Aðalfundur/nefndarmenn

Átti ekki að vera kakó og vöfflur :))

Kv Jóhannes,sem er ekki mikið fyrir að tala í pontu

Vill byrja á því að óska nyjum Formanni til hamingju með stólinn.Hvernig fór með kosningar á breytingum á lögum klúbbsins í gær svona ef einhver gæti frætt mann svo maðu geti frætt sína menn um það.

Kv Víðir L

Alfundur Ferðaklúbbsins 4×4
Laugardaginn 5. maí 2007
Haldinn í sal Húnvetningafélagsins Skeifunni 11, Reykjavík.

1. Setning fundar og dagskrá kynnt.
Formaður klúbbsins Benedikt Magnússon setti fundin kl. 14:05 og kynnti dagskrá fundarins.

2. Kosning fundarstjóra og fundarritara.
Fundarstjóri: Emil Borg
Fundarritari: Jón G Snæland
Fundarstjóri athugaði lögmæti fundarins, fundurinn telst löglega boðaður. Fundarboð sent út 9 dögum fund. Fundurinn telst því löglega boðaðar

3. Skýrsla stjórnarinnar um störf félagsins á liðnu starfsári.
Formaður klúbbsins Benedikt Magnússon flutti skýrslu stjórnar.

Skýrsla stjórnar ferðaklúbbsins 4×4
23. maí 2006 – 5. maí 2007Efnisyfirlit

Efnisyfirlit 2
Inngangur 3
Stjórn, nefndir og deildir 4
Hagsmuna og Innanfélagsmál 5
Samstarf og samningar 9
Ferðir og mannfagnaðir 10
Lokaorð 13

Inngangur

Í skýrslunni er leitast við að rekja það helsta sem gerst hefur í starfsemi Ferðaklúbbsins 4×4 frá síðasta aðalfundi klúbbsins, þann 23. maí 2006. Reynt er að tæpa á öllum þáttum starfseminnar þó ljóst sé að hér er alls ekki um tæmandi umfjöllun að ræða.

Skýrslunni er ætlað að gefa greinargóða mynd af starfseminni á liðnu starfsári og skilar þannig meginmarkmiði sínu, þ.e. að vera heimild fyrir þá sem félagið varðar, um starfsemina á því tímabili sem hún tekur til, í nútíð og framtíð.

Benedikt S. Magnússon Jón Snæland
formaður ritari

Agnes Karen Sigurðardóttir Bjarni Kristinsson
gjaldkeri meðstjórnandi

Þorgeir Egilsson
meðstjórnandi

Stjórn, nefndir og deildir

Stjórn

Á aðalfundi voru eftirfarandi kosnir í stjórn:
Benedikt Magnússon var kosin formaður og meðstjórnendur voru kjörnir Jón Snæland og Þorgeir Egilsson. Ekki voru fleiri framboð. Fyrir í stjórn voru þau Agnes Karen Sigurðardóttir og Bjarni Kristinsson.

Varamaður var kjörinn Gísli Þór Þorkelsson og fyrir var Elín Björg Ragnarsdóttir

Gísli Þór Þorkelsson. Sagði af sér snemma á tímabilinu og Elín sagði einnig af sér undir lok tímabils.

Nefndir

Alls voru starfandi átta fastanefndir samkvæmt lögum félagsins. En auk þeirra starfaði Árbúðanefnd og skemmtinefnd en báðar eru stjórnskipaðar.
Starf nefnda var nokkuð misjafnt og var eðli málsins samkvæmt mismikið að gera hjá hverri nefnd. Mikið mæddi á Umhverfisnefnd þetta árið enda komu upp fjölmörg stór hagsmunamál sem snéru beint inn á hennar starfssvið. Skýrslur nefnda verða fluttar af formönnum þeirra á aðalfundi.

Deildir

Alls eru tíu landsbyggðar deildir innan Ferðaklúbbsins 4×4. Þær eru :

Eyjafjarðardeild
Húnvetningadeild
Skagafjarðardeild
Austurlandsdeild
Suðurlandsdeild
Hornafjarðardeild
Húsavíkurdeild
Suðurnesjadeild
Vesturlandsdeild
Vestfjarðadeild

Samskipti milli móðurfélags og deilda hafa verið lítil og nánast engin við sumar deildir. Þetta er mjög bagalegt og kemur illa niður á starfinu á sumum sviðum og þarf að bæta úr. Nokkuð hefur verið reynt í þeim efnum og var meðal annars fjallað um vandann á Landsfundi í haust og komu nokkrar góðar hugmyndir upp þar sem síðan var ekki fylgt eftir, hvorki af stjórn né deildum. En það að efla samskiptin verður að verða forgangsverkefni hjá komandi stjórnum.

En þó verður að minnast á það hér að skv. Lögum ferðaklúbbsins, sem allar deildir heyra undir, eiga deildir að skil ákveðnum upplýsingum til móðurfélags á hverju ári. Á þessu hefur verið veruleg brotalöm og þar þarf að gera bót á málum strax. Nauðsynleg skil á gögnum eru ekki einungis til þess fallin að efla upplýsingastreymi heldur koma þau einnig í veg fyrir að heimildir um starfsemi klúbbsins glatast og þegar fram í sækir geta slíkar heimildir verið klúbbnum mjög mikils virði.

Á líðandi starfsári var tekið upp á því að færa innheimtu félagsgjalda að fullu til móðurfélags og að það stæði skil á hluta deildanna til þeirra. Flestar deildir tóku þessu fagnandi en þó voru nokkrar sem sáu sér ekki hag í þessu. Skil þessara deilda á hlut móðurfélags hafa í sumum tilvikum verið nokkuð sein og sumar deildir hafa jafnvel ekki heldur skilað félagalista líkt og ætlast er til. Fyrir vikið njóta félagar þessara deilda ekki sömu réttinda innan klúbbsins og aðrir. Til að bregðast við þessu liggur nú fyrir þessum fundi lagabreytingatillaga sem setur þá skyldu á móðurfélagið að það sjái um alla innheimtu. Verði hún samþykkt ætti það að verða til að bæta ástandið verulega og tryggja öllum félagsmönnum sömu réttindi.
Hagsmuna og Innanfélagsmál

Vefurinn

Vefur ferðaklúbbsins f4x4.is hefur á liðnu ári enn og aftur margsannað gildi sitt sem helsta og öflugasta tæki klúbbsins til að ná til sinna félagsmanna og fyrir þá til að eiga samskipti sín á milli. Segja má að vefurinn hafi nú að miklu, ef ekki öllu leiti tekið við af hefðbundnum fréttaritum og verður það væntanlega í verkahring næstu stjórnar að leggja línurnar varðandi áframhald útgáfu á vegum klúbbsins
Fljótlega í sumarlok upphófust að nýju skærur á vef klúbbsins, en slíkt hafði verið nokkuð áberandi fyrr á árinu þar sem fáir einstaklingar unnu, að því er virtist, markvist að því að rífa niður það starf sem klúbburinn vann að og hluti af því var að skemma vefinn eins og frekast var kostur. Þessu lauk í raun ekki fyrr en að sendur var póstur á stóran hóp félagsmanna þar sem reynt var að láta líta út fyrir að stjórn væri að senda ósk um þátttöku í könnun. Stjórn leit þessa fölsun mjög alvarlegum augum og leitaði til lögreglu vegna málsins, lögreglan tók málið strax upp og ræddi við þá sem grunaðir voru um verknaðinn. Málið var þó ekki rannsakað neitt frekar en síðan hefur ríkt friður á vef klúbbsins og vefsíðan hægt og rólega lifnað við aftur.

Vefnefnd hefur síðan unnið að töluverðum endurbótum á vefnum og gert margar mjög góðar breytingar sem bæta virkni og notagildi vefsins. Einnig hefur nú verið selt nokkuð af auglýsingum á vefinn og er hann í raun góð tekjulind fyrir klúbbinn enda mikið notaður. Stjórn og Vefnefnd hafa þó verið sammála um að ekki skuli ofgera auglýsingum og væntanlega mun þeim ekki fjölga mikið frá því sem nú er í framtíðinni.

Utanvegaakstur – átak og kærur

Í byrjun sumars hrinti Ferðaklúbburinn, ásamt Vélhjólaíþróttaklúbbnum VÍK og fleirum úr vör stórátaki í baráttunni við utanvegaakstur. Átakið sem fólst í auglýsingum, áróðri og fræðslu var vel tekið og voru fjölmargir sem studdu við verkefnið. Umhverfisráðherra hleypti því svo af stokkunum í sumar sem leið og var nokkuð af auglýsingum birt. Þó fór minna fyrir því en til stóð en átakinu verður haldið áfram í sumar og vonandi mun það skila árangri því víða er pottur brotin í þessum málefnum.

Þetta átak kom þó ekki í veg fyrir að töluvert var um kærur vegna utanvegaaksturs á liðnu ári. Þau mál sem vöktu hvað mesta athygli voru án efa mál er tengdust þyrlueftirliti á vegum Sýslumannsins á Selfossi. Í slíku eftirlitsflugi voru meðal annars teknir tveir jeppar við Hagavatn og í öðru voru þrír mótorhjólamenn stöðvaðir í Folaldadölum. Ferðaklúbburinn kom talsvert að báðum þessum málum því að þau voru fordæmisgefandi þar sem að sökudólgarnir töldu sig hafa verið á slóð í báðum tilvikum. Þáttur ferðaklúbbsins, eða öllu heldur umhverfisnefndar og Dags Bragasonar var að safna gögnum sem sýndi þessa vegi á kortum. Einnig komum við að Folaldadalamálinu með því að aðstoða með val á lögmanni og með upplýsingagjöf. Niðurstaðan varð í báðum þessum málum og öðrum sambærilegum sem komu upp síðar að allir voru sýknaðir.

Í raun má segja að það sem þessir atburðir kenna okkur og við höfum bent á lengi er að það er ekki til neinn nægjanlega góður gagnagrunnur eða kort yfir vegi og slóða á landinu. Eftir að þessi mál og reyndar einnig eftir veikburða tilraun umhverfisráðuneytis og landmælinga til að birta alla löglega vegi á korti, þá hófst klúbburinn handa við að koma ráðamönnum í skilning um að það þyrfti að vinna markvist að því að kortleggja allt landið. Þetta yrði að okkar mati einungis gert með því að setja niður ferla af öllum vegum og slóðum sem að fyrir fyndust á landinu. Þegar að slíkur gagnagrunnur væri orðinn til væri svo allt annað verkefni að fara yfir ferlana og ræða hvað ætti að gera við þessa slóða, láta þá vera, loka þeim eða lagfæra o.s.frv.

