Ábyrgð á Patrol

Minn er allaveg í ábyrgð, en ég tel þetta vera mjög ílla ígrundaða ákvörðun hjá ÍH. Ef Nissan jeppum hefði verið gert jafn hátt undir höfði af umboðinu og Toyota hefur gert fyrir sína jeppa væri staðan eflaust önnur. Ég er allaveg rosalega ánægður með minn nýja og fékk góða þjónustu hjá ÍH þegar ég keypti hann. Ég vona bara að þessi ákvörðun ÍH verði endurskoðuð, enda er ekki mikið eftir af nýjum jeppum sen eru góðir til 44" breytinga í dag. Sem dæmi er ferðaþjónustujeppaflotinn að verða nokkuð við aldur, en ekki nokkur maður mun kaupa Patrol aftur ef ábyrgð fellur úr gildi.

Hlynur

Ég veit ekki hvort ég á að viðurkenna þetta, en ég var niðurí IH að skoða patrol í dag. Það kveiknaði einkver patrol löngun þegar ég sá myndina af hraðamælinum í gær.
Ég fékk einmitt sömu svör og Benni, að IH væri hætt að bjóða uppá 44" breitingu en bjóða ennþá uppá 38" breitingu með ábyrgð. 44" breitinguna verður maður að láta framkvæma sjálfur og því fellur bíllinn úr ábyrgð.
Ekki dettur mér í hug að ábyrgjast nýjan bíl sjálfur og sérstaklega ekki bíl sem hefur undanfarið verið mjög mikið á skurðarborðinu. 2 ár er ekki langur tími til að fullyrða að bílarnir séu ekki lengur haldnir gömlum draugum, Heldur sýnir það kannski að þeir eru á réttri leið.
En ég verð nú að viðurkenna að patrol hefur breist mikið frá því áður. Mér fannst fara vel um mig í bílstjórasætinu sem ég hef aldrei fundið fyrir áður í patrol. Þar er nú sæmilegt rými fyrir mann og fæturna á manni og fótstig og stýri eru orðin beint fyrir framan mann. Hinnsvegar fannst mér aftursætin ekki nothæf neitt annað en að rífa þau úr og fá aðeins betra farangurspláss, þetta eru svona sæti sem manni fynnst maður hýrast í, ekkert pláss fyrir lappir og sætið nánast jafn hátt gólfi.
En þessu aftursætisskúmaskoti hefði ég alveg geta horft framhjá og fengið mér patrol ef ég fengi hann í ábyrgð.
Kveðja siggias74
ps. Toyota er líka hætt að bjóða uppá 44" breitingu, og þvi detta toyotur líka úr ábyrgð ef maður lætur breita þeim fyrir 44".
Benni, pajero er málið.

Fyrst það eru svona margir sem eru tilbúnir að hrauna yfir IH og enginn sem stendur upp til að verja þá (hvar er Erlingur Harðar núna?), á hverju lifir fyrirtækið? Fyrirtækjum sem taka bíla á kaupleigu og er alveg sama um varahlutaverð og hversu lengi það fær lánsbíl???
Hvað gerist með björgunarsveitabílana? Verða björgunarsveitir alfarið að fara að treysta á Pajero og Excursion?
Ef þetta fær mann ekki til að verða afhuga þá veit ég ekki hvað gerir það.

Kv.
Ásgeir

"það eru hlutir eins og fjöðrun og skipting sem ég get ekki sætt mig við"

Þetta er nákvæmlega það sem ég var að hugsa um.

Rólegur, hvernig getur þú ættlast til þess að maður sé rólegur HA… maður leggur sig fram við að koma vinum sínum á alvöru jeppa og þeir bara prumpa á mann.

