This topic contains 23 replies, has 1 voice, and was last updated by 
-
Topic
-
Ég vil taka eitt fram svo að það sé á hreinu. Ég er ekki að skrifa þennan póst til að varpa skugga á þann aðila sem seldi mér minn núverandi jeppa og/eða saka seljand um eitthvað svindl. Mig langar bara aðeins að lista upp hvað ég er búinn að gera fyrir jeppann minn og kannski gefa þeim sem eru í þeim pælingum að fjárfesta í fjallabíl smá hugmynd um það sem fylgir því að kaupa notaðann jeppa. Því fyrr eða síðar kemur að viðhaldi og listinn hér að neðan er það sem ég er búinn að skipta um.
Fyrir um ári síðan keypti ég mér 1 stykki jepp, Patrol 1994 árgerð. Búið var að taka vél og túrbínu í gegn með öllu sem því tilheyrir. Bíllinn var á 38 dekkjum og hann var semi 44 breyttur. Síðastliðið haust fór ég svo alla leið með bílinn og lét klára 44 breytinguna.
Framdrif og annar búnaður að framan
– Nýir öxlar
– Ný nöf
– Nýjar driflegur
– Ný hlutföll
– Nýjar hjólalegur
– Ný stífugúmmí
– Nýr stýrisdempari
– Nýjar Ægislokur
– Nýir legustútar
– Nýir bremsudiskar
– Nýir bremsuklossar
Afturdrif og annar búnaður í afturhásingu
– Nýjar pakkdósir að innan
– Nýr loftlás
– Nýir bremsuklossar
– Skipt um bolta og rær fyrir hjöruliðinn og drifskaftið
– Skipt um bolta fyrir bremsudælur
– Stífur og festingar soðnar upp á nýtt og hásingin styrkt
Body
– Ný frambretti
– Nýir brettakanntar
– Afturbretti tekin í gegn og ryðvarin upp á nýtt
– Nýir 44 brettakantar
– Mála frambretti
– Mála afturbretti
– Mála brettakanta
– Soðið í sílsa að aftan og ryðvarið
– Málaðir sílsar
Skraut, glíngur og annar búnaður
– Xenon-HID perur í aðalljós
– 6 vinnuljós
– 2 nýir 100W Bosch kastarar að framan
– 2 Gulir IPF kastarar að framan teknir í gegn og gerðir upp
– 2 gul fiskiaugu í stuðara
– Fini loftdæla
– 44 dekk
– Nýjar 18 breiðar felgur með Beadlock frá Renniverkstæði Ægis
– Box á toppinn
– Merkt húddhlíf með heiti bílsins
Þetta er svona það sem ég man í fljótu bragði hvað ég er búinn að gera fyrir bílinn. Núna sé ég líka fram á að vera með bíl í topp standi sem kemur til með að svínvirka næstu árin, tala nú ekki um þegar að lóló verður komið í næsta vetur. Maður verður að hafa einhvern draum til að eltast við.
Kveðja
Einar sem er alveg að verða búinn með bílinn
-
Replies
-
Jæja, það er nokkuð ljóst að ef ég hefði verið að spá í að kaupa minn fyrsta bíl núna og séð þessa upptalningu þá hefði ég líklega skoðað betur í veskið mitt og hætt við allt saman. Jahérna, það er alveg með ólíkindum að við kaupminna fólkið komumst yfirhöfuð á fjöll svona "ones in a while"
Svona af því að ég skil skrifin þín þannig að þú sért að vara fólk við sem er að spá í að kaupa sér notaðan jeppa. Þetta virkar algjörlega dauðadæmt nema fyrir þá sem geta keypt nýja krúsera og látið breyta þeim.
Kv. Barbarasemferáfjöllþóhúnséskítblönk. hver þarf svosem að borða alla daga vikunnar? 😉
Þú ert með 13 ára gamlan bíl! Yfir hverju ertu að kvarta? Ef þú hefur virkilega haldið að þetta sé eitthvað ódýrt þá skaltu bara snúa þér að einhverju öðru.
Kveðja:
Erlingur Harðar
Ég ætlaði nú ekkert að vera að fæla fólk með þessu og ég held að allir sem eiga jeppa kannist alveg við þetta. Það eina sem ég vildi kannski fá fram með þessu væri bara að telja upp hvað þyrfti hugsanlega að gera eftir að jeppi af eldri gerðinni hafi verið keyptur. Í mínu tilviki hef ég verið mjög heppinn með aðstoð og hef getað gert slatta af þessu sjálfur m.a. að taka afturdrifið í gegn sem er mitt nýjasta project. Síðast en ekki sist þá finnst mér þetta bara mjög gaman.
