This topic contains 40 replies, has 1 voice, and was last updated by 
-
Topic
-
Mér þikir þessi útfæsla fregar litlaus og frá hrindandi og fult af einkverjum merkingum sem ég botns ekker í og vantar myndir sem eru settar inn það á ekki þurfa að leita af þeim, hvað finst ikkur
kv,,,, MHN
-
Replies
-
mér finnst þetta flott, hraðinn virðist mikið meiri en á gamla vefnum og enn eru mörg handtök eftir eins og þeir segja á forsíðu.
Allt nýtt verður að venjast, og þessi vefur er engin undantekning. Menn ættu að spara aðeins vælið og sjá hvort þessi breyting venst ekki bara fljótlega…
ja, ég er sammála Lalla, Hraðinn er frábær,
auðvitað þarf að venjast breytingum, enda væri ekkert vit í því að breyta og láta það líta nákvæmlega eins út og áður…….
ég fagna frábæru framtaki að skipta út gamla vefnum sem var orðin ansi slow.
Eingin ástæða til að tuða yfir þessu
mbk
Dabbi
Sammála síðasta ræðumanni, látum þetta venjast svolítið áður en við förum að kvarta.
Þetta virkar allt mun hraða en á þeirri gömlu og formið á spjallinu er eins og maður á að venjast á svona spjallsíðum. Bara nokkuð gott.Kv. Björn Ingi
á meðan það stendur ekki nafn og félagsnúmer á bak við notandann þá lít ég svo á að spjallið sé ekki tilbúið 😉
get farið á Barnaland til að tala við xi4u 😉
kv Lella
Þetta eru bara breytingar og þær munu venjast…. bara so far so good segi ég…. hlakka til að sjá meiri breytingar
Mér finnst hann flottur. Þarf bara aðeins að venjast honum og læra á hann. Efast ekki um að hann verði jafngóður og sennilega mun betri en hinn. 😉
Kveðja
Þengill
Ég segi nú bara til hamingju F4x4! Ég er handviss um að virkni þessa nýja vefs verður betri en þess gamla áður en langt um líður. Hlakka auðvitað griðarlega til að fá myndasafnið enda er það ein af "stjörnum" þessa vefs.
Útlit er auðvitað alltaf smekksatriði, fyrir mína parta mættu hlutir taka minna "pláss" (t.d. minna bil á milli hluta) á skjánum, dálítið mikið pláss á milli hluta hér og þar þannig að fyrir okkur sem erum mestmegnis á fartölvuskjá á þvælingi hér og þar er þetta dálítið stórskorið.
En bestu þakkir til vefnefdar, ég er alveg viss um að þetta hefur ekki verið lítið verk og eiga þeir heiður skilinn fyrir þetta.
Mbk
Tryggvi A-898
Ég get nú ekki hrósað þessari breytingu bara copy af td. torfæra.is og kvartmiluvefnum
og líka búið að rugla spjallþræðina og gera þetta flóknara td kanski þráður núna í júní sem
byrjaði um miðjan maí, og ekki varð ég var við að hún væri svona sein gamla síðan einsog
sumir segja, ekki gott fær ekki mitt atkvæði.
kveðja Helgi
Ég ætla að vera hreinskilinn, mér finnst þessi síða (við fyrstu notkun) ömurleg og ljót…. Átta mig alls ekki á hvað menn eru að fá útúr því að skipta um síðu og forrit nema þá að þetta sé frítt og hitt forritið svona dýrt og hýsingn á því…
Auðvitað nokkrir gallar á gömlu síðunni en maður var löngu búinn að venjast þeim dintum..
Fór daglega inn á gömlu síðuna til að lýta á spjallið og auglýsingar. Sakna hennar sárt meðan ég venst þessum hrillingi… Ath skrifaði þetta meðan ég er en í sjokki yfir þessu. (eins og að missa nákominn ættingja)Kveðja Pétur R A-897
Sammála síðasta ræðumanni. Hrillingur þessi síða. Bæ bæ farinn aftur á Feisið
Það er söknuður að gömlu síðunni, var ekki jafn dýrt að koma aðmennilegum gagnagrunni bakvið gömlu síðuna og laga performance vandamál í henni og að henda saman joomla og phpbb?