Nýr umhverfisráðherra, Jónína Bjartmarz hefur á tímabilinu reynst ferðaklúbbnum og ferðamönnum á landinu almennt mjög hliðholl. Hún tók strax mjög vel í þessar hugmyndir okkar um að hrinda af stað átaki í ferlun og ferlasöfnun með það að markmiði að ná að dekka sem stærstan hluta vega og slóða á landinu. Þetta verk verður auðvitað alderi fullunnið en hins vegar veitti ráðherra Landmælingum heimild til að semja við Ferðaklúbbinn um að fara í þetta verkefni og verður nánar fjallað um samninginn við LMÍ hér aftar í skýrslunni.

En fleiri kvartanir vegna utanvegaaksturs voru á borði ferðaklúbbsins. Nokkrir stjórnarmenn og fleiri félagsmenn höfðu farið á jeppum inn að miðju Íslands og fylgt þar leiðbeiningum gangnamanna um leiðir og gömlum stikum sem settar höfðu verið á leiðina. Erindi hópsins var að hefja undirbúning fyrir komu minnisvarða sem merkja átti miðju Íslands og hefur Ferðaklúbburinn framkvæmdaleyfi frá Skagafirði til verksins. En eftir að myndir höfðu birst af ferðinni á vef 4×4 þá sáu nokkrir heiðvirðir félagsmenn, þeir sömu og höfðu átt í erjum við stjórn og fleiri á vefnum, sig knúna til að kvarta yfir þessum ólöglega utanvegaakstri til Umhverfisstofu.

Eftir eftirgrennslan Umhverfisstofu og fundi með þeim og forsvarsmönnum klúbbsins var málinu vísað til sýslumannsins á Sauðárkróki sem síðar felldi málið niður þar sem engin rök voru fyrir kæru.

Vatnajökulsþjóðgarður

Vatnajökulsþjóðgarður hefur verið í undirbúningi um nokkurt skeið. Nú á vorþingi voru hins vegar lög um hann samþykkt og stofnun hans því orðin að veruleika, sem er í sjálfu sér fagnaðarefni. Fyrsta frumvarp lagana var hins vegar ekki gallalaust og þar mátti sjá þónokkur atriði sem að heft gætu ferðafrelsi jeppamanna verulega. En með samstilltu átaki útivistarfélaga í gegnum Samút og öflugu starfi nefndarmanna í umhverfisnefnd 4×4 tókst að ná fram breytingum sem að minnka hættuna á skertu ferðafrelsi á og við vatnajökul. Hættan er þó enn fyrir hendi og því verum við að vera mjög vel vakandi þegar kemur að því að settar verði reglugerðir um garðinn. Eitt af því sem að náðist fram var að útivistarfélög fengu aðila í svæðisráðum og áheyrnarfulltrúa í stjórn þjóðgarðsins. Þessir fulltrúar hafa ekki verið skipaðir en þá en það er krafa frá 4×4 að eiga a.m.k. einn þessara fulltrúa.

Kjalvegur

Umræðan um uppbyggða hraðbraut yfir Kjöl blossaði upp á nýjan leik í vetur eftir að hafa legið í dvala um nokkurra mánaða skeið. Ferðaklúbburinn 4×4 lagðist hart gegn öllum slíkum hugmyndum og mótmælti meðal annars með því að senda ályktun félagsfundar á alla fjölmiðla og vakti hún nokkra athygli. Þó svo að umræðan hafi nú um stundir þagnað örlítið aftur þá er alveg vitað mál að hún mun fara af stað á nýjan leik og 4×4 klúbburinn verður að standa klár á að koma sínum sjónarmiðum á framfæri þegar það verður. Eins er ekki ósennilegt að umræður um fleiri uppbyggða hálendisvegi verði á næstu misserum og er það þannig að í áætlun sem birt hefur verið um Vatnajökulsþjóðgarð að þar er gert ráð fyrir töluverðum uppbyggðum vegum m.a. inn í Jökulheima. Það er því ljóst að á þessu sviði verður mikil vinna við að gæta hagsmuna þeirra sem vilja halda hálendinu og vegum þess sem ósnortnustum. Og hver veit nema að á endanum verði hin stórgóða hugmynd um að kaupa Kjalveg að veruleika.

Fjarskiptamál

Töluverð umræða og umfjöllun hefur verið um fjarskiptamál í vetur og hafa þau mál verið töluvert á borði stjórnar. Eðlilegt er að menn séu dálítið tvístígandi um öryggisfjarskipti á hálendinu eftir að ljóst er að slökkt verður á NMT kerfinu árið 2008 og að því er virðist er enginn öruggur arftaki í sjónmáli. Mörg kerfi hafa verið nefnd og virðast öll hafa ýmislegt til síns ágætis. Stjórn klúbbsins tók hins vegar þá afstöðu að styðja ekki uppbyggingu neins eins kerfis heldur reyna að opna félagsmönnum aðgang að öllum möguleikum sem í boði verða. Þannig höfum við þegar hafið viðræður við Neyðarlínuna um mögulegan aðgang að Tetra kerfinu og munum væntanlega gera slíkt hið sama um önnur kerfi sem hugsanleg verða ekki beint opin almenning. Jafnframt þessu verður VHF kerfinu haldið gangandi á meðan að ekki er annað og betra kerfi sem getur leyst það af hólmi.

Ein er sú breyting sem var gerð á lögum um fjarskiptamál sem kemur félagsmönnum verulega við. Þannig er gjöldum upp á 2.500 kr sem eigendur VHF stöðva greiddu áður árlega nú fellt niður en í staðinn mun Ferðaklúbburinn 4×4 greiða fast gjald fyrir aðgang að þeim tíðnum sem félagsmenn hafa aðgang að. Þessi fjárhæð er verulega miklu hærri en klúbburinn hefur áður þurft að greiða vegna aðgangs að tíðnum og því mun þetta íþyngja rekstrinum verulega komi ekki til hækkana á félagsgjöldum.

Tæknimál

Tæknimál hafa nokkuð verið til umræðu og eru fjölmörg atriði þar sem vinna þarf í en lágu því miður nokkuð kyrr þetta árið. Þó voru nokkur atriði sem að stjórn kom að og var það mest í samvinnu við þá aðila sem standa að breytingum hér á landi í dag. Þannig var komið á samráðsnefnd þessara aðila og hittist hún einu sinni til að fara yfir málin og meðal annars vegna reglugerðar um bann við notkun kastaragrinda. Eftir ábendingar frá þessum hóp var þeirri reglugerð frestað en hún mun taka gildi um næstu áramót. Fjölmörg önnur brýn mál bíða í þessum málaflokk og má þar m.a. nefna athugun á tryggingum breyttra bíla sem eru á stærri eða minni hjólbörðum en segir á skráningarskírteini, vinna þarf að því að fá ófjaðrandi þyngdaraukningu ekki dregna frá burðargetu. Einnig er fjölmörg önnur atriði sem skoða þarf svo sem eftirlit með breyttum bílum o.m.fl. Það er því ljóst að tækninefndin verður hér eftir sem hingað til ein af mikilvægari nefndum klúbbsins og því mikilvægt að starf hennar sé öflugt og sýnilegt.

Húsnæðismál

Snemma á árinu var farið að vinna í að finna Ferðaklúbbnum betra og stærra húsnæði, enda löngu ljóst að það sem við bjuggum við var allt of lítið. Í upphafi var leitað nokkuð um bæinn að hentugu húsnæði og var hús Flugbjörgunarsveitarinnar í Reykjavík mjög vænlegur kostur en samkomulag um leiguverð náðist ekki. Það endaði svo á því að gerður var samningur við Ferðafélag Íslands um að 4×4 klúbburinn taki allan salinn í risinu í Mörkinni undir sína starfsemi og frá og með 1. mars hefur þessi háttur verið á. Þetta þýðir auðvitað hærri leigugreiðslur en að sama skapi höfum við nú rúmt pláss um okkur og hægt verður að bjóða upp á ýmsar nýjungar í félagsstarfinu í kjölfarið.

Skálamál

Skálar ferðaklúbbsins eru fjölmargir og þá er átt við skála í umsjón deilda og móðurfélags. Nokkuð hefur borið á því að félagsmenn vita lítið um það hvaða skálar eru 4×4 skálar og enn síður hvernig á að bera sig að við að fá að nota þá. Úr þessu þarf að bæta, bæði til að auka nýtinguna á þessum húsum og eins til að auka þjónustuna við félagsmenn.

Í Setrinu hefur verið töluvert um framkvæmdir á árinu þar sem að byggt var við og salernisaðstaða verður sett upp í viðbyggingunni í sumar. Þetta verður mikil og góð viðbót þegar komin verður í notkun. Einnig hefur töluvert verið rætt um möguleika á stækkun hússins og liggja fyrir teikningar og leyfi til slíkra framkvæmda. Nokkuð hefur verið rætt um að fara af stað með þá viðbyggingu til að tryggja að leyfi fyrir henni haldi um ókomin ár, en til þess ætti að nægja að steypa undirstöður.

Árbúðir hafa einnig verið reknar af myndarskap í vetur og sést það best á því að skálinn skilar hagnaði í ár sem er óvenjulegt. Enda hefur skálinn verið mikið notaður af litlunefndinni og hentar hann mjög vel fyrir hennar starfsemi. Einnig hafa verið nokkrar framkvæmdir við Árbúðir, en þar var settur upp nýr kamar í stað þess gamla og var víst orðin nokkuð tímabær framkvæmd. Er mál manna að kamarinn þyki það flottur að hann hafi vakið öfund nágranna sem gerðu sér ferð til að skjóta helvítið, en húsið ku vera sterkbyggt og stóð það af sér skothríðina.

Á árinu var einnig veitt fé til lagningar vatnsveitu í skála í umsjá Eyjafjarðardeildar við Réttartorfu. Ekki var veitt fé til annarra skála á árinu.

Ferðaklúbburinn og Ferðafélag Íslands hafa gert með sér samkomulag um að endurbyggja skálana í Nýadal og mun 4×4 koma að þeirri uppbyggingu með bæði þekkingu frá Setrinu og einnig með vinnuframlagi. Á móti kemur að 4×4 mun hafa skálana til umsjónar á vetrum næstu árin og verða þeir því kærkomin viðbót í skálaframboðið þegar þeir verða orðnir mönnum bjóðandi að nýju. Enda er vart umdeilt að staðsetning þeirra er einkar góð með tilliti til ferðalaga á miðhálendinu.

