Að aflokinni sýningu

Sæll Óli og aðrir félagar.

Mér fannst sýningin að mörgu leyti mjög vel heppnuð þó að gestir hefðu mátt vera fleiri eins og þú nefnir.

Vissulega voru Patrolarnir óþarflega margir og svipaðir í salnum eins og margir hafa bent á en á því eru skýringar eins og flestu öðru í þessu lífi.

Mér finnst frábært að heyra þá athugasemd frá ykkur Sigurgeir, sem sennilega eruð reyndustu menn klúbbsins varðandi þessi sýningarhöld okkar, að aldrei hafi mórall og skipulag okkar félaganna verið í eins góðu lagi og núna og að allir hafi unnið sem einn maður við sýninguna.

Ég hef heyrt í nokkrum sýnendum á sýningunni og eru þeir allir ánægðir með það hvað fólkið sem kom á sýninguna var afslappað og gaf sér góðann tíma í básunum.

Hins vegar er ljóst að við þurfum að hugsa rækilega okkar gang áður en ráðist er í næstu sýningu, m.a. hvort ekki sé rétt að hafa hana á öðrum árstíma (síðari hluta vetrar eða snemma vors) og reyna þá að fá inn breiðari línu af sumarvarningi og útivistarvörum þannig að við höfum upp á meira að bjóða á sýningunni.

Allar hugmyndir eru vel þegnar.

Með kveðju,

BÞV

Góðan daginn félagar.

Ég vil byrja á því að þakka öllum þeim aðilum sem að sýningunni stóðu, fyrir gott og skemmtilegt samstarf. Það er í raun alveg ótrúlega gaman að starfa með svona góðan og samhentan mannskap í kringum sig.

Kannski er erfitt fyrir mig að dæma sýninguna, en eftir því sem ég kemst næst, veit ég ekki um neinn sem fannst hún léleg. Það hafa þó komið upp hlutir, sem menn hafa verið að benda á og gott að hafa uppivið, varðandi næstu sýningu. Ég hefði svo sannarlega viljað fá fleiri til að koma á sjá sýninguna og taka þátt í þeim uppákomum sem voru í boði.

Við erum að safna punktum fyrir þá aðila, sem taka að sér næstu sýningu og gott væri ef menn væru viljugir að senda mér línu á netfangið palli@vm.is (ef þeir hafa skoðun á sýningunni), sem ég set í sérstaka möppu, sem varðveitist hjá stjórn félagsins.

Kveðja

Palli.

Hæ allir, fín sýning fannst mér.

Ef einhverju hefði mátt bæta við þá er það meira af útivistardóti sem tengist kannski ekki bílunum beint heldur meira ferðalögum almennt.

Þetta með nafnspjöldin var líka góð hugmynd en það hefði mátt byrja nokkrum dögum fyrr og vera með nafnalista frá fyrirtækjum tilbúna þannig að fólk hefði ekki þurft að bíða eftir spjöldunum…. Gef kost á mér í það á næstu sýningu =)

Bestu kveðjur
Rakel R-1718

Sælir allir

Ég var að velta fyrir mér af hverju annar hver bíll á sýningi var Patrol. ( smá ýkur kannski) Björn sagði að á öllu væru skýringar,
gaman væri að heyra einhvað um það.
Mér fannst reyndar merkilegast á sýningunni,mótin sem Steinmar var með (bílab.Benna básnum) Þar var búið að móta í gifs spor eftir mismunandi dekk og felgubreiddir.
Vonandi kemur einhver nánari útlistun á þessi frá Steinmari
og félögum.

Er það ekki athyglisvert að mest skoðaði "bíllinn" var
Hrollur ?

kveðja