This topic contains 9 replies, has 1 voice, and was last updated by 
-
Topic
-
Sæl öll. Í vor breyttust afsláttarkjör okkar félagsmanna hjá N1 eins og e.t.v. flestir vita. Þá þurftu félagsmenn að gerast Viðskiptafélagar N1 og fá sérstakt kort. Allt gott um það að segja, kortið er hið þægilegasta á sjálfsafgreiðslustöðvunum sem víðar. En, þegar það er notað t.d. á smurstöð eða bara í búðinni við varahluta- eða aukahlutakaup þá er afslátturinn ekki krónu meiri en gengur og gerist með aðra „Viðskiptafélaga“ N1 Er það ekki rétt skilið hjá mér að félagsmenn 4×4 ættu að fá aukna afslætti hjá þeim, svo sem á síum og ýmsum varningi. Mér skildist að afslátturinn væri misjafn eftir vöruflokkum en á mínu korti fæst t.d. bara 7% afsláttur á línuna. Ég hef staðið við hliðina á manni, jeppamanni sem þið þekkið, og hann fékk 35% afslátt af vöru sem ég átti að fá 7%. Það er skemmst frá því að segja að ég hringi í hann og fæ hann til að versla fyrir mig…
Hvað þarf ég að gera sem félagsmaður til þess að fá almennilegan afslátt af vörum hjá N1?
Ég er þeirrar skoðunar að við eigum að henda Shell og Jóni Gnarr út og taka N1 inn að fullum krafti. Fyrir mína parta þá versla ég aldrei hjá Shell enda er þessi afsláttur bara brandari hjá þeim. Auk þess eru þeir að fara á hausinn og munu aldrei greiða lofaða peninga til klúbbsins.Ef einhver er að fara að versla eða að láta smyrja hjá N1 væri gaman að heyra hver afslátturinn er. Að fara fram á afslátt er lífsbjörg en ekki snýkjuháttur.
Kveðja:
Erlingur Harðar
-
Replies
-
Ég fékk nú eithvað yfir 20% aflátt af síum hjá N1um daginn borgaði að vísu ekki með kortinu. þurfti bara að sýna þeim það og borgaði svo bara með debet.
Ég hef nú ekki kynnt mér hvaða afslátt við fáum af eldsneyti með því að nota viðskiptakortið. en einu skiptinn sem ég nota 4×4 kortið frá shell er þegar ég tek bensín hjá orkunni.
en ég er samála því að rétt væri að gera góaðann samnign við N1 ekkert nema gott um þá að segjaStefán Grímur
Ég er nú alveg kominn á þá skoðun að SHELL ætti að gefa Ferðaklúbbnum 4×4 langt nef og hætta að stirkja SETRIÐ með olíu og fella niður 10.000.000.-kr stirk til klúbbsins við erum hvorteð löngu búinn að brjóta á bak grundvöll samningsins.
Og vill ég ekki síst þakka Stjórn 4×4 fyrir það.
KV: Magnús.
Ég er algerlega ósammála því að fara púkka meira upp á N1, ég kann óteljandi sögur af óliðlegheitum, leiðindum og vankunnáttu hjá afgreiðslufólki hjá þeirri verslun og er hafnarfjörður og höfðinn verstur varðandi það (gamla bílanaust). Frekar að reyna fá meiri afslátt hjá Shell.
Ég er farinn að keyra út um allan bæ til að þurfa ekki að versla við N1 og reiði frekar fram auka þúsundkall (sem ég hef ekki þurft hingað til því að N1 er langdýrasta búllan á landinu) en að versla við þess ömurlegu verslun.
Strákar, ætti þetta ekki heima undir öðrum flokki en þeim sem er opinn almenningi? Bara spurning.
Málið er leyst. Það þarf sem sagt að senda póst á n1@n1.is og óska eftir að kortið verði tengt afsláttarkjörunum.
Hvað N1 varðar þá er það auðvitað ljóst að vöruúrval er mun meira þar en hjá Shell. Ég hef ekkert á móti Shell frekar en öðrum olíufélögum. Mér hefur líkað ágætlega að versla hjá N1, sumt er dýrt annað ekki, þetta snýst líka um okkur að finna besta verðið og þá getur þessi afsláttur oft gert gæfumuninn.Kveðja:
Erlingur Harðar
Sæll Erlingur
Samkvæmt afsláttarkjörum N1 á varahlutum þá virka þeir þannig. ef þú færð 20% afslátt þá kemur strax framm 10% og 10% fara inn á safnkortið þitt.
Ég skal tala við N1 og fá þá til að útskýra afsláttarkjörinn á vefnum.Kveðja
Sveinbjörn Halldórsson
formaður f4x4
Ég geri ekki lítið úr afslætti eða vöruúrvali í N1 búðunum,
en þurfa menn eitthvað að hugsa sig um þegar þeir bera saman 4 krónu (2 krónur + 2 punktar) afslátt hjá N1
[attachment=1:2977xyd2]N1.pdf[/attachment:2977xyd2]
og 7 krónu afslátt hjá Skeljungi?
[attachment=0:2977xyd2]Shell.pdf[/attachment:2977xyd2]
Ég hef ekki komið því í verk ennþá að sækja um viðskiptakort hjá N1. Þarf ég ekki að gefa upp hópnúmer vegna 4×4 í umsókninni?
Kv/Kristján Bj. R-1653
Sælir
Það þarf hópnúmer þegar sótt er um kort hjá N1, hópanúmerið fæst uppgefið á skrifstofu klúbbsins eða með með því að hringja í mig í síma 844-5000. Afsláttarkjörinn hjá N1 eiga að vera óbreitt frá því sem áður var nema á eldsneiti (þar fáum við almenn afsláttarkjör eins og hjá öðrum viðskiptavinum). Kortið þarf ekki að nota hjá verslunum N1 nóg er að gefa upp kennitölu og greiða eins og hver vill, kortið þarf bara að nota við eldsneytiskaup.
Ef félagsmenn verða varir við að þeir fái ekki rétta afslætti þá látið ig endilega vita og ég skoða málið strax.Kveðja
Sveinbjörn Halldórsson
You must be logged in to reply to this topic.