Innri mál

Innanfélags var bryddað upp á nokkrum nýjungum í starfinu. T.d. var öllum sem starfa fyrir klúbbinn boðið til gleðskapar í byrjun vetrar og var það gert til að fólk næði að kynnast og þjappa hópnum saman. Þetta mæltist mjög vel fyrir og er algerlega nauðsynlegt að gera í félagsskap sem byggir á þátttöku sjálfboðaliða að nánast öllu leiti.
Einnig var nú efnt til formannafunda til að upplýsa um þau málefni sem voru í gangi hverju sinni. Ætlunin var að þeir yrðu mun fleiri en raun bar vitni en því miður fórst fyrir að koma því við. Boðaðir fundir urðu einungis tveir og var sá síðari felldur niður vegna ónógrar þátttöku. Það er hins vegar ljóst að svona fundir geta verið gríðarlega gagnlegir til að halda tengslum og auka upplýsingaflæði og því verður vonandi hægt að halda þessu fyrirkomulagi áfram og þá með betri árangri.

Samstarf og samningar

Flugbjörgunarsveitin

Í byrjun árs var lokið við gerð samnings við Flugbjörgunarsveitina í Reykjavík. Sá samningur kveður á um að FBSR mun sjá um að halda námskeið og kynningar fyrir félagsmenn 4×4 og einnig að FBSR er til taks við að aðstoða félagsmenn ef á þarf að halda við björgun tækja o.fl. gegn greiðslu útlagðs kostnaðar.
Á móti fá bílstjórar frá FBSR að koma með í ferðir og fá fræðslu við akstur breyttra bíla svo eitthvað sé nefnt.

Landmælingar

Í framhaldi af mikilli umræðu um utanvegaakstur og skort á nothæfum gögnum til að meta hvað væri slóð og hvað ekki var gerður samningur við LMÍ sem að felur í sér að 4×4 og LMÍ ætla á næstu tveimur árum að safna saman öllum ferlum sem félagar í 4×4 eiga og gera síðan út bíla í að ferla það sem á vantar. Markmiðið með verkefninu er að reyna að koma í einn gagnagrunn ferlum af sem flestu slóðum á hálendi Íslands. Þáttur 4×4 í verkefninu er eins og áður segir að safna saman ferlum sinna félagsmanna og einnig að hafa umsjón með og útvega jeppa í ferlun næstu tvö sumur. Fyrir þetta fær klúbburinn greidda nokkra upphæð sem fer þó að mestu í að greiða þann kostnað sem við verkið verður.

Landsbankinn

Gerður var viðskiptasamningur við Landsbanka Íslands, útibú Laugavegi 77. Samningurinn felur í sér að 4×4 flytur öll sín viðskipti í þennan banka og kynnir hann sem annan af aðalstyrktaraðilum sínum. Fyrir þetta fær 4×4 greidda ákveðna upphæð á ári auk þess sem þjónustugjöld eru í lágmarki og klúbburinn nýtur bestu mögulegu vaxtakjara.

Skeljungur

Samstarfssamningur við Skeljung var endurnýjaður á árinu með þó nokkrum breytingum. Eldri samningur hafði verði í gildi nokkuð lengi en í honum voru ekki ákvæði um neinn afslátt af eldsneyti fyrir félagsmenn. Þessu breyttum við núna þannig að félagsmenn eiga kost á 10 kr afslætti frá viðmiðunarverði á hverjum lítra. Auk þessa fá félagsmenn ýmsan annan afslátt s.s. af smurningu og völdum vörum. Einnig greiðir Skeljungur klúbbnum ákveðna fjárhæð á ári og skaffar olíu til rekstrar Setursins. Skeljungur sér einnig um útgáfu félagsskírteina klúbbsins og eru þau um leið vildarkort hjá Skeljungi.

Ferðir og mannfagnaðir

Að þessu sinni var boðið upp á óvenju margar ferðir á vegum 4×4. Þetta var gert til að mæta aukinni kröfu um úrval ferða og meiri fjölda. Eitthvað virðist þó ferðamagnið hafa verið óþarflega mikið því að þátttaka var í sumum tilfellum lítil og í eitt skipti var ferð felld niður vegna ónógrar þátttöku.

Atburðirnir hófust fljótlega eftir að ný stjórn tók við og má segja að eitthvað hafi verið um að vera í hverjum mánuði síðan.

Vetrarslútt
Vetrarslútt var haldið á vegum litlunefndar í Þakgili og heppnaðist mjög vel.
Landgræðsluferð
Landgræðsluferð var farin á vegum umhverfisnefndar inn í Þórsmörk

Sumarhátíð
Sumarhátíðin var að þessu sinni haldin að Dæli í Víðidal og var að þessu sinni í umsjá Húnvetningadeildar ásamt nokkrum vel völdum gengjum innan 4×4.

Hellaferð
Umhverfisnefndin bauð svo upp á hellaferð í september og var stefnt á Lakahraun

44 tommu ferðin
Farin var ferð ætluð 44 tommu breyttum bílum eða stærri og sá Hlynur Snæland um hana. Farið var í það að kanna gömul vöð á Tungnaá og fleiri vatnsföllum sem urðu á vegi hópsins í þessari vel heppnuðu ferð.

Árshátíð
Árshátíð ferðaklúbbsins var haldin á Hótel Örk og var nú boðið upp á það nýmæli að menn hefðu gistingu á staðnum að hátíð aflokinni. Þetta mæltist gríðarlega vel fyrir og er mál manna að þetta hafi verið með bestu árshátíðum klúbbsins frá upphafi.

Nýliðaferðir
Nýliðaferðir voru fjórar að þessu sinni. Gemlingar stóðu fyrir ferð inn í Landmannalaugar og nokkrir reyndir félagar úr klúbbnum sáu um aðra ferð í Jökulheima og á Vatnajökul sömu helgina.

Helgina eftir var svo litlanefndin með ferð í Árbúðir fyrir minna breytta bíla og á sama tíma sá Hjálparsveitin um ferð í Setrið.

Allar ferðirnar voru fullar og heppnuðust mjög vel. Má reikna með að þarna hafi farið á milli 40 og 60 bílar með nýliðum á fjöll um þessar helgar. Öllum nýliðum var boðið upp á námskeið í helstu atriðum er bílana varðar fyrir ferð og bauð Gúmmívinnustofan upp á aðstöðu.

Miðjuferð
Miðjuferðin var skipulögð snemma á árinu en henni varð að fresta vegna óviðráðanlegra orsaka og því var hún farin í janúar í staðinn. Tilgangur ferðarinnar var að fara með steininn sem reisa á inn að miðju. Ferðin heppnaðist í alla stað mjög vel og var föngulegur hópur Skagfirðinga sem tók á móti okkur úr borginni þegar við komum að miðjunni.

Þorrablót
Þorrablótið var haldið í Setrinu eins og góðar og gamlar venjur gera ráð fyrir. Það var að venju vel heppnað og var mæting góð.

Hjónaferð
Rómantísk para og hjónaferð var farin inn í Hvanngil og var skilyrði fyrir þátttöku að konan keyrði meirihluta ferðarinnar. Ekki fylgir sögunni hversu vel það tókst en þó skal það upplýst að það var kona sem dreif upp erfiðustu brekkuna en allir aðrir þurftu aðstoð. Skálanefndin sá um þessa ferð sem tókst frábærlega í alla staði.

Kvennaferð
Að þessu sinni var kvennaferðin farin inn á Hveravelli og var það gert til að auka þann fjölda sem kæmist með, en eftirspurn eftir plássi í þessa ferð hefur verið þvílík að allt pláss í Setrinu hefur fyllst á skömmum tíma. Ferðin tókst mjög vel og fengu konurnar flott veður og færi og virðist vera sem að hefð sé komin á það í þessum ferðum. Á meðan konurnar skemmtu sér á fjöllum var boðið til karlakvölds í Mörkinni, en karlpeningurinn var greinilega almennt á taugum heima og þorði ekki úr húsi því mæting þar var fámenn en góðmenn.

Góugleði
Litlanefndin bryddaði upp á þeirri nýjung að bjóða upp á Góugleði í ár þar sem safnast var saman í Árbúðum og góu fagnað með góðri íslenskri kjötsúpu. Gleðin var haldinn fyrir fullu húsi í Árbúðum og komust færri að en vildu.

Boðsferð í Setrið
Um sömu helgi og litlanefndin stóð fyrir Góugleðinni fór stjórn 4×4 með boðsgesti upp í Setur. Til ferðarinnar hafði verið boðið umhverfisnefnd alþingis, Umhverfisráðherra, Samgönguráðherra, Sveitarstjórum í uppsveitum Árnessýslu, Sýslumanninum á Selfossi og mörgum fleirum er tengjast hagsmunum klúbbsins á einn eða annan hátt. Þátttaka boðsgesta var því miður með minnsta móti en engu að síður þáði Umhverfisráðherra boð okkar ásamt nokkrum örðum og úr þess varð hin skemmtilegasta ferð þar sem gestir okkar fengu að kynnast öllu því helsta sem einkennir góða jeppaferð. Þetta er í annað sinn sem klúbburinn stendur fyrir svona ferð og það er alveg ljóst að þeir ráðamenn sem hafa fengið að kynnast okkur og okkar starfi á þennan hátt eru öflugir bandamenn okkar í dag. Því er gríðarlega mikilvægt að halda þessu áfram og þó svo að fáir mæti í hvert skipti þá skipta allir máli.

Ratleikur
Í lok apríl var svo boðið til ratleiks en því miður varð að fella hann niður vegna ónógrar þátttöku.

Sumar 2007
Nú á vordögum tók klúbburinn svo þátt í sýningunni Sumar 2007 og kynnti þar starf sitt með góðum árangri

Fyrir utan það sem hér hefur verið talið upp var nokkuð um dagsferðir á vegum litlunefndar og án ef gleymist eitthvað.

Lokaorð

Af því sem að framan er ritað má vera ljóst að starf Ferðaklúbbsins 4×4 hefur verið mjög mikið og öflugt á líðandi ári. Það sést líka á því að í ár er 27 % aukning í félagsgjöldum sem að segir okkur að töluvert hefur fjölgað í klúbbnum á árinu.

