Afsakid !

Ég er búinn að setja auka millikassa þannig að kúlan á hásingunni ætti ekki að vera stærsta vandamálið í dag .
Aðal áhyggjurnar eru aðallega uppsetningin á loftpúðunum og öllu sem þeim fylgir.
kv, Alli.

Sæll.

Trooper eru ekkert verri en aðrir jeppar en ég skil ekki af hverju þú ætlar að setja hásingu undir hann. Þær eru bara til travala og eru heillt yfir helv…. drasl og hana nú! Það mega ekki verða á þeirra vegi smásteinar þá hrökkva þær í tvennt við minnsta hristing.

Nei, gakktu frekar í klafavinafélagið þá þarftu minni áhyggjur að hafa af smásteinum. Ég reyndi eftir besta megni nú ekki fyrir löngu að benda mönnum á að þessi rör eru ekki jafn öflug og margur vill halda og reyndar sýndi mönnum fram á það í bókstaflegri merkingu.

Kv.
Benni

PS.
Frúin er enn að skamma mig, ég fæ kannski að sofa í hjónaherberginu í nótt.

Sælir félagar.

Benni karlinn mælir af reynslunni í þessu máli!

BÞV

…bara svo að þú vitir það þá er ekkert að því að eiga Trooper. Ekkert frekar en Datsun, Toyotu eða einhvern annan bíl. Aðalatriðið er að þú sért ánægður með þinn bíl!

Spennandi breytingar hjá þér, ekki hleypa Begga inn í skúr hjá þér, ég er ekki alveg tilbúin í frekari fjárveitingar á þessu ári. Hann röflar ekki um annað en hásingu og millikassa þessa dagana. Skil ekki til hvers, hún var ekki falleg hásingin hans Benna uppi á Kili um helgina.

Hvað varðar hlutföll þá höfum við nú keyrt á Troopernum hlutfallalausum í 3 ár og erum á því (er það ekki annars Beggi elskan??) að við viljum bara bæta við elsku Lóló, en ekki missa eiginleikana á þjóðvegunum.

Gangi þér vel með breytingarnar, það verður gaman að hitta þig á fjöllum og fá að sjá hvernig þetta virkar!

Kveðja
Soffía

Alli!

Það hafa allavege 2 trooperar verið settir á hásingu að framan, annar er blár og ég kann engin fleiri skil á honum en hinn er vínrauður á 44" dekkjum og stendur fyrir framan Fjallasport á daginn, eigandinn vinnur þar. Mig minnir að undir hann að framan sé hásing undan Bronco…en best er bara að tala við hann, hann er örugglega til í að hjálpa þér.

kv. Stefán.

Auðvitað, þegar á reynir og menn þurfa raunverulega jeppaeiginleika fá menn sér hásingu!!! Þó ein hásing undir 44" Blazer gefi sig eftir margra ára og örugglega misjafna notkun, segir það ekki neitt.

Rörakveðja – Skúli

Ég hefði viljað sjá hvernig klafabíll hefði tekið því að keyra á grjót sem brýtur hásingu. Mér þykir frekar líklegt að sá bíll hefði ekki keyrt til byggða.

Kv.
Bjarni G.

Ég læt yfirleitt nægja að láta eins og hálfviti á sleðanum og lít á bílinn sem farartæki en það farartæki þyrfti helst að komast út af þessu svarta ljóta og leiðinlega malbiki en meðan notkunin á þessu er ekki mjög mikil sem jöklaskriðdýr þá hef ég ekki miklar áhyggjur yfir að brjóta hásingar en þeim mun meiri áhyggjur af að brjóta framöxla í klafasysteminu.
Alli.

Þakkir fyrir gagnlega linka, ýmislegt fróðlegt á ferðinni þarna .
Til hvers ertu að selja trooper í staðinn fyrir að koma út að leika (breyta).
Trooperinn minn var með þessari klassísku 2,6 mpi vél en mér leist betur á dísel og skipti því um vél og kassa og sé ekki eftir því og nú er bara að klára dæmið og skipta um ruslið undir honum og þá vonast ég til að vera tiltölulega ánægður með bílinn , ekki sakar að þetta er ódýrt dót sem maður á en ekki á lánum þannig að manni er kannski ekki eins sárt um drusluna

Vélin er upphaflega 2,3 turbo úr 87 Trooper sem ég fann úrbrædda og lét bora út og setti í hana stimpla,olíuverk,túrbínu og eitthvað fleira smálegt úr 2,5 Iveco mótor sem ég átti liggjandi. Torkar ævintýralega miðað við vélarstærð og er ekkert nema hamingjan .
Kassarnir komu úr 96 Isuzu crew cab en eru ekkert annað en sama útgáfa og er í Trooper fyrir 89 árg.
Þannig að ég er kominn með vél sem er ekki með neitt sem heitir common rail eða neinar rafmagnsstýringar að neinu leyti sem oft vilja vera til vandræða og eru í raun þær leiðinlegustu bilanir sem ég lendi í (bifvélavirki).
Kassarnir eru einfölduð útgáfa af þeim sem eru í þínum bíl en það eru sverari öxlar og smíðin er öll grófari að allri gerð enda virðist þetta þola sæmileg átök þegar maður er að taka vel á þessu, fastur með um 1 tonn í eftirdragi.

Kv Alli.