This topic contains 6 replies, has 1 voice, and was last updated by 
-
Topic
-
Það er greinilegt að sumir þeirra sem eru mótfallnir breytingum á innheimtu gjalds á díselolíu eru eitthvað ósáttir við að önnur sjónarmið komi fram í þeim þræði.
Þessvegna set ég mínar hugleiðingar í sér þráð.
Ég held að margir velti því fyrir sér hvort að klúbburinn eigi að taka opinbera afstöðu. Ég er algjörlega á móti því að klúbburinn geri það. Hinsvegar gæti hann barist fyrir lækkun gjalda á eldsneyti almennt (bensín og dísel).
Það væri ekki úr vegi að hafa annan hátt á að innheimta gjald af vöru- og fólksflutningabílum en það er ekki endilega mál 4×4 klúbbins.
Ef við veltum sanngirni fyrir okkur (útfrá jeppum) þá er það kerfi sem verið hefur mjög einkennilegt. Þeir sem keyra mikið fá mikinn afslátt á opinberum gjöldum.
Ég man ekki í svipinn eftir öðru dæmi í innheimtu opinberra gjalda þar sem að gjöld lækka eða falla niður eftir að ákveðnum gjaldstofni er náð.
Nú eru díselmenn oft að hreykja sér af því hve þeirra bílar eyði litlu. Dísel á jú að nýta orkuna betur og þú kemst lengra á hverjum lítra. Þar að auki skilst mér á öðrum þráðum að dísellinn eigi að vera um 12% ódýrari en sopinn af bensíni.
Dísellinn ætti því ennþá að hafa mikið forskot á bensínið, bæði minni eyðsla og ódýrari sopi. Getur það talist ósanngjarnt? Það stórefast ég um.
Ósanngirnin í sköttum á eldsneyti felst ekki í díselmálinu heldur skattlagningu á allt eldsneyti. Ef klúbburinn fer að beita sér sérstaklega til að dísellinn verði enn ódýrari eða að fyrra kerfi verði viðhaldið þá held ég að við eigum það á hættu að missa trúverðuleika.
Við lítum þá út fyrir að berjast fyrir að halda áfram sérhagsmunamáli fárra, halda við kerfi sem er í raun ósanngjarnt.
Ég ítreka að þetta á við jeppamenn en ekki áhrif sem þetta hefur á vöruverð á landsbyggðinni, en það er mál sem er nauðsynlegt að leysa óháð okkur.
Ég legg því til að ef 4×4 klúbburinn vill beita sér í þessu máli þá geri hann það á breiðum grundvelli, þ.e. beiti sér fyrir lækkun á gjöldum af öllu eldsneyti!
JHG
-
Replies
-
Nei!
þ
Anonymous- Umræður: 0
- Svör: 16404
Ég held að það sé augljóst að þetta er ekki mál sem klúbburinn sem heild getur tekið neina ákveðna afstöðu í, eiginlega klassískt þessháttar mál. Það sést t.d. skýrt á þeim umræðum sem hér hafa verið að það er mjög mismunandi hvort kerfið kemur betur út fyrir félagsmenn og það var viðbúið frá upphafi. Hins vegar er sjálfsagt að skiptast á skoðunum og rífast um rök fram og til baka hérna, svona okkar á milli og þess vegna geta menn hóað sig saman til að mótmæla, senda e-mail eða þenja flautur með eða móti en þá gera menn það í eigin nafni og kemur nafni klúbbsins ekkert við. Rétt eins og menn rífast um mikilsverða hluti eins og hvort Toy sé betri en Datsún og öfugt.
Kv – Skúli
sælir
Ég er algjörlega sammála því að klúbburinn ætti ekki að taka afstöðu í þessu tiltekna máli, og ég er einnig sammála því að klúbburinn ætti heldur að eyða kröftum sínu í að lækka verð á eldsneyti almennt. Það er eitthvað sem þjónar öllum félagsmönnum.
Nú ætti ég kannski að taka það fram að ég ek díselbíl á fasta gjaldinu, þannig að ef olíugjald kemst á, ætti það að þýða hækkun fyrir mig. En ég hef samt ekkert á móti því að olíugjald yrði tekið upp, þar sem það gerir borgaranna jafnari
Ég er bara að nýta mér þessa glufu í lögunum meðan hún er til staðar og sé ekkert að því.
Hins vegar fynnst mér að dísellinn ætti að vera 15-20% ódýrari en bensín, þar sem dísel bílar menga minna á hvern lítra. En það er bara mín skoðunBaldur
Þ-470
Mín skoðun er sú að klúbburinn eigi að taka afstöðu til olíugjaldsins, eins og annað hugsandi fólk. Og enn vil ég minna á það, að mér finnst mjög gott mál að lækka rekstrarkostnað smærri dieselbíla, en að hækka á þá stærri, nei.
Kv. Drekinn
Ég tel ekki rétt að klúbburinn taki einstrengingslega afstöðu með eða móti því að breyta aðferðum við álagningu skatta í landinu, en það er til meðalvegur sem ég legg til að stjórn klúbbsins taki til alvarlegrar skoðunar og leggi til við stjórnvöld.
Það er sú leið að gefa mönnum kost á að kjósa hvort þeir halda óbreyttu fyrirkomulagi eða fara í það nýja. Þá gæti ég kosið að kaupa litaða olíu á gamla verðinu og halda áfram að mæta 3svar á ári í álestur og allt það. Þeir sem greiða fast gjald 2svar á ári fengju líka halda því fyrirkomulagi ef þeir kjósa svo. Hinir sem það kjósa geta svo farið beint í nýja kerfið og keyrt á ólitaðri olíu að vild. Mér er hjartanlega sama hvort olían sem ég nota er lituð eða ekki svo lengi sem það er löglegt.
Það má færa ýmis rök með þessu fyrirkomulagi. Ekki sérstök refsing á þá sem eyða mikilli olíu í lólódrifi á jöklum og ekki heldur verið að refsa þeim sem eiga gamla eyðslufreka bíla (eins og ég). Kerfi til að leggja skatt á bíla eftir gamla kerfinu er til og þarf enga kostnaðarsama breytingu til að halda áfram að nota það.
Að auki má klúbburinn minna á að verulegur hluti olíunotkunar í jeppaferðum fer fram utan við þjóðvegakerfið og æskja þess að tekið sé tillit til þess á einhvern hátt við skattlagningu. Gjarna mættu fylgja útreikningar á því hvað meðaltúr á Langjökul kostar í þungaskatti og díselolíu fyrir og eftir breytinguna og einnig hversu mörgum krónum hann skilar ríkissjóði pr. ekinn kílómetra á þjóðvegum.
En það sama er hægt að segja um bensínjeppana. Við borgum fullan þjóðvegaskatt af okkar keyrslu á jöklum landsins.
Því væri réttara ef klúbburinn ætlaði að beita sér sérstaklega að taka elsneytisgjöld almennt upp.
Við bensínmenn erum alveg jafn sárir að þurfa að borga okkar skatt (sem verður samt alltaf hærri vegna lægri gjaldtöku á dísel og meiri eyðslu).
JHG
You must be logged in to reply to this topic.