Það er einnig ljóst að hagsmunagæsla verður ávalt stærri og stærri þáttur í starfi klúbbsins og hlutverk hans mikilvægara í þeim efnum með hverju árinu sem líður. Jeppasportið verður líka vinsælla og jeppaeign landsmanna eykst. Allt kallar þetta á aukin umsvif 4×4 klúbbsins og innan skamms verður hann að vera rekin sem lítið fyrirtæki á svið hagsmunagæslu og afþreyingar fyrir jeppamenn. Tími klúbbsins sem lítil áhugamannasamtök um jeppa og jeppabreytingar er liðinn og við sem stöndum við stjórnvölin í dag verðum að átta okkur á því að það dugir ekki lengur að sinna þessari hagsmunagæslu sem aukavinnu. Ef þannig verður unnið áfram er þess ekki langt að bíða að boð og bönn fljóta yfir okkur án þess að við fáum nokkuð um málið að segja.

En sem betur fer er ástandið ekki orðið svona svart í dag, þó vissulega séu blikur á lofti, við höfum á síðasta ári unnið mikið í hagsmunamálum og erum orðin þekkt stærð inni á borði flestra þingmanna og ráðherra. Það eitt skilar því að við verðum sjálfsagður umsagnaraðili um málefni er varðar ferðir og ferðamennsku og þannig þarf það að vera. Við þurfum einnig að bæta í starfsmannafjölda klúbbsins til að geta mætt þeim önnum sem framundan eru í þessum málefnum öllum. Reyndar var það síðasta verk fráfarandi stjórnar að ráða Agnesi Karen Sigurðardóttur sem framkvæmdastjóra Ferðaklúbbsins 4×4 í 100 % starf.

En þetta ár sem hefur verið mjög gott er að lokum komið og vil ég fá að þakka öllum þeim fjölmörgu sem lögðu hönd á plóginn fyrir þeirra framtak. Án jafn mikillar samheldni og fórnfýsi félagsmanna eins og raun ber vitni væri þessi klúbbur hvorki fugl né fiskur.

Benedikt Magnússon

4 Umræða um skýrslu stjórnar.
Engar umræður voru um skýrslur stjórnar

4. Skoðaðir reikningar lagðir fram og skýrðir.
Agnes K Sigurðardóttir gjaldkeri lagði fram reikninga fyrir síðasta starfsár.
Sjá reikninga félagsins….
Gjaldkeri fór yfir ársreikningana og óskaði síðan eftir fyrirspurnum eða athugasemdum.
Sindri spurðist fyrir um hverjar væru aðrar tekjur, sem næmu 7 miljónum Gjaldkeri svaraði því til að skýsinginn á öðrum tekjum væri meðal annar vegna margskonar samninga sem klúbburinn hefði gert á liðnu ári, sem gæfi klúbbnum auknar tekjur.
Skúli H Skúlason spurði hvort styrkur vegna vhf kerfisins hefði fengist.
Gjaldkeri sagði að Ferðaklúbburinn hefði fengið 800.000 kr styrk úr ríkissjóð til viðhalds og uppbyggingar vhf fjarskiptakerfisins.
Magnús Guðmundsson spurði hvað vaxtagjöld innan sviga þýddu.
Benedikt Magnússon formaður svaraði því til að þetta væri umsýslugjald bankans.

5. Umræða um reikninga og þeir bornir upp til samþykktar.

Reikningar samþykktir með lófataki

.

.

6. Skýrslur nefnda.

Húsnæðisnefnd:
Jóhannes Þ Jóhannesson flutti skýrslu nefndarinnar
Húsnæðisnefnd Ferðaklúbbsins tók til starfa um miðjan mars 2007. Eftir að gerður hafði verið leigusamningur við Ferðafélag íslands, um salinn á efstuhæð í Mörkinni. Þar sem skrifstofa klúbbsin er til húsa. Nefndina skipuðu í upphafi, agnes K Sigurðardóttir, Jóhannes Þ Jóhannesson, Stefán Baldvinsson og Barbara Ósk Ólafsdóttir. Skömmu síðar bættist Magnús Guðmundsson við. Nefndin hefur hafið undirbúning að því að gera eldhúsið betra stand, mála og setja upp sjónvarpsaðstöðu, auk þess sem hugmyndir eru um að auka aðgengi félagsmanna að aðstöðinni. Einnig verður hægt að leigja húsnæðið og verður verðið stillt í hóf fyrir félagsmanna. Húsnæðisnefndin tók að sér að vera með bás á sýningunni sumarið 2007 sem haldinn var síðustu helgina í apríl í Fífunni í Kópavogi og tókst það mjög vel, með dyggu starfi fjölda félagsmanna sem aðstoðuðu við undirbúning og skiptust á að vera í sýningarbásunum. Nú á næstu vikum stendur til að vera með fjáröflunarkvöld í Mörkinni 6 og verður nánar greint frá því fljótlega. Með öflugri nefnd ætti að vera hægt að gera félagsstarfið fjölbreyttara og öflugra og standa vonir nefndarmanna til að félagsmenn nýti sé þessa aðstöðu vel á næstu árum.
Ritnefnd.
Enginn skýrsla barst frá nefndinni.
Skemmtinefnd
Ægir: skýrsla kemur síðar

Litlanefnd Sigurlaugur Þorsteinsson flutti skýrslu Litlunefndar
Starfsárið hófst nefndarfundi þar sem skipt var störfum fyrir komandi ár og síðan var farið út í að vinna að Slúttinu sem haldið var þetta árið í Þakgili og heppnaðist í allastaði vel og komu allir nefndarmenn að því verkefni, síðan var ekki starfað í júní og júlí og ágúst, enda ástæðulaust þar sem nægilegt framboð er af ferðum á vegum klúbbsins sem henta ættu öllum sem vilja taka þátt. Síðan hófst hið eiginlega starf í september með helgarferð í Setrið, sem virkaði vel og kom í október, þar sem farið var um Gjábakka og inn að Hlöðufelli og áfram línuveg niður að Gullfoss og malbikið heim, í þeirri ferð kom í ljós að það er varla hægt að flokka Rav undir jeppa, og spurning hvort draga eigi línurnar við jepplinga sem ekki hafa hátt eða lágt drif ( allavega var sá bíll í spotta mest alla leiðina ). Að öðru leiti heppnuðust ferðir okkar bara vel og var krapaferðin einna viðburðaríkust, en þar sem búið er að fjalla svo mikið um hana er ástæðulaust að tíunda meira um hana nú. Góugleði í Árbúðum gekk framar öllum vonum og virtist tilbreytni í mat gera góða lukku, því er ég ætlaði að fá mér að éta, ( en ég hafði tafist á spjalli við hina og þessa ) ( furðulegt hvað maður þarf alltaf að tjá sig ef bakkus er með í för )en er ég kom inn í mat þá var einfaldlega ekkert eftir og fólk strauk sér í makindalega um magann og lét sér líða vel. Um kvöldið var svo söngur og gleði í Góustíl og voru menn ósparir á veitingar allt frá gæða Coniaki on niður til eðalbrennivíns.
Fyrr um daginn hafði hópur með umhverfisráðherra innanborðs og Páli framkvæmdarstjóra FÍ ásamt fleirum og stjórn 4×4 komið við í kaffi á leið inn í Setur og er hópurinn var að fara vatt ráðherrann sér að mér og spurði hversu lengi væri verið að fara í Setrið, ég svaraði til. Lámark 2-3 tímar, já það er ekkert mál, ég get haldið í mér þann tíma, svaraði daman. Sem vildi heldur postulínið í Setrinu en kamarinn í Árbúðum. Þau voru vel á 5 tíma inneftir og vænti ég þess að ráðherrann hafni ekki eðalskúrnum okkar aftur fyrir óvissuna.
Aprílferð slógum við af vegna færðar og næst er þá slúttið í maí, en það bíður nýrrar Litlunefndar um hvar og hvernig.
Kamarinn í Árbúðum hann er góður, en mikið var haft fyrir honum. Hann ver keyptur haustið 2005 og fór í geymslu hjá Lúther nokkrum bílasala. Og er líða fór á veturinn, fóru ýmsir sem ætluðu að nota græjuna á fjöllum en fundu bara gamla hróið, að gera því skóna að sennilega væri kamarinn kominn í Illugaver, og væru Rotturnar harla ánægðar með fenginn, Lúther hvorki játti þessu né neitaði, en bara brosti. En svo í október síðast liðinn kallaði Stefán Baldvinsson á nokkra Trúða ofl í vinnuferð og kom þá í ljós að kamarinn var í geymslu bílasalans og algjörlega ó skitinn, ef svo má að orði komast. Stefán og Lúther fóru með kamarinn inneftir á fimmtudeginum og við hin komum á föstudeginum, og er við komum á staðinn höfðu Lúther og Stefán bundið spotta í gamla náðhúsið, og þurfti ekki mikið að tog til að það kvaddi og gerðist að spýtnabraki, og voru þeir að vonum ánægðir með framtak sitt. Á laugardeginum var tekið til við að koma nýja kamrinum upp og gekk það fljótt og vel. Ekki síst vegna þess að Þorgeir Trúður tók með sér húsasmíðameistara sem reyndist svo hemhleypa til vinnu að auki. Var kamarinn orðin skítagóður um kvöldmatarleitið. Og var hann fínasta hús og náðugt í alla staði. En svo er við vorum að tygja okkur til farar í Góugleði, komu fréttir af því að eitthver góðhjartaður maður hafi tekið sig til og skotið 3 haglaskotum í dyrnar og eru þær nánast ónýtar, þó við hefðum getað tjaslað þeim saman til bráðabyrgðar.
En nýja hurð verður að smíða og setja á, sá hinn skotglaði hafði skotið á skilti þarna og eitthvað fleira, og er mér engan vegin skiljanleg slík skot þörf hjá þeim er þarna var að verki.
Að lokum vil ég þakka fyrir tímann sem ég hef starfað í Litlunefnd, og óska nýjum nefndarmönnum farsældar. Eins vil ég þakka þeim er starfað hafa með mér í nefndinni minna á að nefndin er ekki einn maður, heldur 5 einstaklingar sem starfa sem ein heild, að sama markmiði að gera gott félag betra.

Tækninefnd
Skýrsla kemur síðar.

