Afhverju klafar burt?

Sæll vertu

Ég vill byrja á því að þetta er bara mín skoðun.
1. Í flestum tilfellum ef ekki öllum þá er klafabíll fyrr að setjast á magan.
2. Ekki eins sterkt.
3. Getur ískrað í þeim.
4. Drifið er minn( í eldri gerðum)
5. Fleiri slitfletir.

KV
Snorri

Altaf sama bullið í þessum röraköllum…

1. Í flestum tilfellum ef ekki öllum þá er klafabíll fyrr að setjast á magan. ER ÞAÐ…EKKI FINNST MÉR ÞAÐ
2. Ekki eins sterkt. KJAFTÆÐI
3. Getur ískrað í þeim. ERT ÞÚ EINN AF ÞEIM, SEM SMIRÐ ALDREI DOLLUNA ÞÍNA?
4. Drifið er minn( í eldri gerðum)ER ÞAÐ…?
5. Fleiri slitfletir.ER ÞAÐ…HELD AÐ KOSTNAÐUR Á SLITFLÖTUM SÉ SAMT MINNI Á KLAFADOLLU.

Svo drífa jeppar með klafa að framan mikklu meira.

Kv.
Benni

Sko, við kornin vorum ekki fyrir svo löngu að fjárfesta í óbreyttum 80 Krúser og er ég mjög alvarlega að spá í að setja hann á klafa að framan þegar honum verður breytt.

Betri fjöðrun.
Brotna ekki næst þegar ég keyri á stein sem svo finnst aldrei.
Brotnar ekki þó ég stökkvi smá spotta.

Kv.
Benni

Nei Benni, klafinn brotnar kannski ekki – hann fer bara svona í staðinn – man ekki hvað ég hef séð margar svona myndir, [url=http://birkir.nt.is/ferdalag/myndir/2005_02_26_Skjaldbreid_med_mommu_og_pabba_skemmt_styri_velta_og_fl/Tiny/DSC07916.JPG:119bzx8f]þetta[/url:119bzx8f]er sú eina sem ég man staðsetninguna á.

Arnór

útskírðu fyrir mér hvað er að á myndinni.

hæ
hvering væri að prófa að smíða sjálfstæða gromafjörðun (ekki vindu) með íslensku aðferðinni. þ.e. með nógu sverum og sterkum stífum, alvöru drif og hvaðeina? ætli það gæti ekki virkað? þetta hefur mig einmitt langað til að prófa, og geri það sennilega í mini útgáfu þegar buggy-smíðin fer af stað.

hvað segið þið um þetta?

humm
Baldur

Baldur,

Þetta er til í dag og er undir nýju gerðinni af Pajero – Ég held að menn ættu að skoða þann búnað almennilega áður en þeir fordæma hann – Allavega hafa þessir Hardcore hásingakallar verið hálfundarlegir á svipinn eftir að hafa fengið að skoða hvað er undir bílnum mínum – En undir þessum bílum er allt mun öflugra en það þarf að vera fyrir hefðbundna notkun á óbreyttum jeppum – þarna er 7,75" drif að framan og 9,25" að aftan og allt annað samsvarandi við það.

Á 44" er þessi bíll að koma hreint frábærlega út og ég hef ekki enþá lennt í því að hann hafi farið minna en hásingabílar eða hafi verið að setjast á kviðinn.

Ég er búinn að eiga bíla (Pajero) með klafa að framan í 6 ár og ég hef aldrei lennt í því að þessi búnaður hafi bilað og ég hef aldrei heyrt ískur í klöfunum á þessum tíma. Ég hef hins vegar grun um að þessi búnaður undir Toyota bílum, allavega eldri gerðum sé ekki eins öflugur og það sem er undir Pajero – allavega virðist manni að það séu bara eigendur svoleiðis bíla sem kvarta undan þessu og ég hef bara séð tvær myndir af biluðum klöfum hér á vefnum og það var í bæði skiptin undir toyotu. En reyndar hef ég séð einhverja tugi af biluðum hásingum – hvaða ályktun sem má svo sem draga af því.

það er hins vegar ekkert leyndarmál að ég var búinn að skoða það ýtarlega að setja hásingu að framan undir síðasta Pajeró sem ég átti – en hætti við þar sem að ég sá fram á að ókostirnir væru fleiri en kostirnir. Það sem að háði þeim bíl fyrst og fremst var það að hann þurfti að hækka meira – þegar ég var á ferð með hásingabílum sem voru svipað háir þá var ekki hægt að sjá neinn mun á hvor var að komast meira – en svo fór ég líka eina ferð þar sem var hásingabíll sem var töluvert hærra undir og hann stóð sig mun betur – þannig að það er ansi margt annað en fjörunarbúnaðurinn sem hefur um það að segja hvað menn drífa.

