This topic contains 12 replies, has 1 voice, and was last updated by 
-
Topic
-
Er ég nýbúinn að fá mér VHF stöð og setja hana í bílinn minn og fór í ferð með hana núna í dag upp á fjöll og lét hana scanna (leita) á 4×4 rásunum en varð að hætta því vegna þess að túrista hópar voru að nota rásirnar fyrir leiðsögu yfir í aðra bíla. Fyrst var einhver kvenmaður sem talaði spænsku á Reykjanesinu og svo seinna var annar hópur sem einokaði rás 47 er ég var á leiðinni austur fyrir fjall. Þetta skánaði reyndar aðeins er ég fór að fikta í stöðinni og fann að ég gat lokað á rás 47.
Það sem mig langaði að vita hvort túristahópum sé leyfilegt að nota þessar rásir okkar til leiðsögu. Þannig að ef það eru margir hópar sem eru á ferðinni þá eru nú rásirnar okkar fljótar að teppast, svipað og umferðin í höfuðborginni.
Valur Marteinsson
-
Replies
-
Þessi túristafyrirtæki hafa ekki leifi til þess að nota rásir klúbbsins. Við lentum í þessu sama í gær að margar rásir voru blokkeraða af einhverjum leiðsögumönnum.
Það væri gott ef stjórn og fjarskiptanefnd fengi vitneskju um það hvaða fyrirtæki þetta voru
En hafa skálaverðir leyfi til að nota 4×4 rásirnar? Tók eftir því í sumar að þeir gera það sýn á milli
FÍ notar rás 42.
Vil gjarnan ítreka að ef einhverjir hafa veður af ferðaskrifstofuaðilum sem eru að nota okkar rásir væri mjög flott að koma því á framfæri við stjórn klúbbsins. Það má til dæmis senda póst á stjorn@f4x4.is eða hringja í skrifstofuna á skrifstofutíma.
Kv.
Barbara Ósk
Túrista hópar hafa enga heimild, og meiga ekki nota
okkar rásir. Varð sjálfur fyrir ónæði af þeim í gær.
Ert þú Valur Marteinsson frá Reyðarfirði?.
Binni R 2016.
Í dag myndi maður sennilega segja að maður væri frá Fjarðarbyggð en þegar ég fór suður hét staðurinn bara Reyðarfjörður.
Ég geri ráð fyrir að þú sért Benedikt (Binni) sem bjó í húsinu fyrir ofan Gröf er það ekki rétt munað hjá mér?
Með kv
Valur
Sæll Valur,bjó að vísu síðustu árinn í blokkinni við
Réttarholt ofan við Lykil.
kveðja Binni.
Ef ég hef tekið rétt eftir, þá hefur Póst- og Fjarskiptastofnun rukkað klúbbinn fyrir einkarétt til afnota af fjarskiptarásunum. Fyrst aðrir aðilar eru að stelast til að nota okkar rásir, væntanlega til að spara sér að greiða fyrir sínar eigin rásir, þá er það klárt tilefni til að kæra til P&F. Stjórn klúbbsins mætti gjarna ganga í að safna upplýsingum um þessi atvik svo að hægt verði að senda inn rökstudda kæru með ítarlegum upplýsingum.
Ágúst
Er ekki fyrsta skrefið að setja saman notkunarreglur fyrir rásir 4×4? Ég man ekki til að hafa séð slíkt á blaði, en kannski er þetta til. Málið er að það þarf ekki að vera að þessar rásir séu í bílunum með ólöglegum hætti þar sem eigendur bílanna eru í mörgum tilfellum félagar í 4×4. Þá þarf að koma fram einhvers staðar með skýrum hætti að félagsmönnum sem fá rásirnar sé óheimilt að nota þær í atvinnuskyni.
Kv – Skúli
Hárrétt … enda vill svo skemmtilega til að það mál er akkúrat í bullandi vinnslu á nákvæmlega þessum nótum. Það þarf auðvitað að fínpússa svona hluti en það er óhætt að lofa því að þetta kemur fyrr en síðar (nógu loðið?).
Það er nú þannig að þeir sem stunda þennan túrista akstur á þessum stóru jeppum hvort þeir eru í 4×4 eða ekki geta ekki staðið í þessum rekstri ef þeir þurfa líka fara útí. Fá sér rás líka á þeim forsemdum verður 4×4 að taka þátt í þeirra kostnaði og verðum við að lána þeim okkar rásir. það er svo þröngt hjá smáfuglunum í dag og eru þetta ekki ungir námsmenn sem eru á námslánum sem eru að reyna að drýgja tekjurnar eða gamlir félagsmenn sem eru á eftirlaunum sem ná ekki endum saman, sem fara út í þennan túrista akstur. ( Ég vorkenni þessum mönnum sem eru í þessum rekstri ef þeir geta ekki fengið sér rás fyrir sig, það er kannski svo dýr kostnaðarliður .)
kv,,, MHN
Ég þekki nokkra sem eru að fara með ferðamenn í jeppaferðir og eru þeir allir með sér rásir. það eru alltaf einhverjir sem fara yfir á okkar rásir og þarf að reina að takmarka það eins og hægt er.
Ætti ekki að vera nóg fyrir þessa hópa að not CB? það er nú varla svo langt á milli bíla í svona túristaferðum.
You must be logged in to reply to this topic.