8 cyl undir húddinu.

Ég hef sjálfur enga reynslu af V8 í Hilux en félagi minn gerði einn slíkann. Hann var fyrst með 4 cyl vélinni og gerði ýmislegt til að ná öllu úr henni. Að lokum gafst hann upp, gerði 351w klárann og skellti honum niður.

Vegna rangra upplýsinga við kaup á heddum og stimplum frá USA endaði hann með mjög háa þjöppu (sem er ekki það besta ef menn hafa ætlað sér að nota venjulegt bensín) en mótorinn virkaði svaðalega.

Hann sagði eitt sinn við mig að hann færi með meira í dekk en bensín Eina sem ég man að var að plaga hann var að hann var alltaf að brjóta drifbúnað (kannski ekki skrítið miðað við hvernig hann átti til að keyra).

En ef þú ert með temmilega V8 vél (helst Chevy ;), með ekkert alltof heitann ás og helst TPI innspítingu og skiptingu með yfirgír þá ætti eyðslan ekkert mikið að aukast.

Svo verður þú að átta þig á að setja ekki hvað sem er niður. Haugslitinn mótor (eða illa uppgerður) skapar örugglega vandamál. Ef þú færð hinsvegar góðan mótor (eða gerir upp) þá ættir þú ekki að þurfa að hafa neinar áhyggjur af honum.

Sjálfur er ég með 350 sbc í Blazer K5 sem ég hef átt í ca. 7-8 ár. Mótorinn er mjög áreiðanlegur og kraftmikill þrátt fyrir að vera mikið ekinn. Hann stekkur í gang í öllum veðrum, eyðir ekkert of miklu (eftir að ég skipti út ryðguðum bensínlögnum og götóttum slöngum) og hefur ekkert verið að bila. Eina sem er að angra mig er að olíuþrýstingur í lausagangi er farinn að lækka (sem er ekki óeðlilegt miðað við aldur og fyrri störf) en er enn innan hættumarka.

Mér hefur sínst að helstu áhrifaþættir á eyðslu sé ekki alltaf stærð mótors heldur frekar þyngd ökutækis, hlutföll og aksturslag. Stærri mótor erfiðar yfirleitt minna, og getur jafnvel eytt minnu en lítill mótor.

Þú þarft bara að hugsa um það að með stærri mótor þarft þú ekki alveg eins lág hlutföll, en um leið og þú ert kominn með of lág hlutföll þá fer vélin að snúast full mikið á langkeyrslu, og þá eykst eyðslan.

Kostirnir eru því:

Miklu meira afl => miklu skemmtilegri í akstri
Mikið afl neðarlega á snúningsvæginu

Gallar:

Meiri hætta á að brjóta það sem fyrir aftan mótorinn er
Eyðsla gæti aukist.

Annars væri best ef einhver V8 Hilux eigandi gæfi sig fram.

JHG