5 Tindar

Ég bara trúi því ekki að félagsmenn rétti ekki hjálparhönd þegar að hennar er beðið!!!!!????
Nú væri gott að eiga einn OFURPATTA.
kv:Kalli semgeturekkineitt

Til er ég,gott málefni.

Kv JónB

Ég talaði við Ívar þ í kvöld,einn sem er í 5 Tinda hópnum og hafði á orði við hann að félagsmenn væru örugglega tilbúnir að skutla þeim,og það er aldeilis að sanna sig
Eg er einnig til ef minn óbreytti trooper kemst þarna um.
Kv Jóhannes

Laugardaginn 2. júní frá 8-20 verður gerð tilraun til að setja íslandsmet í "Fjölda manns á Esjunni á einum degi". Allir eru hvattir til þátttöku og 5tinda menn skrá niður alla sem taka þátt í metinu. Markmiðið er ekki endilega að ná toppnum, heldur að koma út í náttúruna og njóta sín með fjölskyldunni og í góðra vina hóp. Gangan er jafnfram síðasta ganga 5tinda manna fyrir hringferðina 8-11. júní. Þá helgi mun hópur sem er óvanur fjallgöngu ganga hæsta fjall í hverjum landshluta á aðeins einni helgi. Sjá http://www.5tindar.is

Fulltrúar 66°Norður verða með kynningu og sérfræðinga sína á staðnum auk þess fá allir Powerade í boði Vífilsfells. Einnig mun Spron standa fyrir happadrætti þar sem vinningshafinn verður dregin út eftir 5tindagönguna. BootCamp verður með laugadagsútiæfingu frá 9-11 og fróðlegt getur verið að fylgjast með henni.

Vonum til að sjá þig og alla sem þú þekkir og mundu….

Ef þú hefur aldrei farið á Esjuna þá er þetta einmitt rétta tækifærið !

HJÁLPAÐU OKKUR MEÐ ÞVÍ AÐ ÁFRAMSENDA ÞENNAN PÓST TIL ALLRA SEM ÞÚ ÞEKKIR

5tindar & Sjónarhóll

http://www.5tindar.is

http://www.sjonarholl.net

Bættu mér endilega á þennan lista, skal leggja til Toyotuna mína í þetta.

Ég var að fá upplýsingar um að Hekla er síðasta fjallið sem þeir ætla á og planið núna er að vera þar um kl. 17:00 á sunnudaginn. Þetta getur að sjálfsögðu breyst eitthvað til eða frá, eðlilega. Þeir sem eru skráðir í ferðina mættu gjarnan senda mér póst á barbaraosk(hjá)gmail.com eða sms í síma 664-1090 svo hægt sé að vera í sambandi á sunnudaginn.

Það mættu gjarnan fleiri skrá sig og koma með þó svo þeir séu ekki að taka farþega bara til að hafa þetta skemmtilegt.

Kv. Barbara Ósk

Gísli er ameríski draumurinn bilaður???
kv:Kalli semáenganbilaðanjeppa
ps:DOLLI mér lýst vel á nafnabreitinguna og líka hjá dúkkunni. Og Gísli á nátturulega að breita sínu í SÝSLI

Hvað segið þið félagar mínir úr Suðurlandsdeildinni ??
Þetta er jú okkar svæði…..
Þið hafið sko örugglega ekkert betra að gera þennan sunnudag og fínt að taka smá sunnudagsbíltúr til fjalla..
Endilega skrá sig hér ef þið eruð laus, eða hjá Barböru
.

Ég vil minna á ferðina á sunnudaginn með hópinn sem kallar sig 5 Tinda. Samhliða því þrekvirki að ganga á fimm fjöll í fimm landshlutum á einni helgi stendur yfir söfnun fyrir Sjónarhól sem er félagsskapur til styrktar langveikum og fötluðum börnum.
Þeir félagar eru um leið að gera sjónvarpsmynd um ferðina.
Við viljum standa að þessari ferð af rausnarskap og mæta með góðan hóp til að sýna þessu flotta framtaki 5 Tinda stuðning.
Enn og aftur hvet ég félaga 4×4 til að koma með og skrá sig sem fyrst.

Kveðja, Barbara Ósk

Sæl verið þið öll sem ætlið að vera með í að ferja 5 tinda farana að Heklu, vonandi eitthvað lengra en þeirra Ford Transit kemst. Þau gera ráð fyrir að verða komin í Landsveitina um kl. 17 á sunnudaginn, en þá eru þau að koma frá Snæfelli, sem er 4. tindurinn á áætluninni.
Ýmislegt getur að sjálfsögðu raskað tímasetningunni, en það skýrist þegar nær dregur. Til þess að hafa vaðið aðeins fyrir neðan okkur, þá er hugmyndin að við hittumst við verslunina á Landvegamótum kl. 1600. Ellefu bílar eru komnir á skrá og öllum er velkomið að bætast í hópinn og senda þá póst til undirritaðs. Ef færð skyldi hamla, þá fara menn bara svo langt sem þeir vilja eða komast.
Barbara ætlar að mæta með félagsfána 4X4, sem við getum hengt á bílana til að gera "showið" soldið myndrænt, en þeir 5tindafarar ætla að gera kvikmynd um þessa helgarrispu sína.
Samkv. uppl. Vegagerðarinnar var Landmannaleiðin opnuð í gær, svo ekki hamlar það för okkar inn Sölvahraunið. Ætlunin er að koma þessum 9 manna gönguhóp sem næst Heklu, fara upp fyrir Skjólkvíahraunið og eitthvað upp í NA-öxl fjallsins. Ef færðin skyldi verða erfið ofan Skjólkvía, þá sendum við duglegustu bílana með hópinn svo langt sem komist verður, eða þau vilja fara. Þokkaleg slóð liggur þarna upp í a.m.k. 950 m hæð.
Meðan við bíðum eftir að göngugarparnir skili sér aftur frá Heklutindi, þá gætum við, ef færð leyfir, t.d. kíkt upp á Rauðkembinga, sem er frábær útsýnisstaður og skotist að Rauðuskál.
Á sunnudaginn er spáð SA-golu, 15 stiga hita og skýjuðu á svæðinu, en gert ráð fyrir að létti til þegar líður á daginn og hvað viljið þið hafa það betra?
Til að gera þetta dálítið spennandi má geta þess að gömul kona á bænum Selsundi sagði nýlega, þegar Selsundslækurinn þornaði upp, að nú ráðleggði hún engum að fara á Heklutind, því búast mætti við næsta gosi hvenær sem væri. Svo þetta staðfræðilega álit sé stutt vísindalegum rökum, þá er er það víst staðreynd, að landris við Heklu er nú orðið meira en var fyrir gosið árið 2000.

Bestu kveðjur

Sverrir Kr. Bjarnason
sverrirkr@hotmail.com
S. 5653133 – GSM 8952212 – NMT 8552212
4X4 R-155