This topic contains 3 replies, has 3 voices, and was last updated by 
-
Topic
-
Sæl.
Var að fá fréttir af færðinni á Kili og er þar vægast sagt lélegt færi. Mikill krapi og gengur ferð þar mjög seint. Var að tala við Friðrik sem er á 49″ Econoliner og með tvo 38″ Landrovera með sér í ferð og gengur mjög hægt. Heyrði í honum þá var hann kominn ca. 2 km. frá Árbúðum og var enn í krapaelg. Vonaðist hann til að færið lagaðist þegar nær drægi Innri Skúta. Spurning hvernig Fossrófurnar verði en ég veit að nokkrir hafa snúið frá vegna krapa.
kveðja
Sveinbjörn
-
Replies
-
Sæl.
Heyrði í Friðrik áðan þeir voru komnir í Kerlingarfjöll eftir langt ferðalag og sagði hann að eins og væri væri alls ekki færi fyrri 38″ bíla á Kili. Færið er mjög blautt og fullt að krapapittum. Í dag er búið að vera ca 7-9° á svæðinu og rigning þannig að vatn hefur safnast saman í lægðir og myndað góða og djúpa polla.
Kv.
Sveinbjörn
Gaman að heyra af þessu ferðalagi hjá FH og félögum. Heyrði af hóp sem var sjö tíma frá Hrauneyjum og inn í Veiðivötn á laugardaginn, sama leið til baka á sunnudeginum (för og búið að rigna) tók hins vegar ekki nema tvo tíma.
Logi
R-148
Sælir
Svona þræðir finnst mér mjög skemmtilegir og hvet menn til að halda áfram með bæði til upplýsingar fyrir okkur sem komast ekki og hina sem hefðu viljað fara en fóru ekki.
En allavega setti ég saman smá upplýsingar til að botna þennan þráð.
Kom heim til mín aftur kl 07,54 í morgun ( þann 30/12) eða rétt tæpum 24 tímum síðar en ég lagði af stað.
Þetta var sko alvöru krapaferð og ef ég hefði fengið að velja í upphafi ferðar aleinn, þá hefði ég frestað um einn dag. Sjaldan verið í annari eins rigningu. og í raun var sumarveður, hiti og sunnlenskt rok. En þetta var mikið basl og barátta við að komast áfram. Flestir ferðaþjónustubílar sem við hittum og voru á ferð upp í Skálpanes snéru fráen þeir fengu allt fyrir peninginn við Grjótá. Baslið byrjaði reyndar við enda malbiksins á Kjavegi en það var nú bara forsmekkurinn á því sem kom ( mynd 2181+86). Eftir Skálapanes urðum við að búa til okkar eigin för. Oft kom í ljós að dekk 38″ bílanna sem voru með í ferð, voru of stutt, þ.e. þau náðu ekki til jarðar( mynd 2196) . Við þessar aðstæður hefði eina vitið verið að vera á slöngubát með 100 ha mótor og taka þetta með stæl. Við komumst í Kerlingarfjöll um 11,30 þetta kvöld, fengum okkur að borða og fórum að stað aftur um klukkutíma síðar, á tveimur bílum. Annan bílinn þurftum við að skilja eftir með bilaða túrbínu milli Skúta, en áfram héldum við einbíla.
Þegar við komum niður fyrir Skálapnes blöstu við þvílíkir skurðir, eins og hamfarir hefður orðið. Það voru hreinlega sprengigígar, líklega eftir trukkinn hans Herberts og voru sumir hverjir all rosalegir. Ég reyndi við einn, en vegalengdin „barmur í botn“ var ca 2 metrar, sem kom í ljós að var of mikið fyrir minn bíl. Fengum að njóta smá stundar í einum svoleiðis.
Heim komumst við sælir og glaðir.
Kveðja
Friðrik
ps- vonandi sjást myndir en það tekst ekki alltaf hjá mér
Viðhengi:
You must be logged in to reply to this topic.