Affelgun

Sæll Vals
eitt ráðið sem ég hef heyrt um og þú kannksi líka og það er að nota límkítti. og láta dekkin standa inni í tvo daga eftir felgun.

kv. Jón H.

Ég myndi ekki líma það á, því ef að þú affelgar, sem er reynda minni líkur á að gerist með lím, en EF þá er það bara vesen að láta dekkið halda loftir eftir það. Vegna þess að eftir affelgun er alltaf smá lím bæði á dekki og felgu, svo þegar á að fara að skjóta dekkinu á aftur hitta límklessurnar ekki rétt saman og það myndast bil á milli sem verður bara til vandræða.

En þú ræður þessu, besta ráðið til þess að affelga ekki að fara bara varlega þegar lítið er í dekkjum og gleyma sér ekki í hliðarhalla og við beygjur.

Sæll félagi.

Besta lausnin við affelgunar vandamálinu er að velja sér felgur sem standast 15" því mjög algengt er að felgur sem keyptar eru breiðar standi ekki nema 14,5".
Original felgur eru yfirleitt mjög góðar með þetta og eru því kjörnar til breikkunar.
Sjálfur er ég með Landcruiser felgur undir bílnum hjá mér og affelga aldrei þó að stundum sé farið niður fyrir 1 pund.
Það er mikill munur að geta treyst því að ekki affelgist í miklum hliðarhalla.

Kv.Smári.

Ef kanturinn er glansmálaður er stundum hætta á að felgurnar snúist inni í dekkinu. Ég hef heyrt að sumir máli felgukantana með hammerite lakki (þessu hraunaða) eða hræri jafnvel sandi út í lakkið þannig að dekkin hafi eitthvað til að bíta sig í.

Sælir

Eitt ráð ef þú lendir í því að affelga og dekkið vill ekki þéttast að er að vera með lítinn gas brennara og hita felguna þannig að snjórinn/ísinn sem er á milli bráðni.

Það er mjög leiðinlegt að vera í tómum vandræðum ef maður þarf að hafa alltof mikið í einu dekki því það vill ekki haldast þétt nema með miklum þrýstingi.

Einnig er reyndar sniðugt að hafa þetta ef einhver í hópnum er freðinn fastur (bremsur og ímislegt sem frýs eftir vatnasull) og þarf að þýða hann.

Kveðja Fastur

Varðandi límkíttið, þá hef ég aðeins prófað þetta.

Soudaflex(Húsasmiðjan) notaði ég aðalega fyrst, það límir áglætlega, en fannst vera full mikil teygja þegar brettakantar voru límdir.

Wurth límkítti notaði ég ´þegar ég var að skera úr hjá mér, og notaði ég það yfir hnoð og á bert hreynsað blikk. Útkomman var sú að ég get plokkað það af auðveldlega af.

Sicaflex var það sem ég ákvað að prófa og setti smá hól á blikkið sem ég var búinn að maka wurth kíttinu á og viti menn það var pikk fast á(hreynu blikkinu)… Allveg áberandi lang gripmesta límkíttið!