Umhverfisnefnd
Skúli H Skúlason flutti skýrslu nefndarinnar

Ný umhverfisnefnd hóf störf eftir aðalfund 2006 og í henni sátu:
Dagur Bragason
Kristín Sigurðardóttir
Jóhannes Kristjánsson
Skúli H. Skúlason
Vilhjálmur Freyr Jónsson

Meðal fyrstu verkefna nefndarinnar var að hrinda af stað átaki gegn utanvegaakstri. Leitað var eftir samstarfi við Vélhjólaíþróttaklúbbinn, Umhverfisstofnun og Landgræðslu ríkisins en síðar komu að verkefninu Ferðafélag Íslands, Útivist, Landvernd og Pokasjóður. Af hálfu umhverfisnefndar vann Kristín Sigðurðardóttir einkum að þessu verkefni og stýrði því. Hannað var lógó átaksins og fjármagni safnað til auglýsinga. Slagorð átaksins er Áfram veginn – á réttri slóð og m.a. voru gerðir límmiðar með yfirlýsingunni ( Ég ek ekki utan vega ). Með því að hafa þetta merki á ökutækjum sínum gefa félagsmenn 4×4 og aðrir sem að átakinu koma jákvætt fordæmi í náttúru landsins. Megin markmið átaksins var að reka áróður gegn utanvegaakstri og minna á að ábyrgir ferðamenn aki ekki utan vega. Einnig var það mat okkar að mikilvægt væri að 4×4 tæki frumkvæði í þessum málum og yrði á nýjan leik forystuafl í áróðri gegn utanvegaakstri Nokkurt fjármagn safnaðist og enn er til í sjóð þannig að hægt verður að hefja átakið aftur núna í vor með enn meiri krafti en fyrir ári síðan.

Nokkur mál komu upp á árinu þar sem ferðafólk fékk á sig kæru af hálfu sýslumanns Árnessýslu fyrir akstur á slóðum sem að okkar mati voru fullgildar akstursleiðir. Forsendurnar voru þær að umræddar slóðir væru ekki merktar inn á ótilgreind kort sem notuð voru við eftirlit. Það er mat okkar að slík vinnubrögð grafi undan allri þeirri vinnu sem lögð er í baráttu gegn utanvegaakstri, setji réttarstöðu ferðafólks í uppnám og skapi saklausu ferðafólki veruleg óþægindi og kostnað við að verjast ómakverðum kærum. Af hálfu umhverfisnefndar vann Dagur Bragason verulegt og gott starf við gagnaöflun í þessum málum, m.a. við að safna saman gögnum úr kortum útgefnum á ýmsum tímum. Óhætt er að segja að þau gögn sem Dagur dró fram í þessum málum hafi haft umtalsverð áhrif á niðurstöðuna og sýnt fram á að starfsaðferðir sýslumanns við ákvörðun kæru stæðust engan vegin. Niðurstaðan í þeim málum sem um ræðir var sýknun.

Landgræðsluferð var farin að venju í Þórsmörk um Jónsmessuhelgina í samvinnu við Landgræðslu ríkisins. Sem hingað til var unnið að uppgræðslu á Merkurrananum og er nú svo komið að ekki verður þverfótað fyrir gróðri á svæði sem áður var auðnin ein. Má búast við að nú sé að koma að því að Landgræðslan þurfi að finna okkur nýtt verkefni að kljást við og er sérlega ánægjulegt að sjá hve góður árangur hefur orðið af uppgræðslunni á Merkurrananum.

Ekki varð að stikuferð á þessu starfsári. Starfsárið 2005-2006 voru uppi áform um að stika svokallaða Bárðargötu, en sveitarstjórn Ásahrepps setti sig á móti þeim óformum. Stikun leiðarinnar var því frestað, en þess freistað að koma því í framkvæmd núna með í sátt við sveitarfélagið. Eftir nokkur símtöl, skriflegt erindi og svo enn fleiri símtöl fékkst formlegt samþykki sveitarfélagsins, en þó of seint til að hægt væri að fara stikuferð á svæðið þar sem komið var fram á vetur.Væntanlega kallar stikun leiðarinnar núna á enn frekara skrifræði þar sem svæðið er í dag komið undir þjóðgarð, þó vissulega hljóti að vega þungt að hafa skriflegt samþykki sveitarstjórnar.

Nefndin hafði nokkra aðkomu að gerð umsagna og umfjöllun um lagafrumvarp er varðar Vatnajökulsþjóðgarð. Á vettvangi SAMÚT, Samtaka útivistarfélaga mörkuðu útivistarfélög sér sameiginleg viðhorf varðandi stofnun þjóðgarðsins og það lagafrumvarp sem við fengum til umsagnar. Í framhaldi af því sendi hvert félag inn umsögn ásamt því að SAMÚT sendi inn sína umsögn, allar í megindráttum samhljóða. Verulega mikilvægar breytingar fengust á frumvarpinu. Mikilvægust er sú að útivistarfélög fá fulltrúa í öll svæðisráð þjóðgarðsins og áheyrnarfulltrúa í yfirstjórn hans. Við eigum því okkar fulltrúa þarna þegar kemur að umfjöllun um akstursleiðir og merkingar á leiðum, ásamt fjölmörgum öðrum málum sem varðar ferðalög á og við jökulinn.

Að lokum þakka ég samstarfsfólki mínu í nefndinni fyrir vel unnin störf og stjórn klúbbsins fyrir samstarfið.

Skálanefnd
Óskar Hafþórsson flutti skýrslu nefndarinnar
Á sumrinu 2006 var farið í að byggja salernis aðstöðu við býslagið
Farnar voru 3 skipulagðar ferðir og var vel mannað í 2 fyrir ferðirnar en í 3 ferðina hefði má vera meiri manskapur. Því miður tókst ekki að salernið fyrir veturinn. Það sem var gert sumarið 2006 var salerni reist, borið á pallinn í kringum húsið, slökktutæki yfir farinn, farið yfir glugga festingar, skálin læstur fyrir framan býslagið, grafið grjótpúlk fyrir affall vaska á salerni ásamt ýmsu smávægilegu.
Nú á þessu sumri er áætlað að fara 3 vinnuferðir og stendur til að klára salernis aðstöðu ásamt því að setja upp nýjan olíutank fyrir kabyssuna. Eining á að sækja um styrk til klúbbsins að grafa fyrir sköklum á stækkunin við skálann. Ástæðan fyrir því að við verðum að gera þetta núna er að byggingarleyfið er að renna út á þessu ári og þar sem gamli byggingarfulltrúi er að hætta vitum við ekki hvort að við fáum þetta samþykkt aftur. Ef við fáum góðan hóp með okkur æti þetta að takast og kannski náum við líka að setja upp nýa brunnastiga utan á húsið.

Hjálparsveit

Helena Sigurbergsdóttir flutti skýrslu nefndarinnar.

Mannaskipti urðu í nefndinni Þórir hætti og inn kom Lárus Rafn Halldórsson
Það var stundum við það að sveitin auglýsti eftir Hjálp þar sem það var svona allavega og allavega bilannir og bílleysi sem oft á tíðum hrjáðu meðlimina en allt reddaðist þetta nú.

MAÍ
Héldum fund og settum niður hvað gera ætti þetta árið
JÚNÍ
Beiðni um að koma bíl til byggða sem hafði farið út af Kjalvegi vísað á lögregluna þar sem svæðið var lokað
Bíll bilaður í Svínaskarði
Sáum um 4×4 bás á sýningunni Bílar og sport í Laugardalshöllinni
bíll sóttur að Langavatni
héldum fund með Flugbjörgunarsveitinni
haft samband við allar deildir og Hjálparnet sett á laggirnar

ÁGÚST
bilun í bíl í Versölum, leyst í gegnum síma
bilun í bíl í Arnarfirði, leyst í gengnum síma
vantaði verkfæri á Höfn, leyst í gengum hjálparnetið
fundur með Flugbjörgunarsveitinni
bíll bjargað sem affelgaði í Kisu
bilun í bíl á Fjallabaki, varahlutum reddað og farið með
SEPTEMBER
bilun í bíl við Kárahnjúka, leyst í gegnum síma
OKTÓBER
Flugbjörgunarsveitin hélt fyrir okkur skyndihjálparnámskeið sérstaklega uppsett fyrir jeppamenn
Héldum fund fyrir Nýliðaferð
Haldin var fundur hjá Gúmmívinnustofunni
Sáum um Nýliðaferð í Setrið
DESEMBER
Bíll sóttur sem valt á Nesjavallaveginum
Bíll sóttur fastur í drullu í hlíðum Úlfarsfells
JANÚAR
bíll sóttur sem kom sér í sjálfheldu við Grunnvötn í Heiðmörk
bíll sóttur sem lenti útaf veginum við Heimsenda í Kópavogi
bilaður bíll sóttur að Slunka, svo var farið á móti Litludeildinni sem var í krapasulli í Þjófahrauni
Ingvi Þór Ragnarsson ( Reyk og eldþéttingar ) gaf sveitinni Íssög og þurrbúninga
MARS
hittumst í Mörkinni og tókum til í geymslunni
APRÍL
straumlaus bíll við Heklu, hann fékk straum
En svona í stuttu máli þá, héldum við 4 fundi og einn tiltektar fund
sáum um bás á einni sýningu, eitt námskeið og eina nýliðaferð
stofnuðum hjálparnet með tengiliðum um allt land
fengum 10 hjálparbeiðnir og sinntum 9 hjálparbeiðnum
4 mál voru leyst í gengum hjálparnetið.

Fjarskiptanefnd Skýrsla fjarskiptanefndar
Enginn flutti skýrslu nefndarinnar, en hún bars rafrænt,
Frá formanni nefndarinnar Kjartani Gunnsteinssyni.

Eftirfarandi verkefni voru unnin á seinasta starfsári.
Í janúar reyndum við að fara á Þránd með endurvarpa sem var í viðgerð.
Komumst ekki upp í það sinn vegna erfiðs færis.
Í mars fórum við aftur á Þránd með endurvarpann. Tveir vélsleðar voru með í för og okkur tókst í þetta sinn að koma endurvarpanum upp. Ekki var hægt að skipta um loftnet sökum ísingar. Í júlí skruppum við á Vaðöldu og tókum allan búnaðinn þar. Meiningin er að nota þann endurvarpa á Skálafelli eða Skrokköldu.
Í byrjun september fórum bið á Bláfell með nýja rafgeyma og nýtt loftnet. Sá endurvarpi virkar nú mjög vel. Í september skruppum við í þriðju ferðina á Þránd. Í þetta sinn skiptum við um loftnet.Við settum 9dB stöng og gengum þannig frá henni að hún á að þola þá ísingu sem getur orðið á Þrándi. Einnig skiptum við um loftnetskapal.
Endurvarpinn er að virka mjög vel í Skagafirði, Húnavatnssýslum og inn á hálendið.
Hann hefur meðal annars verið prófaður frá Bláfelli á Kjalvegi og frá Skiptabakkaskála.
Einnig var skipt um rafgeyma á Strút á starfsárinu og endurvarpinn lagfærður.
Sigurður Harðarson er búinn að útbúa endurvarpa sem á að fara á Skálafell. Hann verður væntanlega settur upp fljótlega. Neyðarlínan er búin að koma nýju húsi fyrir á Bláfelli. Þar verður möguleiki á rafmagni frá rafstöð sem verður komið fyrir niðri í Illagili. Ef við færum endurvarpann okkar í húsið er möguleiki á að bústa sendiaflið á honum upp í 25 vött. Neyðarlínan mun fara með hús á Strút í sumar og leggja rafmagn í það.
Mikill áhugi hefur verið á fjarskiptamálum meðal félaga í 4×4. Þess má geta að metfjöldi var á amatöranámsskeiði hjá Íslenskum amatörum og var megnið af hópnum félagar í 4×4. Mikill áhugi er á HF fjarskiptum hjá hópi manna og ekki er útilokað að myndaður verði amatörahópur innan 4×4.

