4×4 húsnæði ?

Ég skil ekki umræðuna Jón,
Þarna er linkur á húsnæði en hvað ertu að gefa í skyn? Ertu að meina að 4×4 kaupi húsnæðið og veiti þér aðgang. Ég get ekki séð að umræða skaði nokkurn mann. Hins vegar geta ákvarðanir skaðað einhvern.

Haltu umræðunni gangandi.
Elvar

Nú er það svo að á síðasta aðalfundi var samþykkt tillaga um að húsnæðismál klúbbsins yrðu skoðuð og þá m.a. með tilliti til þess hvort hagkvæmt væri að kaupa húsnæði eða jafnvel byggja undir starfsemina. Stjórn skipaði í framhaldi af því húsnæðishóp sem í sitja þrír menn, fasteignasali, húsasmíðameistari og byggingaverkfræðingur. Þessi hópur hefur fundað eitthvað en ekki skilað áliti, en við skulum gera ráð fyrir að það komi frá þeim einhver tillaga á aðalfund, hvort sem það verði að gleyma þessu eða eitthvað allt annað og róttækara.
Fyrirfram tek ég ekki afstöðu til þess hvort það sé rétt að ráðast í eitthvað í þessa veru, en er spenntur að sjá tillögur hópsins. Hins vegar finnst mér það aðalatriði að ef klúbburinn kaupir húsnæði (innan borgarmarkanna) þá geti það húsnæði hýst alla starfsemi og þar með talið mánudagsfundina, opið hús, skrifstofuna, geymslu fyrir eigur klúbbsins og fundaraðstöðu fyrir nefndir. Þetta er nr. 1, en hvort þar verði viðgerðaraðstaða til útleigu er hins vegar sérmál og kallar kannski á allt annars konar hús en hentar fyrir hitt. Það má vel vera að það sé hægt að láta þetta fara saman, en ekki sjálfgefið. Auk þess finnst mér húsnæðið þurfi að geta staðið undir sér, að teknu tilliti til þess kosnaðar sem við leggjum í dag í húsnæðismál (leigan inn í Mörk og á salnum á Loftleiðum). Ef hægt er að leigja húsnæðið út að einhverju marki fyrir sæmilegar tekjur (sal eða þess háttar) skilst mér að margt bendi til þess að dæmið geti gengið upp.

Kv – Skúli

Ég er ekki með tölur um það hjá mér eða í kollinum að neinu viti. Þarf að flétta þessu upp til að vera viss. Ég held samt að það sé hærra hlutfall á höfuðborgarsvæðinu heldur en skiptingin á íbúafjölda, s.s hlutfallslega séu fleiri félagar á höfuðborgarsvæðinu en annars staðar. Skot sem gæti verið nærri lagi væri 80/20. Á hinn boginn hugsa ég að stærri hluti félagsmanna úti á landi séu virkir, hér á höfuðborgarsvæðinu höfum við töluvert marga félaga sem eru ekkert á fullu í starfinu en mæta á mánudagsfundi og lesa Setrið og fá sitt út úr því.

Kv – Skúli

Það eru um 900 félagar á landsbyggðinni, en ég veit ekki hvað það eru margir í Reykjavík. En það er samt mun meira hlutfall landsbyggðafélaga virkir eins og Skúli segir.

kv, Villi

Heildarfjöldi félagsmanna er vel á þriðja þúsund, þannig að ef það eru um 900 á landsbyggðinni er skiptingin líklega eitthvað nærri 2/3 á höfðuborgarsvæðinu. Það kemur eiginlega af sjálfu sér að í félagi sem er með upp undir 2000 félagsmenn séu margir sem ekki eru virkir í starfinu en sjá sér samt hag af því að vera félagar.

Kv – Skúli

Gott mál að eignast húsnæði en ekki eins og verðlagningin er í dag (mín skoðun) en alls ekki hafa þar
viðgerðaraðstöðu nokkur félög hafa reynt þetta og það hefur ekki gengið upp umgengni hefur verið arfaslæm og innheimta á leigu erfið.
Félagar hafa komið rétt til að græja bara í kvöld og svo hafa bílar staðið dögum saman, varahlutir og drasl safnast upp sem enginn á og enginn vill henda.
kv
SIGGI

Þetta er raunar bara reiknidæmi sem húsnæðisnefndin þarf að reikna til enda, hvað kostar núverandi ástand okkur, þ.e. leiga í Mörkinni og leiga á Loftleiðum eitt kvöld á mánuði, hvaða aðrar tekjur er raunhæft að gera ráð fyrir og hvað húsnæði sem fullnægir þörfum okkar kostar miðað við kaup eða nýbyggingu. Með þessar upplýsingar er hægt að bera saman þessa tvo kosti, óbreytt ástand eða einhverja tiltekna aðra lausn.

Kv – Skúli

Það er ekki rétt að húsnæðið sé aðeins notað 3 tíma í mánuðu
Og samhvæmt því sem húsnæðisnefndinn sagði í haust þá var rétti tíminn þá. Þannig að ég veit ekki hvaða forsendur þú er að gefa þér Einar, en fyrir u.m.þ ári síðan hefði þetta verið vonlaust dæmi. Svo má ekki gleyma því að hægt er að leija út frá sé, einsog Ferðafélagið gerir í Mörkinni og eru t.d Jöklarannsóknarfélagið og Hellarannsóknar félagið í sama húsnæði og við. Einnig mætti benda á það ef við reiknum út hvað við séum að borg í húsaleigu per/klukkustund þá held ég að menn myndu svitna allment.
En ég er ekki að hvetja til þess að við kaupum húsnæði heldur er áhugavert að skoða þessi mál með opnum huga. En maður lendir í því að þurfa að verja þetta mál vegna þess að menn er strax tilbúnir til þess að rakka þessa hugmyndir niður í skítinn áður en nokkuð er kannað. Og er það helvíti svekkjandi þar sem maður veit að félög sem rétt skríða í það að geta kallast félög vegna mannfæðar klára svona má auðveldlaga.

Já það er einmitt málið það vantar upplýsingar í reikniformúlunar, en sjálfsagt verður hægt að reikna þetta út á margvíslegan mála allt eftir því hvaða forsendur við gefurm okkur eða hvaða niðurstöðu við viljum fá. En að ferðafélaginu, þá veit ég ekki hvort húsnæðið hefur verið þeim baggi en ég veit að þeir hafa verið að fjárfesta mikið í hreinlætisaðstöðum víða í skálum og það hefur vafalaust létt pinguna, einnig hefur rekstur skálana verið þeim dýr á veturna bæði vegna skemmda og slælegra skila á skjálagjöldum. En það væri auðvita fróðlegt að komast að því hvernig rekstur húsnæðis þeirra hefur gengið. En svo má ekki heldur láta gunguskap aftra sér frá því að gera eitthvað, einungis vegna þess að það er áhætta fólgin í því. Ef Björgúlfur Tor og Bónus feðgar hefðu haft það að leiðarljósi þá væru þeir ekki þar sem þeir eru í dag. Sama mætti segja um þá Fornbíla menn þeir keyptu húsnæði en hafa eyndar selt á ný og eru að fara út í nýbyggingu. Ég held að þeir eig 40.000.000 millur eftir þau viðskipti,