyrgð á að vélin þín þoli að vera keyrð túrbínulaus þótt þú setjir á hana nýjar olíur og bætiefni í bak og fyrir.

Ath. Ef túrbínublað og/eða svarf úr túrbínunni hefur borist inn í öndunarfæri bílsins, barka, kæli og soggrein, þá ættirðu að yfirfara og hreinsa það eftir bestu getu því það getur ekki verið hollt að fá slíkt drasl alla leið inn í strokkana, jafnvel þótt sé mjúkt ál.

Ágúst