En ég held að ef að menn sleppa barnalegum fullyrðingum, sem gera ekkert annað en að lýsa grunnhyggni þeirra sem setja þær fram, og skoða þann búnað sem er til undir nýju Pajero bílunum þá held ég að menn komist að því – eins og margir eru þegar búnir að – að sá búnaður er yfirdrifið nógu öflugur til að bera 44" dekk, hvað þá 38" og er síður en svo veikari en hásingar undir sambærilegum bílum – menn geta svo deilt endalaust um hvor búnaðurinn skilar betri fjöðrun og ég get skrifað margar blaðsíður um það en þetta er nóg að sinni.

En að lokum þá er hverjum sem er velkomið að skríða undir bílinn hjá mér til að skoða þetta – og sannfærast

Benni

Það er margt til í því sem Skúli segir – ég er t.d. sammála því að klafabílarnir séu oftar en ekki verri í miklum krapa. Þó svo að ég hafi ekki lennt í því sjálfur að eiga í vandræðum í svoleiðis færi að þá er augljóst að þegar maður er kominn á kaf í krapa þá er meiri fyrirstaða í klöfunum heldur en röri sem hleypir bæði yfir sig og undir.

Ég er hins vegar alls ekki sammála því að klafarnir séu eitthvað verri í ám og skörum – þvert á móti held ég að bílar eins minn standi sig vel í slíkum aðstæðum – engin kúla að þvælast fyrir, mjög hátt undir hann miðjan og frammdekk mjög framarlega – og ég hef engar áhyggjur af því að skemma klafabúnaðinn – því eins og ég sagði í fyrri pósti þá er þetta gríðarlega öflugur búnaður sem er undir hjá mér og ég á alls ekki von á að neitt gefi sig þar.

Varðandi stökkin þá er ég algerlega sammála – það eru engir bílar byggðir til að stökkva á þeim. Enda er hér á vefnum hver myndin á fætur annari af brotnum rörum eftir stökk – og klafarnir koma örugglega ekki betur út þar þó svo að ég hafi reyndar ekki enþá orðið vitni af biluðum klöfum eftir stökk – en þó séð nokkur stökk og tekið nokkur sjálfur.

Svo er það þetta með flotið – Ég hef heyrt menn færa rök fyrir því að með því að minka sem mest þann hluta sem ekki fjaðrar þá bæti menn floteiginleika bílana. Eða öllu heldur því minni sem ófjaðrandi þyngd er því minni líkur á að missa niður flot við ójöfnur – Það ætti að leiða mann að þeirri niðurstöðu að klafabílar ættu að vera sterkari á þessu sviði þar sem að ófjaðrandi þyngd er mun minni en á rörabílunum – en ég hef svo sem ekkert gert til að sannreyna þessa kenningu, en hún er vissulega áhugaverð.

Benni

P.S. Annars er gaman að ferðast á hverju sem er – það er bara meira gaman ef manni líður vel líka

Bazzi

Það var ekki ósvipað atvik og þú lýsir sem fullvissaði mig um að klafarnir væru nógu sterkir – ég keyrði ofaní sprungu á töluverðri ferð 40 – 60 km/h þannig að annað dekkið (44") fór nánast alveg á kaf og bíllinn snarstoppaði og höggið var það mikið að ég var steinhissa á að loftpúðarnir skyldu ekki springa – allavega var ég aumur eftir beltið. Bíllinn hefur örugglega lyfst helling að aftan þannig að samferðamenn mínir hefðu sjálfsagt séð undirvagninn ef þeir hefðu ekki verið svona langt á eftir.

En við þetta skemmdist ekki nokkur hlutur og ég meira að segja var svo vantrúaður á að það gæti verið allt í lagi að ég fór með bílinn á verkstæði til að láta skoða hann – en þetta þolir greinilega töluvert.

Benni

Ég keyrði hilux á klöfum á um 70km hraða með annað dekkið 38" ofan í vök sem var allavega meter að dýpt og setti hann uppa endan og snarsneri honum ekkert brotnaði eða bognaði, hann varð aðeins hjólaskakkur enn armurinn snerist á rillunum a öxlinum sem kemur úr styrismaskinuni tók 2 min að laga þetta og hélt afram, annað dæmi runner á 38" sem keyrði beint ofan í allavega meters djupann skurð sem rett rúmaði dekkið bíllinn fór niður og upp enn sat svo á rassgatinu ekkert bognaði eða brotnaði og gerðist þetta á frekar mikilli ferð þannig að eg er alveg óhræddur við klafana eina sem eg hef verið hræddur við er framdrifið braut 3 í gamla bílnum enn nyji virkar fínt og buið að taka hressilega á honum eru drifin eitthvað sterkari í nýja hilux?