Vefnefnd
Bjarni Gunnarsson flutti skýrslu nefndarinnar
Ágætu fundarmenn.
Vefnefnd hefur stöðugt unnið að smálagfæringum á vefnum þetta
Starfsárið.
Helstu breytingar voru lokun á innanfélagsmálum, flýtileiðir á
forsíðu, tímamörk á breytingum á spjallinnleggjum og ekki síst hröðun
á myndasafni. Áður virkaði kerfið þannig að myndir voru minnkaðar
niður í þumlastærð í hvert sinn sem þær voru sóttar en núna er búin
til smærri útgáfa af myndum þegar þeim er hlaðið inn til að minnka
álag á vefþjóni.

Notendum fjölgar hratt, 5 til 10 nýir notendur bætast við í hverri
viku og er fjöldi þeirra að nálgast fimm þúsund. Meirihluti þeirra
eru félagsmenn. Við fáum að meðaltali 2 fyrirspurnir á dag sem við
sinnum eins fljótt og við getum.

Við settum upp Wiki síðu fyrir klúbbinn en höfum ekki komist í að
setja aðgangsstýringu að henni og stilla hana að þörfum klúbbsins.
Það er reyndar ekki í anda Wiki að reyna að hafa stjórn á notendum en
í ljósi reynslunnar þá er áhangendum vefsíðunnar tæplega treystandi
fyrir óheftu frelsi til að tjá sig.

Uppitími vefsins hefur verið heldur lakari á þessu starfsári en á því
síðasta. Mikil fjölgun notenda hefur þar áhrif og virðist kerfið, að
öllu óbreyttu, vera að nálgast takmörk sín. Gagnagrunnurinn var
fluttur á sömu vél og vefurinn keyrir en það hafði áhrif til hins
verra. Vélin sem keyrir vefinn er undir ansi miklu álagi og hefur
hýsingaraðili unnið með okkur að lausn á því. Við bíðum eftir
tilboði og tillögum frá honum í áframhaldandi rekstur á vefnum. Við
höfum ekki talið ástæðu til að leita tilboða hjá öðrum hýsingaraðilum
meðan uppitími er þó ekki verri en hann er, enda ekki að öllu leyti við
hýsingaraðila að sakast þegar vefurinn hrynur undan álagi.

Það sem er framundan:

Við ætlum að halda vefnum gangandi með öllu sem í því felst.

Við hófum vinnu við að koma félagatali klúbbsins í ásættanlegt horf að
beiðni stjórnar. Enda er þar mjög brýnt mál á ferð. Hugmyndin er að
notendur viðhaldi sínum upplýsingum sjálfir í gegnum vefinn.
Klúbburinn er orðinn áskrifandi að þjóðskránni og er ætlunin að tengja
félagatalið við hana. Talsverð vinna er framundan við að hreinsa til
í notendaskrá vefsins og félagatali. Einnig þarf að gera skráningu
notenda sjálfvirka aftur og nú með tengingu við þjóðskrá.

Í vinnslu er að færa gagnagrunninn á aðra vél og uppfæra hann í
nýjustu útgáfu. Við erum fastir í úreltri útgáfu af gagnagrunninum en
það er talsverð handavinna að laga kerfið að nýrri útgáfu.
GPS safn er í vinnslu. Hugmyndin er að notendur setji inn sínar leiðir
Svipað og nú
auglýsingar og myndasöfn. Bjóða síðan upp á leitarvél þar sem t.d.
væri hægt að leita að vinsælustu leiðum, leiðum á ákveðnum svæðum
osfrv.
Við höfum lítillega skoðað ókeypis spjallkerfi og myndasöfn til
að taka við af núverandi kerfi en engin ákvörðun hefur verið tekin um
hvaða kerfi verður notað eða hvenær nýtt kerfi verður tekið í notkun.
Takk fyrir.
LÖG FERÐAKLÚBBSINS 4×4
Maí 2006
I. KAFLI.
Nafn félagsins og tilgangur.

1. grein.
Félagið heitir Ferðaklúbburinn 4×4 og hefur aðsetur í Reykjavík. Ferðaklúbburinn 4×4 er félag áhugamanna um ferðalög og búnað fjórhjóladrifsbifreiða.

2. grein.
Markmið félagsins eru:
. Að ná til sem flestra sem áhuga hafa á ferðalögum um landið á fjórhjóladrifsbifreiðum.
. Að gefa gott fordæmi um umgengni og verndun landsins með jákvæðri eftirbreytni og umræðu um náttúruvernd.
. Að gæta hagsmuna félagsmanna varðandi búnað fjórhjóladrifsbifreiða og annað er lýtur að fjórhjóladrifsbifreiðum og ferðalögum í samráði við viðkomandi yfirvöld.
. Að efla þekkingu félagsmanna á öllu því er við kemur útbúnaði fjórhjóladrifsbifreiða og ferðalögum um byggðir og óbyggðir landsins.
. Að efla tengsl og kynni félagsmanna.

II. KAFLI.
Félagsfundir og stjórn.
3. grein.
Aðalfundur hefur æðsta vald í öllum málefnum félagsins. Hann skal haldinn árlega í maí mánuði.
Fundurinn skal boðaður félagsmönnum skriflega með minnst sjö daga fyrirvara og með auglýsingum í blöðum. Í fundarboði skal greina fundarefni svo og allar tillögur, sem ætlast er til að bornar verði undir atkvæði. Rétt til setu á aðalfundi hafa einungis þeir sem hafa staðið full skil á gjöldum til félagsins.
Á dagskrá aðalfundar skulu vera venjuleg aðalfundarstörf, þ.e:
1. Setning fundar og dagskrá kynnt.
2. Kosning fundarstjóra og fundarritara.
3. Skýrsla stjórnarinnar um störf félagsins á liðnu starfsári.
4. Umræða um skýrslu stjórnar.
5. Skoðaðir reikningar lagðir fram og skýrðir.
6. Umræða um reikninga og þeir bornir upp til samþykktar.
7. Skýrslur nefnda, ef kjörnar hafa verið.
8. Tillögur/lagabreytingar frá stjórn, nefndum eða félagsmönnum.
9. Kjör stjórnar, varamanna og fastanefnda.
10. Kjör Skoðunarmanna.
11. Önnur mál.
12. Fundarslit.

4. grein.
Rétt boðaðir boðaður aðalfundur er löglegur, án tillits til fundarsóknar. Afl atkvæða ræður úrslitum mála nema þar sem annars er getið í lögum þessum.

5. grein.
Stjórn félagsins skal skipuð fimm mönnum, formanni, ritara, gjaldkera, og tveim meðstjórnendum. Ár hvert skal formaður kosinn sérstaklega til eins árs. Auk þess skulu kosnir tveir meðstjórnendur til tveggja ára. Kjósa skal einn varamann fyrir hverja tvo meðstjórnendur sem kosnir eru á sama aðalfundi. Kosningar skulu vera skriflegar sé þess óskað. Meðstjórnendur verða þeir tveir sem flest atkvæði hljóta. Varamaður er kosinn sérstaklega.
Forfallist formaður skal ritari taka sæti hans, en að öðru leiti skiptir stjórnin með sér verkum. Formaður getur boðað varamenn á stjórnarfundi, þegar þess er talin þörf.

6. grein.
Skoðunarmenn eru tveir og skulu þeir kjörnir á aðalfundi til eins árs í senn. Kosning skal fara fram skriflega sé þess óskað. Hlutverk þeirra er að yfirfara bókhald félagsins.

7. grein.
Skylt er stjórn að boða til almenns félagsfundar ef 10 félagsmenn eða fleiri krefjast þess skriflega. Boði stjórnin ekki slíkan fund innan tveggja vikna frá því henni barst krafan, geta þeir sem fundar óska boðað til hans.

8. grein.
Stjórn félagsins kemur fram fyrir hönd þess milli aðalfunda og ræður málefnum þess með þeim takmörkunum sem lög þessi setja. Stjórnin mótar starfsemi félagsins milli aðalfunda og ber ábyrgð á fjárreiðum þess. Samþykki aðalfundar þarf þó fyrir ráðstöfun fasteigna svo og fyrir fjárskuldbindingum og ráðstöfun lausafjármuna sem nema hærri upphæðum en árgjöldum yfirstandandi árs. Slíkar fjárbeiðnir skulu berast stjórn minnst einum mánuði fyrir aðalfund.
Milli aðalfunda getur stjórn boðað til sérstaks félagsfundar til að fá samþykki fyrir ráðstöfun lausafjármuna að hærri upphæðum. Til slíks fundar skal boðað á sama hátt og aðalfundi til aðalfundar. Á þeim fundi hafa allir félagar jafnan atkvæðisrétt.

