This topic contains 3 replies, has 1 voice, and was last updated by 
-
Topic
-
Ég er mikið búinn að fylgjast með þessum frábæra
vef þó ennþá sé ég ekki ekki orðin félagi en ætlunin er
nú að bæta úr því alveg á næstunni.Enn það var nú allt annað sem ég ætlaði að minnast á.
Ég sá það hér á síðunni að hjá því ágæta fyrirtæki
R Sigmundsson þá fá félagar 4×4 8% afslátt af Garmin
vörum.Mér þykir það lítið þar sem um stórt félag með
marga félagsmenn er að ræða,og örugglega stæðsti hlutinn
af þeim staðsetningar tækjum sem í notkun eru ,eru Garmin
plús annað sem þeim fylgir eins og kort og fleira.
Vinsamlegast leiðréttið mig ef ekki er farið rétt með.
Eru þessi tæki ekki velflest versluð hjá R Sigmundsson
að undanteknum einhverjum örfáum sem hafa verslað á netinu
vegna hve dollarinn hefur verið lágur undanfarna mánuði.
Ég og tveir félagar mínir erum að versla við R Sigmundsson
sem sagt þrjú Garmin GPS tæki og okkur var boðið 10%.
Miðað við það fyndist mér sangjarnt að þetta öfluga
félag fengi allavega 10% þegar einstaklingum sem eru ekki
einu sinni í neinum svona félögum stendur þetta til boða.
Ég er mjög þakklátur fyrir þennan afslátt sem okkur var
boðinn,vildi bara viðra þetta við ykkur því mér finnst
það sanngirnis mál að félagar 4×4 fái þann afslátt sem öðrum er boðið.Að sjálfsögðu snertir þetta mig líka ef
ég fæ inngöngu í félagið.
kveðja
Dreki1
-
Replies
-
Anonymous- Umræður: 0
- Svör: 16404
Sæll Dreki,
Þarna er greinilega smá misræmi í afsláttargjöf og er það í rauninni ákvörðun söluaðilans hvað hann gerir í þessum efnum. Þið hafið greinilega fengið magnafslátt.
En allt snýst þetta nú um að semja og það er greinilegt að Drekinn er betri samningamaður en þeir sem semja fyrir 4×4. Kannski hótað að spúa eldi á afgreiðslumanninn ef ekki fengist betri afsláttur. Ef ég á að segja mitt álit á öllu þessu afsláttar fargani þá er þetta úrelt fyrirkomulag…ekki það að ég sé með einhverja betri hugmynd. Ég veit að þetta er orðið ákveðið vandamál víða hjá fyrirtækjum. Ég er þeirrar skoðunar að þetta leiði til hækkunar vöruverðs því ef fyrirtækið á að vera réttu megin við núllið þá verður varan að skila ákveðinni framlegð. Síðan eru þessar sömu verslanir, sem við erum að fá afslátt hjá, að styrkja klúbbinn og veita allskyns fríðindi og bjóða okkur görótta drykki. Síðan tökum við okkur saman á netinu og reynum að sleppa við að versla við þessa sömu aðila með því að flytja inn sjálfir. Er ekki tími til komin að 4×4 klúbburinn, eða félagar innan hans, setji á fót verslun fyrir félagsmenn þá hlýtur þetta að fara lagast allt saman.kv. Halldór
Ps.Tek fram að ég er verslunareigandi og líka félagi í 4×4.
Anonymous- Umræður: 0
- Svör: 16404
Ég sé þessi afsláttamál þannig að þau eigi að vera beggja hagur að einhverju marki. Fyrirtækin eru að leitast við að auka viðskipti okkar og kaupa sér viðskiptavild með því að veita okkur afslátt. Við getum alveg litið svo á að það sem við höfum að selja í þessum efnum sé nokkuð verðmætt, við höfum góða ?vöru? að bjóða sem er viðskiptavild 2000 félagsmanna. Þess vegna getum við alveg gert þá kröfu að félagsmenn séu að fá bestu kjör sem fáanleg eru og að auglýstur afsláttur standist.
Ein leið sem hægt væri að fara er að gefa aðeins einu fyrirtæki á hverju sviði tækifæri til að veita okkur afslátt, með því skilyrði að afslátturinn verði hærri fyrir bragðið. Einhverjir afsláttaklúbbar hafa farið þessa leið og eru þá jafnvel með 20-30% afslátt í gangi. Það er þó ekki endilega víst að þessi leið myndi henda 4×4 klúbbnum.
Kv – Skúli
Sælir,
Þetta er ágæt umræða.
Skúli bendir réttilega á að klúbburinn er í raun og veru með góða vöru, þe. viðskiptavild félagsmanna.Ég vil taka það fram strax að ég er ekki að gagnrýna þá sem hafa staðið í því að afla afslátta fyrir félagið, í raun kann ég þeim bestu þakkir fyrir. Tilgangur minn er sá að skapa umræðu um afsláttarkjör félagsmanna hjá fyrirtæjum.
Viðskiptavild félagsmanna mætti bjóða fyrirtækjum til sölu í því formi að gera okkur tilboð í tilteknar vörur sem ekki er hægt að kaupa sem einstaklingur á sambærilegu verði í ákveðinn tíma bæði fyrir og eftir að tilboðinu lýkur. Það ætti að koma í veg fyrir að utanfélagsmenn séu að fá jafn mikinn eða meiri afsláttt. Fyrirtækið ætti að ná inn tekjum á magninu. Félagið fær fleiri félagsmenn í klúbbinn fyrir vikið.
Tilboð sem eru virk mætti kunngera á heimasíðu klúbbsins og í blaðinu og jafnvel í skjáauglýsingum í sjónvarpi.
Félagsmanni finnst það pínulítið ósanngjarnt ef honum er boðin vara á sérstöku tilboði til félagsmanna þegar hver sem er getur keypt sömu vöru á sama eða betra verði hjá sama fyrirtæki.
Fyrirtæki sem eru uppvís að slíkri hegðun eiga ekki skilið að vera talin upp á afsláttarmiða klúbbsins.Frekari umræðu óskað
Elvar
You must be logged in to reply to this topic.