Ég keypti 15 ára gamlan bíl fyrir ári síðan og er kominn langleiðina með lista eins og sá Skuggalegi… enda örugglega í einhverju harla svipuðu. Fyrir mína parta er þetta búið að vera bæði fróðlegt og skemmtilegt. Þar sem þetta var nú líka fyrsti breytti bíllinn minn var dálítið gaman að prófa hvaða áhrif hitt og þetta hefur og það er lærdómsríkt. Svo fylgir þessu nú líka þegar það er á annað borð verið að rífa sig upp úr 38" í 44" að gera hitt og þetta "í leiðinni" 😉 Það er amk búið að vera mjög vinsælt hjá mér.
Eftirstendur að maður er með bíl í höndunum sem maður veit stöðuna á og það hvetur mann frekar til að halda í hann í einhver ár í viðbót í staðinn fyrir að kaupa aftur og eiga þá á hættu að þurfa að gera þetta allt aftur. Sumum finnst það auðvitað líka gaman og maður hefur alveg húmor fyrir svoleiðis fólk 😉
Mér finnst tilhugsunin að vita lítið sem ekki neitt um jeppann ekki vera spennandi. Það er einmitt það sem maður fær út úr svona viðhaldi, breytingum og lagfæringum, maður þekkir svo gott sem hvern krók og kima á bílnum. Síðan er maður náttlega að þessu til að geta notað jeppan og haft þetta í lagi næstu árin.
Þetta er mjög einfalt mál, þetta dót verður að virka þegar að áreynir.
Það er löngu orðin sorgleg staðreynd að undirrituð hefði átt að eyða meiru af öllum tímanum með pabba út í skúr til að læra að gera við. Því miður hafði ég ekki nógu rétta framtíðarsýn og því er nú svo að kjafturinn er meiri en mátturinn. Ég lýg því ei að ég dauðöfunda ykkur sem geta þetta sjálfir og tek ofan fyrir frábærlega færum jeppaköllum. Næsta mál á dagskrá er því væntanlega að fara að læra bílaviðgerðir…….
Mér finst þetta vera tvö aðskilin mál.
Annarsvegar er að breita bíl, Það kostar einfaldlega ákveðnar upphæðir mismunandi eftir því hve mikið menn leggja í það, hvort menn geta get mikið sjálfir eða þurfa að kaupa vinnuna o.s.fr.
Hitt atriðið er viðhald. Mér finnst menn alltaf verða jafn hissa þegar þeir kaupa bíla sem eru keyrðir hálfa leiðina til tunglsins eða meira og þurfa að fara að gera við þá. Menn virðast stundum halda að af því að þeir eru að kaupa einhverjar "góðar" tegundir á uppsprengdu verði (nefnum engin nöfn) þurfi ekki að eyða í viðhald. Staðreyndin er sú að viðhald eykst í hlutfalli við aldur og kílómetrafjölda SAMA HVAÐ BÍLLINN HEITIR. Það er jú örugglega mismunandi mikið eftir tegundum, en samt verður fólk að muna að allir gamlir mikið eknir bílar eru dýrir í rekstri.
Sko ég ætla ekkert að skemma neitt fyrir þér Einar en bíllinn minn er sko ekkert keyrður HÁLFA leiðina neitt til tunglsins! Hann er sko bara alveg að smella í aðflug í þessum töluðu orðum 😉 og svo kemur hann til baka.
Eitthvað hefur þetta farið öfugt út úr mér. Ég er ekki að kvarta, væla og/eða vola yfir neinu. Ég tók þennan lista bara saman í gærkvöldi til að fara yfir það sem búið er að lagfæra í bílnum og síðan datt mér í hug að deila þessu með ykkur og vonandi er eitthvað gagn af þessu
Já Tryggvi og ég er ekki í nokkrum vafa um að með réttan flugstjóra við stýrið sem nennir að hugsa um hann og klappa honum kemst hann til baka eftir nokkur ár en það á eftir að kosta margar vinnustundir og verk í veskinu.
Bara staðdeyfa veskið og hafa gaman af þessu 😉
Bara passa að nota staðdeyfingarlyf fyrir hesta eða jafnvel fíla, þá sleppur þetta 😉
Já Einar enda fannst mér undarlegt að með svona vel búinn bíl værirðu að kvarta. Þetta er örugglega orðinn flottur bíll hjá þér. Þessi listi þinn er nokkru lengri en listinn minn enda er minn bíll mun yngri. Það bætist þó þétt á listann minn. Það má svo réttlæta allt saman með því að bílar og önnur farartæki eru fíkn. Ég er illa haldinn af þeirri fíkn og vil alls ekki fara í meðferð við þessu.
Kveðja:
Erlingur Harðar
Alvag sammála þér Erlingur, þetta er fíkn og veiki. En ég held að það sé ekki til lækning við þessari veiki það er einungis hægt að reyna að halda henni í skefjum og læra svo að lifa með henni. Ég get lifað með þessa veiki en það er spurning með betri helmingnn. Sem betur fer þá hefur þetta brölt allt saman hlotið mikinn skilning heima fyrir.
er veskið hanns tryggva úr fílapungskinni?
Nýr, nýlegur eða gamall bíll….. Það bara skiptir engu máli, það er alltaf hægt að bæta við, betrumbæta eða breyta.