9. grein.
Innan félagsins og undir handleiðslu stjórnar starfa átta fastanefndir:
1. Ritnefnd. Hlutverk hennar er að sjá um útgáfu fréttabréfs og miðla upplýsingum til félagsmanna. Kjósa skal 5 menn í hana.
2. Skálanefnd. Hlutverk hennar er að hafa umsjón með skála félagsins s.s. byggingu, viðhaldi, rekstri og útleigu. Kjósa skal 5 menn í hana.
3. Tækninefnd. Hlutverk hennar er að fylgjast með tækninýjungum varðandi búnað fjórhjóladrifsbifreiða og miðla þeim upplýsingum til félagsmanna. Einnig að ná samvinnu við viðkomandi yfirvöld um gerð reglugerða fyrir fjórhjóladrifsbifreiðir. Kjósa skal 5 menn í hana.
4. Hjálparsveit Ferðaklúbbsins 4×4. Hlutverk hennar er að vera félagsmönnum innan handar, lendi þeir í vandræðum með farartæki sín og þurfi aðstoðar við. Nefndin standi fyrir námskeiðahaldi og almennri fræðslu í samráði við stjórn. Kjósa skal 5 menn í hana.
5. Umhverfisnefnd. Hlutverk hennar er að sjá um tengsl við hlutaðeigandi yfirvöld og samtök ásamt kynningu og fræðslu í umhverfismálum. Kjósa skal 5 menn í hana.
6. Litla nefndin. Hlutverk nefndarinnar er að sinna ferðalögum og kynningarstarfi fyrir eigendur minna breyttra jeppa og skipuleggja ferðir sem henta þeim sem og öðrum félagsmönnum. Kjósa skal 5 menn í hana.
7. Fjarskiptanefnd. Hlutverk fjarskiptanefndar er að fylgjast með þróun og valkostum í fjarskiptamálum, og að miðla upplýsingum það að lútandi til félagsmanna. Ennfremur sér nefndin um skráningu fjarskiptarása í nafni klúbbsins og rekstur endurvarpa klúbbsins. Kjósa skal fimm menn í fjarskiptanefnd.
8. Vefnefnd. Hlutverk vefnefndar er umsjón með vef klúbbsins. Í því felst meðal annars:
a. Tæknilegur rekstur vefsins svo sem skráning á lénum, samskipti við hýsingaraðila, val á forritum og eftir atvikum, umsjón með aðlögun og smíði forrita.
b. Daglegur rekstur og ritstjórn síðunnar.
c. Aðstoð við stjórn, deildir, nefndir og aðra félagsmenn við að setja inn og viðhalda efni síðunnar.
d. Aðstoð við stjórn við umsjón með félagatali klúbbsins
e. Aðstoð við skráningu í ferðir sem farnar eru á vegum klúbbsins.
Kjósa skal fimm menn í vefnefnd. Stærri ákvarðanir varðandi tölvu- og hugbúnaðarmál klúbbsins skulu teknar í samráði við stjórn klúbbsins.

Kosning í ofangreindar nefndir skal vera til tveggja ára. Annað hvert ár skulu kosnir tveir í fimm manna nefndirnar, en hitt árið þrír.

10. grein.
Stjórn félagsins er heimilt að stofna til annarra nefnda en taldar eru í 9.gr. og jafnframt að fela fastanefndum sérstök verkefni önnur en þar er tilgreint. Allar nefndir skulu kjósa sér formann. Hætti kosinn nefndarmaður störfum í nefnd þá tilnefni þeir sem eftir sitja í nefndinni varamann í hans stað.

11. grein
Landsfundur skal haldinn ár hvert og þar hafa seturétt allir stjórnar- og nefndarmenn félagsins, svo og stjórnarmenn landsbyggðardeilda eða aðrir þeir fulltrúar sem stjórnir vilja senda í þeirra stað. Samþykktir landsfundar skulu vera stefnumótandi fyrir félagið. Milli landsfunda starfar landsráð, sem í eru formaður félagsins og formenn deildanna. Landsráð er stjórn til ráðuneytis.

III. KAFLI.
Réttindi og skyldur félagsmanna.

12. grein.
Félagi getur hver sá orðið sem áhuga hefur á markmiðum félagsins.

13. grein.
Stjórn félagsins er heimilt að standa í vegi fyrir því að einstakir aðilar fái aðild að félaginu og að vísa félagsmanni úr félaginu, ef sýnt þykir eða sannað að framkoma viðkomandi samræmist ekki markmiðum félagsins. Sé manni meinuð aðild að félaginu getur hann borið mál sitt undir almennan félagsfund.

14. grein.
Stjórn félagsins getur mælt með kjöri til heiðursfélaga þá, sem leyst hafa af hendi mikilsverð störf eða unnið sérstaklega mikið fyrir félagið. Kjör heiðursfélaga skal staðfest af aðalfundi.

15. grein.
Félagsgjald skal ákveða á aðalfundi ár hvert og skal það greitt í upphafi hvers starfsárs. Reikningsár félagsins er frá 1. maí til 30. apríl næsta árs. Sé félagsgjald ekki greitt fyrir 1. desember ár hvert missir félagi atkvæðisrétt í málefnum félagsins, uns hann hefur gert full skil. Hafi félagsgjald ekki verið greitt í heilt starfsár fellur félagi af félagaskrá, nema hann óski eftir áframhaldandi aðild að félaginu með þeim réttindum og skyldum sem því fylgja.

16. grein.
Fjármunum félagsins skal eingöngu varið til starfsemi þess og til málefna tengdum hagsmunum þess.

IV. KAFLI.
Landsbyggðardeildir.

17. grein.
Félagsmönnum sem búa fjarri aðsetri félagsins er heimilt að stofna landsbyggðardeild innan félagsins samkvæmt nánara samkomulagi við stjórn þess. Stofnun deildarinnar skal staðfest á næsta aðalfundi þar á eftir.

18. grein.
Landsbyggðardeild hefur sjálfstætt og aðskilið bókhald og fjárhald frá félaginu og getur því ekki skuldbundið félagið fjárhagslega og gagnkvæmt. Deildir skulu skila stjórn ársreikningi og fundargerð aðalfundar landsbyggðadeildar í síðasta lagi mánuði eftir aðalfund. Hluti af árgjaldi landsbyggðardeilda fellur til félagsins og skal hann ekki vera hærri en sem nemur fjórðungi félagsgjalda félagsins.
Landsbyggðardeild getur ekki komið fram fyrir hönd félagsins opinberlega, nema að fengnu samþykki stjórnar félagsins.

19. grein.
Öllum félögum er heimill aðgangur að almennum fundum, sem félagið í Reykjavík eða landsbyggðardeildir gangast fyrir. Þeir hafa málfrelsi og tillögurétt á þessum fundum, en eingöngu atkvæðisrétt hjá sinni heimadeild.
Allir félagar hafa jafnan atkvæðisrétt á aðalfundi félagsins.

20. grein.
Landsbyggðadeildir skulu kjósa sér minnst þriggja manna stjórnir og minnst einn skoðunarmann með bundinni kosningu.

21. grein.
Stjórn landsbyggðardeildar ræður málefnum hennar með þeim takmörkunum sem lög þessi setja. Hún mótar nánar starfssemi deildar og ber ábyrgð á fjárreiðum hennar. Fjármunum deilda skal aðeins varið til starfssemi þeirra og til málefna tengdum hagsmunum þeirra.

22. grein.
Landsbyggðardeild sem staðfest hefur verið á aðalfundi sbr. 16.gr. verður því aðeins slitið að boðaður hafi verið félagsfundur í henni með a.m.k. 7 daga fyrirvara með sannanlegu fundarboði til allra félagsmanna viðkomandi deildar svo og aðalstjórnar félagsins, þar sem slit deildar er á dagskrá. Til að tillaga um slit deildar nái fram að ganga þarf samþykki 2/3 fundarmanna. Fulltrúa aðalstjórnar skal heimilt að sitja fundinn og taka til máls en hann hefur þar ekki atkvæðisrétt. Fráfarandi stjórn landsbyggðardeildar skal tilkynna félaginu um slit félagsdeildar innan 7 sólahringa frá því ákvörðun var tekin á fundi.

23. grein.
Hafi engin starfsemi verið í landsbyggðardeild um 12 mánaða skeið skal stjórn félagsins boða fund í viðkomandi deild. Á dagskrá fundarins skal vera að kjósa nýja stjórn, eða slíta deildinni að öðrum kosti. Um boðun fundarins gilda sömu reglur og um boðun aðalfundar.

24. grein.
Sé landsbyggðardeild slitið skal stjórn félagsins taka við umjá eigna hennar, ef einhverjar eru. Halda skal þeim aðgreindum frá öðrum eignum félagsins næstu 3 árin og ef deildin er endurreist innan þess tíma skal hin endurreista deild taka við þeim aftur. Hafi slíkt ekki gerst innan þessara þriggja ára renna eigur deildarinnar í sjóði félagsins

V. KAFLI.
Lokaákvæði.

25. grein.
Breytingar á lögum þessum má eingöngu gera á aðalfundi. Tillögur að lagabreytingum þurfa að hafa borist stjórn félagsins í síðasta lagi 15. apríl og skulu þær kynntar í aðalfundarboði. Til lagabreytinga þarf 2/3 hluta greiddra atkvæða og telja auð atkvæði með í fjölda greiddra atkvæða.

26. grein.
Félaginu verður því aðeins slitið, að félagsslitin séu samþykkt á sama hátt og gildir fyrir lagabreytingar. Þegar um er að ræða félagsslit geta 25 félagsmenn eða 1/3 fundarmanna krafist leynilegrar, skiflegrar allsherjar atkvæðagreiðslu í félaginu og skal þá sérlega kjörinni kjörstjórn falið að sjá um slíka allsherjar atkvæðagreiðslu. Félagsslitafundur tekur ákvörðun um ráðstöfun eigna félagsins.

(Síðast breytt aðalfundi 23. maí 2006)

7. Tillögur um lagabreytingar frá stjórn, nefndum eða félagsmönnum
LÖG FERÐAKLÚBBSINS 4×4

Breytingatillögur á Aðalfundi 2007-04-24

Feitletraður texti er nýr texti í grein
(Skáletrað innan sviga er texti sem fellur burt)

Núverandi lög má finna á heimasíðu 4×4

4. grein.
Rétt boðaðir boðaður aðalfundur er löglegur, án tillits til fundarsóknar. Afl atkvæða ræður úrslitum mála nema þar sem annars er getið í lögum þessum.
Stjórn hefur heimild til að boða til auka aðalfundar ef þörf krefur og gildir þá um hann sömu reglur og um aðalfund sé að ræða
( breytingatillagan samþykkt með 56 atkvæðum, enginn á móti )

5. grein.
Stjórn félagsins skal skipuð fimm mönnum, formanni, ritara, gjaldkera, og tveim meðstjórnendum. Ár hvert skal formaður kosinn sérstaklega til eins árs. Auk þess skulu kosnir tveir meðstjórnendur til tveggja ára. Kjósa skal einn varamann fyrir hverja tvo meðstjórnendur sem kosnir eru á sama aðalfundi. Kosningar skulu vera skriflegar sé þess óskað. Meðstjórnendur verða þeir tveir sem flest atkvæði hljóta. Varamaður er kosinn sérstaklega.
Forfallist formaður skal ritari taka sæti hans, en að öðru leiti skiptir stjórnin með sér verkum. (Formaður getur boðað varamenn á stjórnarfundi, þegar þess er talin þörf.)
Varamenn hafa sama rétt til setu á fundum og aðgengis að gögnum og aðrir stjórnarmenn en hafa ekki atkvæðisrétt á fundum nema í forföllum aðalmanns.
.( Samþykkt með 57 atkvæðum gegn engu ).

