This topic contains 31 replies, has 1 voice, and was last updated by 
-
Topic
-
Sæl.
Nú þegar er hafinn sala á sýningarbásum í Fífunni. Mörg fyrirtæki hafa sýnt sýningunni áhuga. Það er mjög gaman að sjá hve fyrirtækin eru áhugasöm. Ég er búinn að tala við nokkur fyrirtæki sem óskuðu eftir að láta taka frá fyrir sig eftirfarandi: Bílabúð Benna 80 fm bás, Artick Truck 400 fm, Garmini búðin 60 fm, Atlansolía 8 fm Poulsen 20 fm, Wurth 20 fm og Klettur 20 fm. Einnig er búið að tala við önnur fyrirtæki sem eru að skoða málið.
Opnunartími sýningarinnar verður frá föstudegi til sunnudags.
Eða grand opening kl. 17:00 á föstudeginum en miðasalan opnar kl. 18:00 og verður opin til 20:00, áætlað er að loka kl. 22:00.
Á laugardeginum opnar miðasalan kl. 12:00 og verður opin til 18:00 húsið lokar kl. 20:00.
Á sunnudeginum opnar miðasalan kl. 12:00 og verður opin til 18:00 en þá verður farið að vinna í að keyra bílana út.
Hugmyndin er að leggja áherslu á laugardaginn og er hugmynd að Bylgjan verði með beina útsendingu frá sýningunni, Fjallabræður heiðra okkur vonandi með nærveru sinni og kanski einhvað meira. Allar hugmyndir eru vel þegnar.Einnig er hugmynd að vera með opinn fund um 21:00 upp á höfða á fimmtudaginn 23. maí og fara yfir stöðuna. Allir eru velkomnir og endilega komið með hugmyndir.
Kveðja
Sveinbjörn Halldórsson
-
Replies
-
Er komin einhver grind af plani, þá á ég við hvenær bílar eiga að mæta til að fara inná syninguna, hvenær fara þeir útaf syninguni, verður einhver VIP opnun fyrsta kvöldið og svo framvegis.
Fyrirgefðu Jón Guðmundur man þetta næst.
En varðandi plan af sýningunni þá er verið að vinna í þeim málum og raða inn bílunum. Það er Bílavalsnefndin að gera í samvinnu víð Ágúst og þá sem sjá um eldvarnareftirlitið. Vonandi verður planið lagt fram á mánudagsfundinum. Varðandi opnunina þá skýrist það vonandi fyrir mánudagsfundinn. Opnuninn verður kl. 17:00 og vonandi getur sá sem á að opna sýninguna komið. Eftir er að semja um einhverjar veitingar á opnuninni og eins er ég að reyna að fá Fjallabræður til að taka nokkur lög.
Ef einhverjir þekkja rétta með í Fjallabræðrum þá er um að gera að láta mig vita. Eins einhverjar aðrar hugmyndir ef þessar klikka…..
Kv.
Sveinbjörn Halldórsson
Sælir félagsmenn.
Vefnefnd ætlar að standa við básinn og hafa eitthvað til sýnis og fróðleiks. Vonandi verður hægt að sýna það sem verður komið af nýju vefsíðunni. Hafliði ætlar að útbúa Random mynda-flettingar úr myndasafninu okkar til að sýna á skjá. Fleirra á okkur vonandi eftir að detta í hug.
Kv. SBS.
Sælir Þegar sellurnar vakna þá vilja hugmyndirnar fara að flæða.
Það gerðist þegar ég var á leiðinni í vinnuna eftir fundinn í kvöld en þá fór ég að hugsa um sýninguna.<strong>Brainstorming nr. 1;</strong> Hvernig væri að hafa sér bás fyrir " Ráðagóða jeppakallinn" með þjökuðum félaga/reynslubolta og bifvélavirkja?
<strong>Brainstorming nr 2</strong>; Hvernig væri að hafa "Konu- og krakkabás" þar sem konum væri leiðbeint með afmælis- og jólagjafir fyrir jeppakallinn og krökkunum kenndir textar á sönglögum ferðalaganna? Aðal-markmiðið væri þó að gefa jeppamanninum tækifæri á að njóta sýningarinnar til hins ýtrasta án fjölskylduáreitis.
