This topic contains 9 replies, has 1 voice, and was last updated by 
-
Topic
-
Sælir félagar greiddra félagsgjalda. Nú er að koma að aðalfundi og til að kjósa í nefndir. Ég var á síðasta aðalfundi og fanst mér skrítið hvernig var kosið í nefndir. Stjórnarmenn voru kostnir ekki á fundinnum heldur voru menn búnir að ákveða hverjir ættu að vera í stjórn félagsins löngu áður okkur var bara sagt það á fundinum (ekki að ég sé á móti stjórnini síður en svo)og allir klappa húrra. Ég man hér á árum áður þá buðu menn sig framm á fundinum og sögðu hver þeir væru og hvað þeir ætluðu að gera eða vildu alla vegana gera. Á síðasta fundi var okkur félagsmönnum bara sagt nöfnin á stjórnarmönnum enginn sagði hvað hann (hún) vildi gera eða breyta. Eins var um flestar nefndir búið að ákveða fyrirfram nefndarmenn.Ætti ekki að velja í nefndir á aðalfundi og menn gætu boðið sig framm í nefndir og stjórn félagsins svo maður viti hvað maður er að kjósa.
Eyþór R-397
-
Replies
-
Ég hef verið á aðalfundi þar sem ekki var búið að plana neitt eða allaveg lítið um hverjir ættu að fara í stjórn og nefndir. Þetta var vægst sagt ekki sniðugt og var fundastjóri í vandræðum með að pína menn í stjórn og nefndir, stingandi upp á hinum og þessum út í sal við vægast sagt mis góðar undirtektir hjá þeim sem lentu í því.
Núna þegar f4x4 er trúlega orðin einn af stærstu ferða/útivistarklúbbum í landinu er mikilvægt að það sé vel mannað í nefndir, stjórn og formanssætið verður að vera vel valið, enda virðist f4x4 verða sífelt meira áberandi í fjölmiðlum og eins erum við orðin þrýstihópur sem vill hafa áhrif á hluti sem okkur varðar í þjófélaginu.
Það væri ekki vitlaus hugmynd að setja saman uppstillinganefnd sem kannaði hverjir væru tilbúnir að taka að sér nefndar og stjórnurstörf fyrir f4x4, eða að þeir félagar sem hafa áhuga á að starfa fyrir klúbbinn gefi einfaldlega kost á sér með góðum fyrirvara svo félagar í klúbbnum geti myndað sér skoðun á þeim og þeirra skoðunum.
Núna verður kosin nýr formaður og ég hugsa að stjórn verði að "plotta" eitthvað og tala við fólk hvort það hafi áhuga á að taka við formanssætinu, svo ekki verði neinn sem lendir í því að verða "svarti Pétur" á aðalfundinum.
Núna er bara að auglýsa eftir góðum mönnum í stjórn og nefndir fyrir aðalfundinn.
Hlynur
Ég vil bæta við að félagi minn fór og talaði við stjórn félagsins og vildi gefa kost á sér í stjórn en honum var sagt að það væri búið að raða í stjórnarsæti nú þegar.Ef svo er þá höfum við félagsmenn lítið sem ekkert að segja um hver er í stjórn. Ég er hlynntur því að það ætti að auglýsa hér á netinu eftir framboðs aðilum í stjórn og nefndir. Og þeir aðilar segja afhverju þeir ættu að vera í stjórn félagsins og hvað þeir vilja gera.
Eyþór-397
Það er ekkert búið að "plana" hverjir eiga að vera í stjórn, eingöngu þreifingar um hverjir vilja bjóða sig fram svo að við stöndum ekki eins og aular á aðalfundi og þurfum að pína fólk í stjórn! Við fögnum öllum framboðum, enda langbest að lýðræðið fái að ráða og félagar fái að kjósa sér stjórn. Rússnesk kosning eins og síðast var ekki að vilja stjórnar, heldur lágu engin önnur framboð fyrir. Það er með þennan klúbb eins og svo marga aðra, það þarf yfirleitt að draga menn með glóandi töngum í stjórn og nefndir.
Ég vona því að félagi þinn bjóði sig fram á aðalfundi! Og fleiri, því það sýnir að það er líf ekki bara hérna á vefsíðunni og í fjallaskálunum, heldur í almennu félagsstarfi líka.
Kveðja
Soffía
Það er ekkert sem bannar mönnum að gefa kost á sér í stjórn eða nefndir á aðalfundi. Ég man eftir kosningum á aðalfundi, m.a. í skálanefnd, ef ég man rétt.
Fyrir nokkru síðan auglýsti ég her á spjallinu eftir mönnum sem hefðu áhuga á að starfa í umhverfisnefnd. Sú auglýsing bar árangur.
Nú virðist ganga betur en oft áður, að finna menn til að gefa kost á sér í störf fyrir klúbbinn, það er sannarlega ánægulegt. Síðast þegar ég vissi, var þó enn verið að leita að fólki í ritnefnd Setursins.-Einar
Já það er rétt, það vantar 3 aðila í ritnefnd.
Voða voða gaman að vera þar
Þeir sem hafa áhuga endilega hafið samband við okkur í síma eða ritnefnd@f4x4.is
kv Helena
…ef ég man rétt þá vantar líka í skálanefnd og tækninefnd auk þess sem nefndir sem skipaðar eru af stjórn þurfa aukafólk.
Það eru einnig fjórar stjórnarstöður sem losna núna, formaður, gjaldkeri, meðstjórnandi og varamaður.
Þetta er mjög skemmtilegt og maður kynnist alveg helling af nýju fólki. Ég var t.d. i ritnefnd (2svar) og hafði mjög gaman af. Ég hvet því alla áhugasama að setja sig í samband við stjórn og bjóða sig fram í félagsstarfið.
kveðja
Soffía
Ég vil benda félaga Eyþóri á að í seinasta Setri auglýstum við eftir fólki í stjórn og nefndir. Einnig á seinasta félagsfundi og á heimasíðunni. Við þessu komu engin viðbrögð.
Við gerðum þetta áður en að við fórum á stúfana til að finna fólk í þessi embætti.
Töldum við að með þessum hætti væri lýðræðið haft í heiðri.Kv. Kjartan
Vil benda félaga Kjartani á að ég sendi honum e-mail síðastliðið haust, þar sém ég bauð fram vinnukrafta mína í þágu félagsins.
Þá skipti það mig engu hvort titill fylgdi starfinu eður ei.
Hann hefur hins vegar ekki þegið þetta kosta boð, og er ekki laust við dulitla höfnunartilfinningu (langt orð)hjá mér.
Jæja hvað um það, þetta boð stendur ennþá, og á meðan ég er í þessu félagi.Bestu Skagakveðjur
Þröstur G
Anonymous- Umræður: 0
- Svör: 16404
Tek undir hvatningu til félagsmanna að bjóða sig fram til starfa fyrir klúbbinn á aðalfundinum og örugglega mjög gott að tilkynna stjórn fyrirfram um væntanlegt framboð. Það minnkar streð þeirra við að tryggja að það komi örugglega framboð i öll störf. Sérstaklega vil ég þó hvetja yngri félagsmenn til að gefa kost á sér, þá er ég bæði með í huga lífaldur og út frá árafjölda í félaginu. Það er besta leiðin til að komast inn í starfið og kynnast fólki. Auk þess held ég að það sé fínt fyrir klúbbinn að fá þá sem eru nýír í sportinu og ungir og ferskir.
Kv – Skúli
You must be logged in to reply to this topic.