Ég er búinn að gera þetta við tvo Pajeró bíla og svo Ford… Og listinn er Laaaangur.
Og Fordinn…. hann er hvergi nærri búinn…
Benni
Það kostar að halda þessum dollum við það er nokkuð ljóst. Mig langar að deila með ykkur þeim kostnaði sem fer í að breyta jeppa, nú stend ég fyrir framan slíkt dæmi og er að fara að ráðast í það og er ég búinn að fá allt sem fer í breytinguna þ.e alla hluti og bíð bara eftir að kalinn með skurðhnífn hringji í mig en það verður á næstu dögum.
Verð á bíl þegar ég verslaði hann (LC80) 2350000
Breyting á udirvagni og úrklipping 700000
Milligír Hlutföll 4.0 400000
Dekk 46" Fjallasport 276840
Stýristjakkur 26000
Stýrisdempari 11000
Kantar Samtak með sprautun 130000
Demparar Koni bílanaust 31584
Gormar Artictruck 46500
Handbremsubarki lengdur um 22cm 8300
Stýrislenging ARC 500 3100
Boddyklossar 4 stk 60×60 3900
Upphækkun fyrir Milligírsstöng 3400
Upphækkunarklossar 23300
Millikælir 60000
Framhásing D60 og hlutföll f/a 450000
Felgur með breikkun og völsun 125000
Leitarljós Xenon IPF þráðlaust 85000
Kastarar framan LightForce XGT Xenon 90000
Kastarar framan IPF 2ja geisla Xenon 80000
Vinniljós 4 stk 10800
Aukatankur í kominn 130000
Öll tæki.Drullutjakkur og allt hitt…. ??????
Allt hitt sem ég gleymdi að telja upp ??????
Samtals 5.044.724,-Tímar hjá sálfræðingi (slatti)
Tímar hjá geðlækni (þarf marga tíma)
Fyrst einhver var að forvitnast um veskið mitt þá nei… en það hins vegar rifnaði í sundur seðlahólfið um daginn og er ég því að leita að nýju og þolnara veski. Fílspungur er kannski rétta efnið 😉 Takk fyrir ábendinguna.
Svona til upplýsinga þá gæti verið gott að vita þetta.
"Many sources, such as beginning astronomy textbooks, yearbooks, and atlases, give the distance to the moon as 384,400 kilometers (km)"
Það er líka hægt að komast frá þessu á ódyrari hátt ef maður er heppinn, séður og hugsar "first go, then show"
Annar kostur er að hafa gamlan hrísgrjónabrennara í innkeysrlunni auk jeppans, því þá er alveg sama í hvaða ástandi jeppinn kemur af fjöllum, það verður bara gert við þegar tími er til (og peningar).
Hugsa fyrst um öryggi bílstjóra, farþega og annarra í umferðinni.
Góðar bremsur og stýri, lágmarks fjarskiptabúnað og sjúkrakassa.
Hugsunin á bakvið er svipuð og uppbyggingin á HROLLI,
það er ódýrt að gerast hrægammur.Minn jeppi er nýskriðinn yfir miljónina og er ekinn innanvið 100þús.
Listin?
Ekki allsaman hérna en hér hafiði hugmyndir;Jeppinn sjálfur 200.000
(beyglaður á öllum hornum og hliðum)
Aukarafkerfi 12.000 kall
Notað upphækkunarsett 15.000
það sem vantaði í upphækunarsett 10.000
Ný kúpling, dæla og upphengja 60.000
Kastarar, demparar tóg (að utan í pakka) 30000
Boltar v. breytinga 12.000
Hlutföll og ísetning 60.000
(keypt að utan)
Nýjar legur, krossar og pakkdósir framan 15.000
Gormafjöðrun aftan 22.000
Hálfslitin dekk 70.000
notaðar felgur 16.000
Brettakanntar 35.000
(smíðaði upp sjálfur)
loftdæla frá USA + reim 20.000
rörastuðar aftan 5000 (sbr. hrægammur)
Ný númer sérskoðun og umfelgun 28.000Einhverntíman tók ég saman hvað þetta var mikið og var þá uppi í 701.000 fyrir jeppan kominn gegnum sérskoðun og það var fyrir 3-árum.
síðan hefur bæst við ;
Loftkerfi 10.000
korta GPS 46.000
Vhf stöð 45.000
150W kastarar 0 (heh, fann þá uppi í hillu)
Losa mig við %!#l?^@!! legudótið að framan 74.000
Loftlæsing framan frá USA 40.000
Þannig að hann er að nálgast milljón…
Og þetta kvikindi hefur komist í Kverkfjöll yfir jökulinn tvisvar.Þegar á botnin er hvolft,
Ef tími er nægur og hugmyndaflug í lagi og maður
vill læra viðgerðirnar og smíðarnar um leið.
HAFIÐ ENGAR ÁHYGGJUR AF VESKINU.
(og þið slítið hnjánum meira undir jeppanum en framanvið bankastjórann).
You must be logged in to reply to this topic.