This topic contains 32 replies, has 1 voice, and was last updated by 
-
Topic
-
Ég var að kaupa 4runner ’90, svona sem fjölskyldubíl.
Hann er með V6 3.0 lítra vélinni eins og þeir flestir (heitir hún ekki 22R eða eitthvað ámóta?)
Vandamálið er að hann eyðir eins og 38″ bíll í snjó, þó að hann sé á 31″ dekkjum og dólað eftir reykjanesbrautinni og innanbæjar í Reykjavík…. 35,3l/100km finnst mér nú aðeins of….
Allavega, vélin var víst tekin upp fyrir ekki svo löngu og það passar alveg, olían er fín og hreyfist ekki. Fínn gangur og vinnslan alveg sæmileg, hægagangurinn er samt full hraður, 12-1300 sn/mín. Það er líka dálítið skringileg lykt af pústinu, en samt ekki algjör bensínstækja.
Kannast einhver við svona einkenni á þessum bílum? Er þetta kannski hitaskynjari? Eða súrefnisskynjarinn? Er sameiginlegur hitaskynjari fyrir innspýtinguna og mælinn inni bíl?
Allar ábendingar vel þegnar nema tilmæli um að kaupa Datsun
kv
Grímur
-
Replies
-
Margt sniðugt má finna hér..
Skoða einnig margar aðrar síður en þessir er góð til að byrja… (fyrir alla toy jeppa)
Hef ekki heyrt um afloftun
Vélarljósið sem þú talar um er Check Engine ljósið og það á að kvikna þegar þú svisar á og svo slökna þegar hann fer í gang.
Eitt af aðalatriðunum sem tölvan notar til að stilla opnunartíma spíssa (magn bensíns í innsprautun) er súrefnisskynjari í pústi. Hann mælir magn súrefnis í útblæstri og ef það er of mikið þá eykur tölvan við bensínmagnið. Með tímanum skemmist skynjarinn (verður t.d. mjög skítugur), þá verður virkni hans hægari og skilaboðin til tölvunnar færri. Þá fer vélin að eyða meiru.
Önnur ágiskun er sú að gat sé á pústinu milli eldgreina og skynjara. Ef svo er þá er hugsanlegt að þar dragi hann inn súerfni úr andrúmsloftinu sem skynjarinn heldur að komi frá vélinni vegna of lítils bensíns til að brenna með súrefninu, þá eykur tölvan bensínmagnið.
Freyr
Anonymous- Umræður: 0
- Svör: 16404
Ég hef tekið eftir því á 4runner bensínbílum hvað endirinn á original pústinu er ótrúlega þröngur. Ótrúlegt að þriggja lítra vél sé ætlað að þurfa anda í gegnum svona þrengsli.
Jæja, nú er ég búinn að lesa af ECU-inu (tengja þessa víra í Diagnosis-tenginu og horfa á Check Engine ljósið flassa svolítið. Niðurstaðan úr því er að tölvan sér ekki neina bilun. Það þýðir væntanlega að allir skynjarar eru tengdir og gera eitthvað, en einhver þeirra vinnur ekki eðlilega.
Ég er þegar búinn að athuga þetta með kælivatnið (smekkfullur kassi og innan marka í forðabúri) og pústið (myndar fullan þrýsting ef maður heldur fyrir púströrið í hægagangi).
Þá er bara að fara að ganga kerfisbundið á nemana með fjölmæli(AVO) og sjá hvort maður finnur ekki einhvern sluksa….
ég set hérna inn hvað kemur út úr því, mig grunar sterklega að það séu fleiri að sjá full mikla eyðslu á þessum bílum sem gæti verið vegna hálf-bilaðra nema.
Súrefnisskynjarinn og hitaskynjarinn eru allra líklegastir, súrefnisskynjarinn er það eina sem gefur beina svörun á bensín/loft-blöndunni þannig að ef hann er bilaður(sýnir rangt gildi) þá þarf ECU-ið ekki að vita neitt af því. Mig grunar líka að ef hitamælirinn sýnir alltaf kalt, þá sé litið framhjá því sem súrefnisskynjarinn er að gefa, þ.e. nokkurs konar "override" þegar bíllinn er kaldur.
Jæja, hætta að bulla og út að mæla
kv
Grímur
skrítin ligt af pústinu gæti verið stíflaður hvarvakútur.