Menn gera sér vonandi grein fyrir því að það er búið að kollvarpa þekktu viðmóti fyrir haug af notendum sem eru ekki mjög tölvuvanir. Ofaná það þá er búið að brjóta alla linka á f4x4 (gamall spjallþráður sem er kannski með link á ítarefni í öðrum spjallþræði virkar ekki lengur). Og þá væntanlega búið að skemma allt tenglasafnið sem ég var búinn að koma mér upp með áhugaverðum þráðum og myndasöfnum ónýtt.
Sorry, það er örugglega leiðinlegt að heyra þetta fyrir þá sem eru búnir að vera að eyða tíma sínum í þennan vef en eins og það var nú margt vont við gamla vefinn, þá er þessi á margan hátt svo mikið, mikið verri. Hefði til dæmis ekki verið hægt að endurskrifa bakendan á bakvið gömlu síðunni í nokkrum hlutum og náð með því að laga það sem mönnum fannst að gamla vefnum og náð betri performance.
En nóg af tuði, mig langaði bara að koma þessum punkti með að brjóta viðmótið og linkanna út.
gefið þessu smá séns áður en þið rakkið þetta nyður
nú er spurt hvað varð af mynda albúminu ???????????????????
You’re damned if you do and you’re damned if you don’t.
Það er auðvitað viðbúið að einhverjir séu ósáttir við breytinguna. Það verður alltaf þannig.
Nokkrir punktar:
1. Útlitið mun taka breytingum. Kosturinn við kerfið núna er að mun auðveldara er að gera breytingar. Það var mjög erfitt á gamla vefnum.
2. Notast er við opinn hugbúnað að öllu leiti, Joomla, phpbb, gallery2 ásamt ýmsum plugins og síðar wiki. Kannski þess vegna sem sumum finnst þetta vera kópíering. Það eru einfaldlega milljón vefsíður að nota þessi kerfi. Þau voru m.a. valin svo auðveldara verði fyrir fólk að nota þetta. Það ásamt þessum jákvæðu og upplífgandi viðbrögðum hér verða eflaust til þess að færri komist að en vilja í vefnefnd næstu áratugi.
3. Gamlir linkar munu virka, bæði fyrir spjall og myndir.
4. Myndaalbúmið er 95% tibúið. Það er ákveðinn performance þröskuldur sem ég er að glíma við. Um 870 notendur eiga um 4500 myndasöfn og um 50þ myndir. Þetta er ekkert einfalt mál að varpa þessu á milli.
En þeir sem halda því fram að gamli hafi verið betri vita einfaldlega ekki um hvað þeir eru að tala, sorrí. Svona eins og að bera saman Hrollinn og Porsche Cayenne (sorrí Þórir).
Jæja, nú er maður svo uppörvaður, best að demba sér í að klára myndaalbúmið.
-haffi
Jæja það er strax farið í skítkast ……Haffi segir……ef þer fannst gamla síðan betri þá ertu bara vitlaus….
eða svona las ég meininguna hjá honum,ætli hann hafi hannað síðuna ég bara spyr.
Ég skil ekki afhverju þarf að gera þetta flóknara gamla síðan var mun auðveldari í notkun og einfaldari
ég fór inn á hana oft á dag en það breytist núna, og traffíkin var nú farin að minnka en nú held ég að hún deyi
kveðja Helgi
Helgi,
Ekki segja að ég hafi sagt eitthvað sem ég sagði ekki. Þetta er þarna aðeins ofar á skjánum. Ef þú tókst þetta persónulega þá bið ég þig afsökunar. Þér fannst gamli góður af því hann var einfaldur, gott og vel. Það var hins vegar löngu ljóst að ekki var lengur hægt að tjónka við hann. Það er staðreynd.
-haffi
vahá! 😀 þetta er bara nákvæmlega eins og þegar "gamla" nýja síðan kom á sínum tíma frá castor… menn voru svo með æluna upp í kok yfir þeirri síðu þegar hún kom allt vonlaust og ömurlegt og castor varð fyrir þvílíku skítkasti online hérna ef ég man rétt…. en nú vilja menn ekki sjá eftir þeim hryllingi því hún var svo yndisleg og góð!
