This topic contains 4 replies, has 1 voice, and was last updated by 
-
Topic
-
Sælir félagar.
Nú er aðalfundurinn nk. mánudag á Hótel Loftleiðum kl. 20.00. Ég vil hér með hvetja alla þá sem hafa hug á að bjóða fram krafta sína í þágu okkar ágæta félags til að mæta og gefa kost á sér, bæði í nefnda- og stjórnarstörf. Ferðaklúbburinn 4×4 er gríðarlega virkur og skemmtilegur félagsskapur sem samanstendur af allskonar fólki sem gaman er að vinna með.
Í störfum mínum fyrir félagið hef ég kynnst fullt af stórskemmtilegu fólki og get hiklaust mælt með því að starfa í þágu félagsins.
Mig langar til gamans að varpa því fram til félagsmanna hvort það er ekki eitthvað sem þeir vildu sjá rætt undir liðnum „önnur mál“ á fundinum. Endilega veltið upp hugmyndum í þessu efni, enda er allt annað á fundinum meira og minna niður njörfað skv. lögum félagsins.
Ferðakveðja,
BÞV
E.s. Til gamans má geta þess að engar tillögur að lagabreytingum liggja fyrir og búið er að panta skúffuköku og gulrótarköku með kaffinu í hléinu „, …
-
Replies
-
Sæll BÞV,,hálf "spúkí" með þig þú dettur alltaf inn um miðjar nætur :o)
En að alvöru málsins, hvernig væri lífleg umræða um að byggja nýjan skála, skála ekki allt of langt frá suðvesur-horninu, skáli sem er ekki of stór, skáli sem er staðsettur á þannig stað að keyra megi út frá í t.d. dagsferðir ofl.
Þó svo að ég persónulega hafi ekki komið mikið við sögu eða gert nokkurn skapaðan hlut fyrir 4×4 þá mundi ég ætla að með umræðu, undirbúningi og framkvæmd á nýju mannvirki muni efla þá sem yngri eru í 4×4 og eða nýkomnir í félagskapinn með því að takast á við slíkt verkefni eða sambærilegt…byggja sér sína eigin "Perlu" við fjallsrætur.
Mig langar einnig að koma að öðru máli:
Gætu félagsmenn 4×4 átt hagsmuni að gæta ef félagið skoðaði möguleika á að leigja eða kaupa húsnaæði undir félagskap okkar, ekki endilega sem fundarsal, heldur líka sem aðstöðu fyrir ýmsa sem hana vantar og mætti leigja út td. pr klukkutíma ?
Mig langar einnig að koma að þriðja máli:
Það þarf að fá á hreint varðandi léleg skil á skálagjöldum.
Salutations
Jon
Sæll Jón.
Þessi umræða hefur komið upp áður, þ.e. með að koma upp nýjum skála. Flestir eru á því að nýr skáli ætti alls ekki að vera of stór, heldur temmilega lítill (kannski í stíl við sumarbústað) og yrði jafnvel leigður út í heilu lagi (þ.e. að maður tæki hann allan prívat, fyrir sig og sína).
Árið 1998 sóttum við um að fá að byggja skála við Hágöngur en því var hafnað. Okkur var í staðinn boðið að fóstra Versali, en engin stemmning var fyrir því. Nú er verið að kanna með að fá að byggja skála í Landmannalaugum eða Landmannahelli, en það er í frumathugun.
Það er alveg rétt, það myndi örugglega þjappa félögum saman að takast á við svona verkefni, en þó er þessi umræða að fara af stað aftur, þar sem menn höfnuðu því að byggja fleiri skála þegar stefnumótunarvinnan var í gangi fyrir nokkum árum.
Þetta með aðstöðu, bæði fundaaðstöðu og einnig aðstöðu til bílaviðgerða og -þvotta hefur komið til tals áður. Menn hafa alltaf strandað þessari hugmynd á því að þetta verður svo miklu dýrara en hægt verður að standa undir. Menn eru ekki til í að borga það sem þarf til að klúbburinn sé ekki að leggja til stórfé með svona úthaldi.
Það sést enda á því sem þú nefnir réttilega varðandi skálagjöldin. Þau innheimtast illa, meira að segja finna menn sig í því að sleppa að greiða 500 kallinn, eða prútta um hann ef nokkrir eru saman í hóp. Ótrúlegt mál, en nú er skálanefndin að vinna í því að hækka skálagjöldin og koma skikki á innheimtu þeirra.
Sjáumst hressir á aðalfundinum sem verður í sama sal og síðasti fundur á Loftleiðum (til hægri við aðalinnganginn)
Ferðakveðja,
BÞV
Hæ,
Hva! þögn ?
Anonymous- Umræður: 0
- Svör: 16404
Fyrir skömmu sýndi skoðanakönnun á heimasíðu 4×4 að flestir félagsmenn vildu annað hvort taka skála í fóstur eða byggja nýjan. Fæstum þótti duga að búa við Setrið, Árbúðir og landsdeilda-skálana.
Þetta þótti mér dálítið skrítin niðurstaða í ljósi umræðu á svipuðum tíma um lélegar heimtur á skálagjöldum og ?dularfulla? rýrnun á gasi og olíu úr skálum félagsins.
BÞV segir skálanefnd vera að vinna í því að koma skikki á innheimtu skálagjalda og er vonandi að það gangi eftir.
Jón leggur raunar einnig áherslu á þetta atriði.En áður en skálum fjölgar þætti mér ráðlegra að sjá hver raunin verður.
Fyrr en lag er komið á er tæpast ráðlegt að efna til frekari fjárhagslegra skuldbindinga.Gagnlegt væri að fá upplýsingar um nýtingu núverandi skála á vegum 4×4 og aðgengi að öðrum skálum.
Þessi viðhorf koma nokkuð seint til umfjöllunar með hliðsjón af aðalfundi; en flakka samt !
You must be logged in to reply to this topic.