7. grein.
Skylt er stjórn að boða til almenns félagsfundar ef (10) 2 % félagsmanna eða fleiri krefjast þess skriflega. Boði stjórnin ekki slíkan fund innan tveggja vikna frá því henni barst krafan, geta þeir sem fundar óska boðað til hans.
( Samþykkt með 52 atkvæð gegn einu )

8. grein.
Stjórn félagsins kemur fram fyrir hönd þess milli aðalfunda og ræður málefnum þess með þeim takmörkunum sem lög þessi setja. Stjórnin mótar starfsemi félagsins milli aðalfunda og ber ábyrgð á fjárreiðum þess. Samþykki aðalfundar þarf þó fyrir ráðstöfun fasteigna svo og fyrir fjárskuldbindingum og ráðstöfun lausafjármuna sem nema hærri upphæðum en árgjöldum yfirstandandi árs. Slíkar fjárbeiðnir skulu berast stjórn minnst einum mánuði fyrir aðalfund.
Milli aðalfunda getur stjórn boðað til (sérstaks félagsfundar) auka aðalfundar til að fá samþykki fyrir ráðstöfun lausafjármuna að hærri upphæðum. Til slíks fundar skal boðað á sama hátt og til aðalfundar. Á þeim fundi hafa allir félagar jafnan atkvæðisrétt.
( Samþykkir 48 atkvæðum gegn 2 mótatkvæðum )

12. grein.
Félagi getur hver sá orðið sem áhuga hefur á markmiðum félagsins.
Inntökubeiðni skal vera skrifleg og send stjórn félagsins.
Sæki félagi um flutning á milli deilda skal það tilkynnt skriflega til stjónar og tekur flutningurinn gildi við upphaf næsta starfsárs.
Hver félagi getur skráð einn aukafélaga án sérstakrar greiðsu fyrir hann. Aukafélagi getur verið maki félagsmanns eða börn hans á aldrinum 18 – 20 ára. Óski félagsmaður eftir að skrá fleiri en einn aukafélaga, skal þá greiða 50 % félagsgjald fyrir hvern aukafélaga umfram einn. Aukafélagar hafa sömu réttindi og skyldur og aðalfélagar að því undanskyldu að þeir deila póstsendingum frá klúbbnum með aðalfélaga. Aðal og aukafélögum úr sömu fjölskyldu er óheimilt að sitja saman í stjórn eða og í einstökum nefndum móðurfélagsins.
.
( Samþykkt með 40 atkvæðum gegn 5 )

13. grein.
Stjórn (Félagsins) Ferðaklúbbsins 4×4 hefur ein heimild til að standa í vegi fyrir því að einstakir aðilar fái aðild að félaginu og að vísa félagsmanni úr félaginu, ef sýnt þykir eða sannað að framkoma viðkomandi samræmist ekki markmiðum félagsins. Sé manni meinuð aðild að félaginu getur hann borið mál sitt undir (almennan félagsfund) aðalfund Ferðaklúbbsins 4X4 og hefur hann einn rétt til að breyta ákvörðun stjórna
( Samþykkt með 42 atkvæðum gegn engu )

15. grein.
Reikningsár félagsins er frá 1. janúar til 31. desember ár hvert
Félagsgjald skal ákveða á aðalfundi ár hvert. (Reikningsár félagsins er frá 1. maí til 30. apríl næsta árs) Gjalddagi félagsgjalda er 1. desember ár hvert og eindagi 31. janúar. Sé félagsgjald ekki greitt (fyrir 1. desember ár hvert) á eindaga missir félagi atkvæðisrétt í málefnum félagsins, uns hann hefur gert full skil. Hafi félagsgjald ekki verið greitt í heilt starfsár fellur félagi af félagaskrá, nema hann óski eftir áframhaldandi aðild að félaginu með þeim réttindum og skyldum sem því fylgja.
Þeir félagsmenn sem náð hafa 67 ára aldri og verið skráðir félagsmenn í fimm ár þar á undan fá fría aðild að klúbbnum.
( samþykkt með 45 atkvæðum gegn engu )

18. grein.
Landsbyggðardeild fær ¾ hluta félagsgjalds sinna félagsmanna til ráðstöfunar, skrifstofa Ferðaklúbbsins 4×4 sér um innheimtu félagsgjalda landsbyggðadeilda. Landsbyggðardeildir hafa (hefur) sjálfstætt og aðskilið bókhald og fjárhald frá félaginu að öðru leiti og getur því ekki skuldbundið félagið fjárhagslega og gagnkvæmt. Deildir skulu skila stjórn ársreikningi og fundargerð aðalfundar landsbyggðadeildar í síðasta lagi mánuði eftir aðalfund. (Hluti af árgjaldi landsbyggðardeilda fellur til félagsins og skal hann ekki vera hærri en sem nemur fjórðungi félagsgjalda félagsins.)
Landsbyggðardeild getur ekki komið fram fyrir hönd félagsins opinberlega, nema að fengnu samþykki stjórnar félagsins.
( samþykkt með 37 atkvæðum gegn engu )
Lagabreytingartillaga frá Helenu Sigurbergsdóttur.
Tillagan var dregin til baka, verður birt síðar

19. grein.
Öllum félögum er heimill aðgangur að almennum fundum, hvar sem er á landinu. Þeir hafa málfrelsi og tillögurétt á þessum fundum, en eingöngu atkvæðisrétt hjá sinni heimadeild.
(Allir félagar hafa jafnan atkvæðisrétt á aðalfundi félagsins.)
( Samþykkt með 54 atkvæðum gegn engu )

20. grein.
Landsbyggðadeildir skulu kjósa sér minnst þriggja manna stjórnir og minnst einn skoðunarmann með bundinni kosningu. Formann skal kjósa sérstaklega til eins árs í senn en aðrir skulu kosnir til tveggja ára.
( Samþykkir með 52 atkvæðum gegn engu )

Löginn síðan borinn upp í heild sinni. Samþykkt með 53 atkvæðum gegn engu.

8. Kjör stjórnar, varamann og fastanefnda
Kjör formanns
Agnes Karen Sigurðardóttir kjörinn formaður einróma til eins árs.

STJÓRN

Formaður Agnes K Sigurðardóttir
Meðstjórnandi Jón G Snæland
Meðstjórnandi Þorgeir Egilsson
Meðstjórnandi Tryggvi R Jónsson
Meðstjórnandi Barbara Ósk Ólafsdóttir
Varamaður Eyþór Guðnason
Varamaður Óskar Erlingsson

Í framboði voru
Til formans Agnes K sigurðardóttir
Til meðstjórnenda laus sæti 2
Barbara Ósk Ólafsdóttir 42 atk
Tryggvi R Jónsson 37 atk
Jón Viðar Guðmundsson 16 atk
Til varamanna
Eyþór Guðnason sjálfkjörinn
Óskar Erlingsson sjálfkjörinn

VEFNEFND

Hafsteinn Þór Hafsteinsson
Ólafur Magnússon
Fjölnir Björgvinsson
Bjarni Gunnarsson
Ásgeir Sigurðsson
( sjálfkjörið )

UMHVERFISNEFND

Skúli H Skúlason
Dagur Bragason
Vilhjálmur Freyr Jónsson
Magnús Guðmundsson
Jóhann Björgvinsson
( sjálfkjörið )

TÆKNINEFND

Einar Kjartansson
Marteinn Unnar Heiðarsson
Páll Arnarsson
Magnús Sigurðsson
Gísli þór Þorkelsson

Í framboði voru:
Laus sæti 2
Gísli Þór Þorkelsson 47 atk
Einar Sólonsson 20 atk
Magnús Sigurðsson 32 atk

HJÁLPARSVEIT

Helena Sigurbergsdóttir
Lárus Rafn Halldórsson
Bjarki Þór Clausen
Georg Steindórsson
Heimir Morthens
( sjálfkjörið )

FJARSKIPTANEFND

Kjartan Gunnsteinsson
Hlynur Snæland Lárusson
Jóhannes Jónsson
Sigmundur Sæmundsson
Snorri Ingimarsson
( sjálfkjörið )

RITNEFND

Halldóra Ingvarsdóttir
Guðrún Rut Gunnlaugsdóttir
Sólveig Ásgeirsdóttir
Einar Sólonsson
Sigurður Ásmundsson
( sjálfkjörið )

SKÁLANEFND

Kári Þórisson
Daniel Hartmans
Magnús Tómasson
Sveinbjörn Ingi Þorkelsson
Hermann Þór Jónsson

Í framboði voru
Laus sæti 3
Magnús Tómasson 29
Sveinbjörn Ingi Þorkelsson 41
Hermann Þór Jónsson 45
Þorbjörn Gerðar 14

LITLANEFND

Kristinn Friðjónsson
Hrafnhildur G. Stefánsdóttir
Dav

Hér kemur sama fundargerðin á "pdf" formi aðeins læsilegri.
Aðalfundur f4x4 2007, [url=http://www.f4x4.is/new/files/archive/Adalfundur_4x4_2007.pdf:3lkcy8wv][b:3lkcy8wv]fundargerð[/b:3lkcy8wv][/url:3lkcy8wv]
*** "pdf" skjal tekið út vegna villu sem í því var, það verður birt aftur þegar búið er að rýna það. -8.5.2007. *** Uppfært 14.5.2007***

ÓE

Skemmtilegar myndir hjá þér stef (bara verst að þú hafir náð nokkrum af mér:S) en já frábært kvöld (þótt ótrúlegt en satt að ég var bláedrú) en þetta var flott í alla staði en um þetta bannaða "myndefni" þá vil ég minna þig á að rætt var um ritskoðun fyrst af aðila sem átti í hlut í þessu "myndskeiði" og skulum við ekki koma honum alveg strax í bobba þar sem "aðilinn" á eftir að gera góða hluti fyrir klúbbinn næstu ár!! svo getum við rætt um sýningu þessa "hlutar":D

en já frábært kvöld og bara helgin öll frá fimt til sunnud að mínu mati og vil ég endilega að reynt verði að vekja upp "kakó" kvöld eins og tíðkaðist hér áður fyrr

Kv Davíð Karl R-2856 sem lagði af stað heim úr mörkinni kl 10 og komst heim á slaginu 02,00 en var þess virði

og já Vala skilar kveðju og þakkar fyrir sig