4runner með jeppaveiki??

Ég er búinn að berjast og berjast við þetta kvikindi…
Ég myndi athuga herzlu á spindillegum, jafnvel athuga preload-ið á þeim. Spindillegurnar eiga að vera 96Nm herzla á rónnum sem halda liðhússörmunum (stýrisörmunum eða hvað þetta heitir á íslensku) á. preloadið er hægt að mæla með að skella þyngdarmæli (t.d. sem er notaður við að mæla þyngd á fisk =) ) á liðhúsarmana með leguhubbinn af. s.s. bara spindillinn eftir af legudraslinu. Mæli með að skoða almennilega viðgerðarbók um þetta man ekki preloadið akkúrat núna sem á að vera á þessu. Ef að preloadið er vitlaust þarf að bæta eða fækka skinnum á milli liðhússins og armanna.
.
Svo er það þverstífufóðring, það þarf ekki að vera nema öööööörlítið slag í þeim til að allt fari til andskotans. Ég ætla að setja fóðringar úr LC80 til að drepa þetta endanlega (vonandi). Þær eru TÖLUVERT massífari, og halda betur við.
.
Millibil, mæla millibilið og sjá hvert það er, útskeifur = meiri jeppaveiki (amk í mínu tilfelli) en örlítið innskeifur = minni jeppaveiki, bíllinn verður rásfastari fyrir vikið, passa sig samt að fara ekki yfir 4-5mm inn á við til að slíta ekki dekkjunum og setja ekki óhóflegt álag á stýrisenda.
.
Stýrisdempari, rífa hann úr og athuga hversu þéttur hann er, ég var með OME sem var ekki nógu stífur, svo Rancho sem var aðeins skárri, en besti sem ég fann var hjá Fjallabílum, stál og stansar.
Það má ekki vera slag í honum þá fer allt á reiðiskjálf.
.
Stýrisendar, ef hlutirnir fara að stefna í svartsýniskast má skipta um þá, toyota endar hafa reynst mér bestir, færð líka nýjar stangir með í kaupbæti…
.
Spindilhalli, hver er spindilhallinn? Meiri spindilhalli, minni líkur á jeppaveiki og meiri rásfesta, meira álag á stýrisgang fylgir…
.
Hjóllegur eiga að vera að hertar rétt, og reglulega (1x á ári að lágmarki að mínu mati… ég herði á þeim á 3ja-6 mánaða fresti af gömlum vana, en ég er svolítið brjálaður í þessu). Ég vænti þess að þú vitir hvernig eigi að herða á þeim. (57Nm herzla, snúa nokkra hringi, herða aftur og slaka svo, fingraherða þetta og svo örlítið meira (9Nm) og læsa svo með læsiskinnunni)
.
Dekk, vel ballenseruð og ekki mjög misslitin dekk. Getur haft áhrif (og mun gera það) en ef allt annað er í lagi mætti athuga það. Mér persónulega finnst dekkin EKKI eiga að fá að kalla fram brjálaða jeppaveiki því það segir bara að eitthvað annað sé ekki nógu sterkt.
.
Felgur, ertu nokkuð með bogna felgu? =)
.
Millibilsstöng, er hún nokkuð bogin? Eða togstöngin? Lenti í því að beygja togstöngina örlítið og það hafði mikil áhrif hjá mér.
.
Er slag í stýrismaskínunni? Orðinn lágr þrýstingur á stýrisdælunni? Er hann svolítið "seinn" í stýri? Gæti bent til þessa atriða. Þá er lítið annað að gera en að byrja að taka upp, og þá getur þú allt eins sett tjakk til að friða þetta enn meira.
Miðað við þetta að hann geri þetta meira þegar beygt er til hægri, hljómar eins og smá slit í maskínu. Ég samt lenti í þessu sama og maskínan var í toppstandi engu að síður.
.
Ef að allt annað þrýtur, nú þá er ekkert annað en að ráðast í tjakkísetningu, og svera aðeins upp í stýrisdælunni, forðabúrinu og auka örlítið þrýstinginn á dælunni… Gættu þín samt að ganga ekki of langt, það gæti endað með ónýtri maskínu og dælu.
.
Svo er það náttúrulega afturhásingin, hún HEFUR áhrif á framhásinguna og stýrieiginleika, ef hún er örlítið laus undir getur það leitt fram og myndað jeppaveiki.
.
Mótorpúðar, ef að mótorinn er að víbra óeðlilega mikið útí grind getur það triggerað jeppaveiki…
.
Pinjón hallinn getur líka haft áhrif, aftur, slit í einhverjum fóðringum eða mótorpúðar geta haft sitt að segja um pinjón hallann.
Ef þú ert með 2faldan lið á skaftið að vísa upp í flánsinn á millikassanum, en ef það er einfaldur þarf hann að halla eins að mig minnir og flánsinn á kassanum, stundum -1 til -2 gráður á við flánsinn. Finnst þetta samt ólíklegt miðað við ef hann var ekki svona áður. En þá getur aftur á móti slit í fóðringum eða annað leitt til þess að hann sé viðkvæmari fyrir röngum pinjónhalla. Bæði fram og afturhásingar geta haft áhrif á þetta…
.
Þetta eru svona nokkir hlutir sem geta verið að. Mæli með að byrja á einfaldari hlutunum s.s. stýrisdempara og herzlumæla spindillegurnar og hjóllegurnar, hitt er orðið langsóttara ef bíllinn er nýbyrjaður á þessu, og þverstífufóðringar, skiptir miklu máli að þær séu í topp standi. Ef þú ert með 44" bíl þá borðar 44" fóðringar í morgunmat á mörgum þverstífum… (amk LC70 virðist vera…)
.
Vona að þetta gagnist eitthvað smá, þið hinir sérfræðingarnir sem hafið eitthvað á móti þessu endilega komið með rök á móti mér. 😀 Hef alltaf gaman að lesa rök annara og sjónarmið á hlutunum…
.
Skjálftakveðjur, Úlfr, Hjálparsveit.
E-1851