<strong>Meira svolítið hagnýtt</strong>
<strong>Brainstorming nr. 3;</strong> Hvernig væri að hafa bás sem heitir "Veistu hvar ég var"? Þar mætti kynna sýningargestum sem og sófariddurum fallega staði á hálendinu sem víðar á Íslandi. Væri hægt að setja upp á geisladisk og hafa í gátuformi.
<strong>Brainstorming nr 4</strong>; Sjá verður til þess að eitthvað sé undir bílum sem leka einhverjum vökvum ( flestir gera það) svo klúbburinn lendi ekki í skaðabótum þess vegna á nýja grasinu.
<strong>Brainstorming nr 5;</strong> Hvernig væri að hafa bás með "Lifandi kennslu" í töppun, hnútakennslu og útskýringum á þessu sem við þurfum að kunna skil á og gerir jeppakallinn að jeppakalli.
Mbkv. Maggi magnum,
Sælir,
Ég hélt í einfeldni minni að þetta væri sýning fyrir alla fjölskylduna, ef ekki þá hef ég ekkert þangað að gera.<strong>Brainstorming nr 2</strong>; Hvernig væri að hafa "Konu- og krakkabás" þar sem konum væri leiðbeint með afmælis- og jólagjafir fyrir jeppakallinn og krökkunum kenndir textar á sönglögum ferðalaganna? Aðal-markmiðið væri þó að gefa jeppamanninum tækifæri á að njóta sýningarinnar til hins ýtrasta án fjölskylduáreitis.
Sæl.
Að sjálfsögðu er þetta sýning fyrir alla fjölskylduna, eins og þær sýningar sem ég hef haldið hafa þær alltaf heitið Ferða og útivistarsýning fjölskyldunnar. Nú reyndar heitir sýningin bara 30 ára afmælissýning Ferðaklúbbsins 4×4.
Þema sýningarinnar á að vera kynning á ferðamennsku félagsmann og kynning á starfsemi klúbbsins.
Bílar félagsmanna verða til sýnis auk þess sem fyrirtæki sýna vörur og þjónustu er sem er tengd okkar ferðamáta.
Samkvæmt upplýsingum er búið að hafa samband við Hjálpasveitir sem koma og kynna bílana sína og starfsemi sem og hefur Landsbjörg verið boðið að koma og kynna Jöklaverkefnið og fl.Allt þetta á að höfða til fjölskyldunnar því þetta er ákveðinn lísstíll sem öll fjölskyldan tekur þátt í.
Allar hugmyndir eiga rétt á sér og við verðum að skoða allt. Margar hugmyndir sem koma úr breinstormi geta orðið að einni asskoti góðri hugmynd, Þannig að endilega haldið áfram með breinstorm og látið flakka.
kv.
Sveinbjörn
Ég skora á hvern sem er (hvort sem hann er félagsmaður eða ekki eða bara utanaf götu) að keppa við mig um hvor geti hnýtt fleiri hnúta blindandi fyrir aftan bak!
Og þetta á við um björgunarsveitarmennina líka!
Sælir félagar. Ég biðst velvirðingar ef ég hef móðgað einhvern með heilastormum mínum "<strong>Brainstorming nr 2</strong>; Hvernig væri að hafa "Konu- og krakkabás" þar sem konum væri leiðbeint með afmælis- og jólagjafir fyrir jeppakallinn og krökkunum kenndir textar á sönglögum ferðalaganna? Aðal-markmiðið væri þó að gefa jeppamanninum tækifæri á að njóta sýningarinnar til hins ýtrasta án fjölskylduáreitis." en auðvitað er þessi sýning eins og allar aðrar sýningar og viðburðir klúbbsins ætlaðar fjölskyldunni. Þetta var nú bara sett fram til gamans og átti alls ekki að taka alvarlega. Auðvitað eru konurnar og krakkarnir eins mikil jeppa- og útivistarfólk eins og við kallarnir og sem betur fer.