Þetta minnir mig lýka á þegar facebook breytti útlitinu nú fyrir nokkrum mánuðum… það sem fólki vældi yfir þessum breytingum!! en nú varla man fólk eftir þessu…
common! þetta eru breytingar, gefið þessu séns, þetta verður ekki fullkomið á einni nóttu og það þarf ekkert að gráta yfir því þótt myndaalbúmið vanti í nokkra daga…. það er ekki eins og maður hafi haft einhverja ánægju af því að skoða það eins og þetta var orðið… ég var svo hættur að nenna að skoða myndaalbúmið að ég sakna þess ekki einusinni… en mig hlakkar til að sjá nýja albúmið og vonandi verður það betra!
Til hamingju vefnefnd og gangi ykkur vel!
Kv.
Óskar Andri… sem fékk flashback þegar hann las þráðinn í kvöld
Til hamingju með nýjan vef félagar.
Alveg er þetta týpískt, vælt og vælt yfir gömlu síðunni og svo kemur loks ný síða eftir mikla vinnu og yfirlegu og áfram er vælt , hvað nákvæmlega er svona flókið við þessa nýju og útlitið er bara í lagi, frekar einfalt en skilar sínu og það er það sem skiptir máli. Mjög flóknar síður útlitslega verða oft þungar í vöfum og leiðinlegar til lengdar. Auðvitað vantar eitt og annað sem kemur með tímanum og hitt er að aldrei hef ég vitað til að vefsíða spretti fram algerlega fullmótuð á fyrsta degi heldur þróast síðan og vex og dafnar.Formið á spjallinu er orðið eins og á flestum öðrum alvöru spjallsíðum, með einkapósti og tilvitnunum og fleiru slíku sem að maður þekkir af öðrum slíkum spjallviðmótum, sama gildir um auglýsingarnar þar er nú loksins hægt að senda viðkomandi einkapóst til fyrirspurnar um það sem verið er að auglýsa sem er jú bara framför. Ég hlakka nú mest til að sjá nýja myndaalbúmið því það gamla var svo úr sér gengið að það hálfa væri nóg, það tók eins og flestir vita þvílíkan tíma að setja inn nokkrar myndir. Ég veit að þeir sem eru að gagnrýna þetta gera sér EKKI minnstu hugmynd um alla þá gríðarlegu vinnu sem í þetta fer og alla þá vinnu sem eftir er og allt unnið af okkar félögum í sjálfboðavinnu, þeir bara eiga þetta ekki skilið frá okkur hinum sem sitjum bara hér og kvörtum og kveinum. Slökum því aðeins á og gefum þeim tíma til að klára dæmið og sjálfum okkur tíma til að venjast nýjum vef, því að það er alveg sama hvað það er öllum breytingum þarf að venjast.
Kv Björn Ingi
Ég vil óska vefnefnd til hamingju með nýja vefinn. Mér þykir hann flottur.
Mér þótti hann heldur litlaus þegar ég leit á hann fyrst, en eftir að hafa opnað hann í fáein skipti er ég mjög ánægður. Hann er líka í samræmi við flesta þá vefi sem ég les að staðaldri.
það eru augljóslega ókláruð mál sem þarf að laga, en ég treysti því að verkið verði klárað með glæsibrag.það veit ég af biturri reynslu að það er ekki auðvelt verk að skipta út vef eins og okkar, en eins og einhverjir muna kanski var ég í eldlínunni við síðustu vefskipti. Sá vefur varð aldrei það undra tól sem hann átti að verða, en ég bind miklar vonir við að þessi standi undir þeim kröfum sem til hans eru gerðar.
Munið bara að þeir sem að þessu koma eru að gera það í sjálfboðavinnu, meðfram annari vinnu og fjölskyldu, þannig að þeir geta tæplega unnið í þessu allan sólarhringinn.Með kveðju,
Emil Borg
þetta lítur nú bara vel út
ég er ekki frá því að þessi vefur sé hraðvirkari, kanski er það bara ýmindun eða tilviljun
Til hamingju með gott starf
kv, Freyr
You must be logged in to reply to this topic.