Já það er greinilegt að þeir treysta þessum jeppum ekki í 44 tommu. En ég hélt að það væri nú þannig, að ef menn keyptu þessa jeppa og breyttu þeim, á 44 tommu þá gilti almenn 2 ára ábyrð samkvæmt EB reglugerð og varla er hægt að kenna 44 tommu dekkjum um það ef miðstöðin, vinnukonumótor, hurðalamir eða stefnuljós gefa sig vegna galla.
Þetta er svona svipað og tölvu salar settu þau ákvæði að talvan væri ekki í ábyrð er þú notaðir ákveðin forrit eða færi of oft á f4x4.is

Ég held nú að MR. Nissan sjálfur hljóti að hafa eitthvað með þessa ákvörðun að gera, því það er jú framleiðandinn sem borgar brúsan en ekki umboðsaðilinn.
Svo er það nú staðreynd að þegar bíl er breytt fyrir 44" þá er aukið álag á þrifbúnað og vélbúnað, og einnig er vanalega fýrað aðeins upp í kolakatlinum.
Þannig er megnið af búnaði bílsinns eitthvað breytt. Kannski ekki þurkumótorum, en á rafkerfið er búið að setja ýmsan búnað aukalega og td. altanator undir hámarksálagi yfirleitt.
Hinns vegar fynnst mér blóðugt að ekki sé hægt að sannfæra MR. Nissan um að framleyða sjálfur þann aukabúnað sem til þarf til að breyta bílnum. Ég held td. að Mitsubishi framleiði ýmsan búnað sem notað er í Pajero þegar þeim eðalbílum er breytt fyrir 44". Flest allt nema milligírinn, boddýhluti og rafsuðuvinnuna. Ég veit allavega að það er í boði frá framleiðanda, hvort það sé notað er allt annað mál og virkar þar til það kemst up. Þá neita Mitsubishi örugglega ábyrgð líka ein og nissan.

Þetta er ein fljótfærnis og klaufa ákvörðun sem IH er að taka þarna. Málið er að ábyrgð á bílum er gagnvart gölluðum hlutum frá verksmiðju samanber gölluð vél og þ.h. IH getur ekki neitað fólki um að bæta galla á bílnum þótt hann sé breyttur. Þetta stenst ekki almenn vörukaupalög. Það eina sem þeir fá yfir sig núna er enn meiri óánægja og fólk sem þarf að lögsækja þá til að ná fram rétti sínum.

kv

HG

A-111

Það er fremur auðvelt að skilja að 44 tommu dekk geti valdið auknu álagi á vél og drifrás, en að fella líka niður ábyrgð á hurðarhúnum og rúðuþurrkum finnst mér einfaldlega fáránlegt.

Fyrir hartnær 20 árum keypti ég nýjan aldrifsbíl hjá þessu sama umboði. Honum fylgdu ýmsir pappírar og þ.á.m. plagg á Íslensku sem fjallaði um ábyrgð á bílnum. Meðal ýmissa gullkorna stóð þar að ef honum væri ekið utan vega skyldi öll ábyrgð falla niður samstundis. Það lítur út fyrir að sömu lögfræðingarnir vinni enn hjá fyrirtækinu þótt eigendur séu aðrir en þá.

Þó svo að patrol sé kraftlaus þá veit ég nú um nokkra brotna Patrolöxla. Ég veit líka um nokkuð fleirri brotna hiluxöxla þó svo að hilux sé enn kraftlausari en patrol.
En að ábyrgð og rúðuþurkumótorum. Minn fyrsti jeppi fyrir 14 árum síðan var Lada sport, sem ég keypti af foreldrum mínum 5 ára gamlan. Þau keyptu hann nýjan og áttu hann allt ábyrgðartímabilið óbreittan með öllu. Í þeirra eign á ábyrgðartímabilinu bilaði margt og er mér enn í fersku minni að tvennt var það sem ekki fékst bætt af ábyrgð. Það var rúðuþurkumótorinn og 5ti gírinn í gírkassanum, B&L báru það fyrir sig að þetta væri aukabúnaður í bílnum og því fengist þetta ekki bætt.
Þetta sýnir að þessi pólitík með að fella niður ábyrgð er ekki ný af nálini og ekki einskorður við IH þó svo að ég sé ekki að taka up hanskann fyrir það umboð.
jónsmessunæturkveðjur
Siggias74
ps. ég ætla út að spjalla við beljurnar, þetta er eina nóttin á árinu sem það er mögulegt, MUU.