Afmælisferð á Grímsfjall

Smá breyting ég er hættur við að hætta og ég og Ömmi ætlum að koma í ferð en ætlum að fara snemma á laugardagsmorgun.

Eftir opna húsið er þátttökulistinn þessi:

Stefán Haukur +2=3
Steinar Erlings og Ömmi á laugardagsmorgun
Veigar + 1 = 2
Guðbjörn + 1
Gaui Stef og Hrefna
Siggi Mopar +1
Einar Stefáns + 1
Óskar Jóns + 1
Jón og Árni
Guðjón Smári + 1
Lárus Hjartarsson
Magnús Más + 1
Geir Evert + Rúnar

Lagt verður af stað kl 17:30 á föstudag frá Olís
Sameiginlegur matur á laugardagskvöld, grilluð læri með ostasósu. Annar matur á vegum hvers og eins.

Þátttökugjald verður rukkað eftir eða í ferð, sem verður kr 5,100 þ.e. gistigjöldin í Jökulheimum og Grímsfjalli + matur á laugardagskvöld.

Varaáætlun er Landmannahellir, veðurhorfur ekki með besta móti.

Ég hef ákveðið að fara ekki, en ef verður af varaáætlun þá er aldrei að vita nema maður kíki inneftir á ykkur.

Lærin komin í álpappír og ferðafær.

Já þetta er ótrúlegt, vindur verður komin í 4 metra um hádegisbil á laugardag. Þó er 15-20 metra vindur á föstudagskvöld. Þessu fylgir líka all nokkur snjókoma á jöklinum.

Ferðasagan:

Lagt var af stað um klukkan hálf sjö á föstudagskvöldinu og var hugmyndin að fara í Jökulheima. Brunað var upp eftir og eftir um 20 km ofan við Hrauneyjar var ákveðið að snúa við. Þá voru dæmi um bíla sem stóðu á 2 hjólum í verstu vindkviðunum. Vindur var meiri en spár gærdagsins bentu til, yfir 33 metrar. Komið var í Hrauneyjar rétt eftir 10 um kvöldið og gist þar. Aftur var lagt af stað um 8:45 og komið í Jökulheima rétt eftir 12 á hádegi, eftir krapasull. Veður var nú gengið niður og menn enn sáttari við ákvörðun gærkvöldins vegna krapapyttanna sem nú var auðveldari að greina og sneiða hjá.

Gert var smá matarstopp í Jökulheimum og haldið á Grímsfjall. Enn tók við krapi og var gengið yfir Tungnaána með jarnkarl og ákveðið að fara yfir. Var þetta soldið vatnssull en gekk vel. Enn einn krapinn tók við á jöklinum en síðan ekki meir. Gekk ferðin bærilega framan af. Í um 1250 metra hæð tók veður og skyggni að versna og ganga á með éljum. Fór nú að bera á því að bílar festust hvað eftir annað í förunum og var þetta orðið æði tafsamt. Um hálf fimm leytið var tekin ákvörðum um að snúa við og halda aftur í Jökulheima. Þó voru enn eftir um 28 km og búið að keyra um 20 km. Gekk það bærilega en vatnssullið í kringum Tungnaána hafði aukist talsvert, en hafðist þó. Grilluð læri með mikilli og góðri rjómaostsósu voru á borð borin um 9 leytið um kvöldið og gerð góð skil. Kvöldið hefðbundið með spjalli og gamansögum. Ræs um um 8 leytið um morguninn og farið að keyra um hálf níu. Komið var stillt veður og um 8 gráðu frost. Hrímþóka færðist yfir svæðið en þó ekið út úr henni síðar. Enn var glímt við minni háttar krapa. Gömul viðgerð á dekki gaf sig sem tókst ekki að gera við og var dekk sent frá Selfossi. Veðrið var með besta móti en skyggni ekki að sama skapi.