Aðstæður um páskana

Þó að ég sé ekki á leiðinni á fjöll um páskana, þá vil ég þakka formanninum fyrir þetta ávarp. Þó að atvikið núna í lok síðustu helgar tengist ekki klúbbnum beint, þá megum við allra síst núna (sem reyndar endranær) við áföllum á borð við landskemmdir, hrakfarir eða annað.

TAKK

Grímur

Við erum byrjuð að fá upplýsingar frá Vegagerðinni um ástand fjallvega. Rétt að útskýra það að fjallvegir geta verið annars vegar lokaðir sem þýðir að þeir eru ófærir almennri umferð og hins vegar að allur akstur sé bannaður. Sé bara almenn lokun á vegi getur hann samt verið fær breyttum bílum og leyfilegt að fara um hann á eigin ábyrgð. Hins vegar ef allur akstur er bannaður þýðir að ástand vegarins er þannig að hann þolir ekki neina umferð vegna bleytu. Þær leiðir látum við semsagt eiga sig með öllu.

Akstur um Kaldadal verður bannaður um páskana. Það muna sjálfsagt margir umræðuna sem fór af stað um páskana í fyrra vegna umferðar þar, en þá var einhver misskilningur í gangi. Núna er semsagt á hreinu að umferð um Kaldadal er bönnuð.

Hins vegar er leiðin inn að Langjökli frá Húsafelli fær fyrir breytta jeppa en lokuð almennri umferð. Þar liggur því leiðin á Langjökul um páskana.

Skv. bráðabirgðaupplýsingum eru Kjalvegur og Sprengisandur aðeins merktir ófærir, s.s. ekki akstursbann en ófært venjulegum bílum. Sama gildir um Arnarvatnsheiði og Kjalveg að norðan en líkur á talsverðum krapa, eins og væntanlega víða á hálendinu.

Ég set hér inn upplýsingar eftir því sem þær berast. Á veg Vegagerðarinnar er kort sem sýnir ástand vega (http://www3.vegag.is/faerd/island1.html), en uppfærsla á því getur sjálfsagt tekið einhvern tíma og upplýsingarnar ættu að koma hraðar inn hér. T.d. er akstursbannið á Kaldadal ekki komið þar inn.

Kv – Skúli

Um páskana í fyrra var Hamragarðaheiðin illa útleikin eftir menn sem svifust einskis til að komast á Eyjafjallajökul. Þessi slóði var á sínum tíma lagður fyrir fé hreppsbúa (Vestur-Eyfellinga) og heyrir væntanlega núna undir Austur-Rangárþing og er því hreppsvegur. Hann var ekki auglýstur lokaður um páskana í fyrra eins og flestir fjallvegir í umsjá Vegagerðarinnar. Þó lítið eftirlit sé með opnun eða lokun á þessum vegi hvet ég menn til að sýna nærgætni, gerast betri menn og láta ekki það sama endurtaka sig og í fyrra.

Kv. Árni Alf.

Veit einhver hvort að það er fært niður af Langjökli inn á Hveravelli ?

Smári

Veit einhver hvernig færið – vegirnir eru upp í jökulheima?

Kv.
Óskar Andri
R-3237

Hálendisvegir eru víða í viðkvæmu ástandi vegana aurbleytu og krapa. Þeir sem hyggja á fjallaferðir um páska eru beðnir að gæta ýtrasta öryggis og hafa jafnframt hugfast að valda ekki raski, en akstur utan vega er alltaf óheimill nema á snjó eða frosinni jörð.
Öll umferð er bönnuð um marga hálendisvegi en annars staðar er leyft að fara um á fjallabílum þótt leiðir séu ófærar almennri umferð.
Nánari upplýsingar eru á færðarkorti á vef Vegagerðarinnar, http://www.vegagerdin.is og í upplýsingasíma Vegagerðarinnar 1777.

Nánar:

· Á Suðurlandi er umferð fjallabíla leyfð um hálendisleiðir, nema Stangarveg nr, 327.

· Úr Borgarfirði er leyfð umferð fjallabíla upp á Langjökul um Húsafell, veg 550 að vegi 551 og um hann, en sunnan Langjökulsvegar er allur akstur bannaður um Kaldadal og sömuleiðis um Uxahryggi.

· Öll umferð er bönnuð um Arnarvatnsheiði sunnanverða en hins vegar má fara upp að Arnarvatni stóra norðan frá, úr Miðfirði.

· Umferð fjallalbíla er leyfð um Kjalveg.

· Allur akstur er bannaður á Skagafjarðarleið og Mælifellsdal.

· Mikill krapi er á hálendisleiðum á Norðausturlandi og akstur bannaður þar. Þarna er um að ræða báðar leiðir að Dettifossi og Öskjuleið. Sömuleiðis Sprengisandsleiðirnar og leiðirnar í Flateyjardal og í Fjörður.

· Svipað ástand er á Austurlandi, mikil aurbleyta og krapi. Akstur er óheimill inn á hálendið nema inn að Kárahnjúkum. Þá er ekki leyft að aka í Vöðlavík og Viðfjörð, né heldur um Þórdalsheiði eða Kollumúlaveg.

Smá leiðrétting. Það sem haft er eftir Hlyn Snæland um mat á vegaskemmdum á Jökulheimaleið er rétt. Vegurinn er mjög þéttur og ekki verða á honum alvarlegar skemmdir ef "honum er fylgt". HSSR hefur hinsvegar aldrei farið þessa leið með lestaðan vörubíl "um eða eftir" páska enda höfum við ekki til þess leyfi frekar en aðrir. Hið rétta er að á síðasta vori var troðarinn fluttur inn úr 24. apríl án þess að valda skaða og árið áður 30. apríl en þá á frosinni jörð svo ekki markaði í. Báðir leiðangrar farnir með leyfi VR. vegna þjónustu við annarsvegar JÖRFÍ og hinsvegar Landsvirkjun.

Góða ferð: Hlynur Sk.

Sælir Félagar
Mér finnst þetta vera gott framtak hjá félaginu og stjórn þetta ásamt auglýsingum í útvarpi í gær styrkir ímynd félagsins í augum almennigs og var um það talað á mínum vinnustað í gær,hafðu þökk Skúli
Kv
Klakinn

Sælir!
Getur einhver sagt mér hvort Lyngdalsheiðin er ökufær ?
Er á leiðinni á Laugarvatn á laugardaginn og var að velta fyrir mér hvort það væri óhætt að fara heiðina, eða hefur hún eins og svo margt annað orðið hlýindunum að bráð ?

Kveðja,

Ólafur

Sælir félagar

Ég var að tala við vegagerðina áðan og fékk þau svör að Gbvegurinn væri skráður ófær, en var samt heflaður um daginn og að hann ætti að vera vel fær en á eiginn ábyrgð, þetta hef ég eftir vegagerðinni(177) sel það ekki dýrar en ég keypti það.

Kv
Snorri