þessi bíll eyðir aldrei minna en 25 lítrum í blönduðum akstri.
Anonymous- Umræður: 0
- Svör: 16404
Ég veit ekki hvernig þú færð það út að þeir eyði ekki undir 25. Það er það sem minn sem er á 38" er að eiða í fjórhjóladrifinu í kuldanum sem er búinn að vera undanfarna daga en annars er hann að eiða svona 16-20 (fer eftir hversu þungur bensínfóturinn er)
Róbert
4RUNNER 38"
Anonymous- Umræður: 0
- Svör: 16404
kvöldið ég hef verið að lesa þennan þráð og sé að þið eruð á réttri leið með þetta nú hér er smá input pústskynjarinn á að sýna á volt mælir 0-1 volt hann flökktir þar á milli semsagt (er ekki víst að hann fari alla leið niður í núll eða upp í ein bara að hann flökkti á milli 0,5 volts)þið mælið þessa mælingu á svarta þræðinum á skynjarannum hinir tveir hvítu eru fyrir upphitaran og þar á að mælast 12volt og jörð nú hitaskynjarinn er svokallaður NTC skynjari og þú mælir hann kaldan fyrst og svo heitan það er engin akkurrat mælin en ca 10k -15k ohm og heitur 200-400ohm sem sé mikið viðnám kaldir lítið heitur og að lokum þá gefa þessir skynjerar ekki allltaf coda kv meikarinn
Anonymous- Umræður: 0
- Svör: 16404
Runnerinn minn var í undir 25 í blönduðum akstri, og ekki er ég sá léttfættasti, hann var líka SSK, var ekki langt frá þessum 25 kannski en nokkuð þó, 19 ca
toyota 4runner með 6uni í er glæpur að kaupa það er bara bending á gjaldþrot
4Runner V-6 38": Ca. 6-900 þús.
4Runner 3.0 dísel 38": Ca. 1.400-1.900 þús.
Segjum að bensínbíllinn eyði að meðaltali 20 á hundraði og gefum díselbílnum 14 á hundraði (veit reyndar ekki nákvæmlega hvað hann er að eyða).
Miðum við 20.000 km á ári.
Bensínbíllinn notar 4000 lítra af bensíni.
Díselbíllinn notar 2800 lítra af olíu.Bensínið kostar því samanlagt 406.000 á árinu.
Díselolían kostar samanlagt 126.000 á árinu, + ca. 140.000 í þungaskatt (miðað við mæli) eða samanlagt 266.000 fyrir árið.(Eldsneytisverð miðað við Orkuna 22. nóv.)
Tökum ódýrustu bílana, 600 þús. bensínbílinn og 1.400 þús. díselbílinn.
Verðmunurinn er því 800 þús.
Munurinn á eldsneytiskostnaði yfir árið er 140 þús.
Fyrir verðmuninn á bílunum má því keyra bensínbílinn í 5,7 ár áður en það hefði borgað sig að kaupa díselbílinn.
Ég sé nú ekki glæpinn í þessu…
Kv.
Einar Elí
Takk fyrir þetta, Halldór, ég þykist vera búinn að finna bilun í hitaskynjaranum. Skv. manual sem ég komst í á að mælast spenna á ákv. sviði yfir hann kaldan (með tölvuna tengda og í gangi) og svo önnur ef hann er heitur. Þetta er náttúrulega háð viðnáminu, sem er beinni og betri mæliaðferð (gott að fá þessi gildi
)
Ég fékk allavega enga spennu yfir hann kaldan, og ekki nema 0,7 volt yfir hann heitan. Ég held að það þýði að neminn sé að skila sem svarar of lágu hitastigi. ECU sýnir bilun ef ég tek hann úr sambandi þannig að hann er tengdur og ECU-ið virðist þar af leiðandi líka í lagi.Flott að fá líka þetta test fyrir Oxy-sensorinn, það var einmitt það sem mig vantaði, ECU-ið gefur víst ekki villu á Oxy-sensorinn ef hitaskynjarinn sýnir vélina kalda.
kv
GrímurPs. Hvernig væri að hætta að fara út fyrir efni þráðarins með tuði um að þessir bílar geri ekki annað en eyða 25L pr. hundraðið….það hljóta bara að vera bilaðir bílar, eins og þessi!!! (Góð röksemdafærsla samt Einar, fínt innlegg….)
You must be logged in to reply to this topic.