ÆÆ ansans óheppni

Þessi maður sem slasaðist er einn af vönustu ferðamönnum sem ég þekki og einn sá varkárasti.
En óhöppin verð yfirleitt óvænt og í þessu tilviki rennur drullutjakkur til og hann verður fyrir höggi sem mölvar á honum handlegginn.
Þarna slasast maður sem er oftast fyrstur til að koma öðrum til hjálpar þegar eitthvað bjátar á.
Vona sannarlega að hann grói sára sinna.

Kveðja Dagur

Oftast er auðvelt að vera vitur eftirá, en í þessu tilviki er það ekki auðvelt.
Að koma venjlegum tjakki undir bíl í gegnum ís í á er ekki auðvelt og ekki veit ég hvernig hvernig átti að standa öðruvísi að þessu.
Öruggast hefði verið að sitja inni og aðhafast ekkert, en viðkomandi er ekki þekktur fyrir slíkt.
Sleggjudómar og alhæfingar út í bláinn eru löstur þeirra sem bera slíkt fram.

kveðja Dagur

Drullutjakkar eru fjölhæf og öflug verkfæri. Af þessu leiðir að þeir eru vandmeðfarnir. Ég fer aldrei á jeppa á fjöll án þess að hafa skóflu og drullutjakk meðferðis, og tjakkurinn er ekki bara til þess að losa bíl úr festum.

Ég var á fjöllum um helgina. Þar háttaði viða þannig til að ár sem að jafnaði eru ekki til vandræða að vetri til, voru uppbólgnar og á ótraustum ís. Það er oft tímafrekt, og mikið púl, að brjóta ís af ám en getur forðað ennþá meiri töfum og jafnvel tjóni og slysum. Oft þarf líka að snúa við eða finna aðra leið.

-Einar

Hvar fær maður svona belgi, og kannski myndir líka?

Þessir belgir eru þræl sniðugir en mig langar að vara við að þeir geta sprungið. Verið að blása í þá úr heitu pústi, í miklu frosti svo farið varlega með þá Kv Frank.
P.s þeir fást í bílabúð Benna og kosta um 27.000-kr að mig minnir

Það er slæmt að heyra af slysum sem þessum og minnir mann en og aftur á að fara varlega með þessi tæki.
Belgir eru ágætir til síns brúks en það er eitt sem menn/konur þurfa að hafa í huga en það er brotþol efnisins. Brotþol efnis lækkar við lækkandi hitastig. Þegar svona belgur er blásinn upp með pústinu er hann vel heitur en ef jeppinn er látin standa á honum í einhvern tíma kólnar hann og þar með lækkar brotþolið í efninu, ef jeppinn er þungur veldur það miklum þrýstingi og þar með álagi á efnið í belgnum. Gefum okkur að við þrýsting Xbar brotnar efni við -2°C, ef úti er veður vont og -10°C er alveg víst að jeppinn hlunkast niður á einhverjum tímapunkti.
Ég skrifa þetta vegna þess að fyrir tæpu ári síðan gerðist þetta eins og það er skrifað og fyrir einskæra heppni þá fótbrotnaði viðkomandi jeppakall ekki heldur slapp haltur eftir að hafa orðið á milli dekks og stigbrettis þegar blaðran sprakk en það varð honum til happs að dekkið var loftlaust og gaf því eftir.
Allt sem við gerum í lífinu getur verið stór hættulegt eða eins og einn vinur minn sagði “það er stórhættulegt að vera á lífi, maður gæti drepist einhvern daginn“. Gangið því varlega um gleðinnar dyr.
kv. vals.