Sjáumst hress á sýninunni.Mb kv. Magnús G.
<strong>Vegna afmælissýningarinnar í Fífunni 13.-15. september</strong>
Sögunefnd er að taka saman efni frá 30 ára sögu klúbbsins. Nefndin óskar eftir að félagsmenn fari nú í safnið sitt og dragi fram úrvalsefni sem er þess virði að sýna á sýningunni og komi því til okkar.
Við erum fyrst og fremst að leita að eftirfarandi tegundum af efni:
1) <strong>Úrvals ljósmyndir </strong>sem hægt er að stækka upp og varpa á skjá eða prenta á plaköt. Þetta þurfa helst að vera myndir á stafrænu (digital) formi og í sem bestri upplausn. Myndirnar eiga að vera af bílum og fólki á fjöllum og ekki síður stemmingsmyndir sem sýna töfrana á fjöllum, þ.e. jeppa og fólk í glæsilegu umhverfi. Mikilvægt er að vita hvar og hvenær (a.m.k. árið) myndir eru teknar og einnig hverjir eru á þeim, því meiri upplýsingar því betra.
2) <strong>Myndir frá fyrri sýningum klúbbsins</strong> – Mikilvægt að fá sem gleggstar upplýsingar um myndirnar, hvaða sýningu er um að ræða, hvaða bílar og fólk er á myndinni o.s.frv.
3) <strong>Myndbönd í góðum gæðum</strong>, þ.e. vel tekin og sem sýna ferðalögin og upplifunina á fjöllum. Myndböndin mega vera á VHS formi en þó ekki löng þar sem mjög tímafrekt er að yfirfæra slíkt efni. Best er að fá myndböndin á stafrænu formi og þá helst svonefndu avi formi en þó ekki skilyrði. Myndböndin verða notuð til að varpa upp á skjái á sýningunni og einnig sett í safn klúbbsins.Á sýningunni verður sérstakur salur fyrir sögu félagsins. Þar verður skjávarpi og stólar og önnur aðstaða við hliðina á veitingasölunni. Þar er ætlunin að hafa myndasýningar og myndefni á veggjum. Auk þess er ætlunin að bjóða þar upp á fyrirlestra félagsmanna um jeppa og ferðalög. <strong>Þeir sem hafa áhuga á að kynna sig og jeppann sinn eða jeppasöguna sína með skemmtilegum og áhugaverðum hætti eru velkomnir að hafa samband við nefndina.</strong>
Í sögunefndinni eru eftirtaldir:
Árni Bergsson, s. 8996948, sigrun@sigrun.is
Eyþór H. Ólafsson, s. 8257101, eho@eimskip.is
Ólafur Ólafsson, s. 6641072, oolafsson@ossur.com
Þorgímur Stefán Árnason (Toggi), s. 8605260, thorgrimur@hs.is
Þorvarður Hjalti Magnússon, s. 8922950, hjamag@rarik.isHægt er að senda efni með tölvupósti á eho@eimskip.is og/eða hjamag@rarik.is ef ekki er um of stórar skrár að ræða, þ.e. minna en 6 MB eða svo. Annars er best að koma því til okkar á lykli, diski eða spólu eða við nálgumst það til ykkar.
Hvernig verður eiginlega sýningartíminn? Á veggspjöldunum sem sýnd voru á mánudagsfundinum síðasta stendur 18-20, 12-18 og 12-18. Á fundinum var sagt að það væri ekki rétt, það rétta væri 18-22, 12-22 og 12-18. Nú er farið að dreifa mynd á FB þar sem sýningartíminn er 18-22, 12-20 og 12-22. Hvað er eiginlega rétt í þessu?
kv. Óli
Ein spurning;
Er búið að útbúa eitthvað kynningarefni fyrir erlenda ferðamenn/nýbúa?
Það er aldrei að vita nema einhverjir slíkir verði á vappi og er þá ekki um að gera að plokka þá aðeins?
Kynna fyrir þeim starfsemi klúbbsins, átak gegn utanvegaakstri o.þ.h.
You must be logged in to reply to this topic.