Þessi pistill á heima í skalasafni vefnefndar, takk

Ég tek því sem að þú sért með mjög stabílan huga. 😉
Gott að þetta fékk farsæland enda.
.
kkv, Skjálfta-Úlfr
E-1851

Las í einhverjum manual að þetta væri til að koma umframfeiti í leguni frá, ef þú gerir þetta nógu oft þá tollir róin í 57Nm sama hvort þú snúir eða ekki. Svo herðir maður læsingarróna í 9Nm.

Hef líka lent í þessu með sturlaða jeppaveiki á hiluxhásingu og það bara á 35", það gerðist þegar ég tók stýrisdempara úr og fór prufuhring. Þetta virðist vera mjög krítískur hluti af stýrisbúnaðinum í hilux.

Jájá, þetta er alveg kristaltært.
Flott að hafa svona "process" fyrir þessa aðgerð, maður hefur gert þetta dálítið eftir tilfinningu, sem getur verið varasamt.

herslan á spindil legu /stíris arma boltunum, ætti að vera 62-79 ft/lbs. nema menn séu komnir með cróm bolta, en þá er hægt að herða þá uppí 110-120. þið getið lesið aðeins um þetta hér, en ekkert af viti gerist fyrr en á bls. 3-4 [url=http://www.pirate4x4.com/forum/showthread.php?t=607259&highlight=trunion+bearings+breaking&page=4:206e6g4l][b:206e6g4l]pirate4x4[/b:206e6g4l][/url:206e6g4l]
en þyngdin á arminn… s.s.
ef settur er fiskvigt á arminn þegar ekkert er á honum er frá 7-14 ft/lbs
en [url=http://www.4x4wire.com/4×4/toyota/maintenance/front_end/:206e6g4l][b:206e6g4l]hérna[/b:206e6g4l][/url:206e6g4l] er ágætis lesning með myndum. um viðgerð á hásingunnni

er undarlegt fyrirbæri.
þegar ég fór með bílinn fyrst á götuna var ég að berjast við þetta, og var bíllinn þá alveg ókeirandi. en þá fiktaði ég mikið í spindilegum herti uppá hjólalegum og fleira og fleira, það var ekki fyrr en ég skifti um fóðringar í ská stífunni sem þetta lagaðist.
En núna ek ég á 44" sem ég setti sjálfur á felgu, = óbalenserað. ég er stírisenda sem er með góðu sliti í, þarf að herða uppá hjóla legum, og er annað hvort með brotnar spindillegur eða það sem er sennilegra með bogna hásingu.
en allur víbríngurinn sem ég finn er rétt smá á milli 50 og 60 á 44" sem mér fynnst rosalega undarlegt en er samt algert auka atriði miðað við allt það sem ég taldi upp sem ætti að gera bílinn ókeirandi….

my point. jeppaveiki er undarlegt fyrirbæri.

Þegar að ég setti runnerinn minn á 44 dekkin byrjaði ég á því að setja þverstífu fóðringar úr LC 80, nýja togstöng með LC 80 stýrisendum frá Marlin Crawler og fyrir var Stýristjakkur, Einnig setti ég stýrisarm frá Árna Brynjólfs á Hásinguna og passaði allar stífur flútuðu eins. Einnig voru ný stífugúmmí í stífunum á framhásingunni.

Síðan fór ég á rúntinn og kagginn skalf og nötraði allur saman, þá var farið aftur inn í skúr og settur OME stýristjakkur í bílinn og skinnur teknar undan spindillegunum og hert vel saman eftir tilfinningunni.
Eftir það var gamli alveg eins og hugurmanns og ekki til skjálfti í honum.
Það þarf að fylgast betur með spindillegunum Á eftir vegna þess að það er meira álag á þeim en ekkert sem er að hrjá mann.

Kv Hilmar Örn

úpps meinti OME Stýridempara en ekki tjakk
Setti OME stýrirdempara til viðbótar við tjakkin sem var fyrir í bílnum, þannig að ég er bæði með tjakk og dempara.
Tjakkurinn er frá Landvélum.