4ra ferða helgin! Setrið

Sælir!
Samkvæmt vef vegagerðarinnar kl. 13:45 er merkið ?allur akstur bannaður? á flestum hálendisvegum, og þar með töldum Kjalvegi, en á honum eru þau 3.

Skv. vegagerðarkortinu er ekki bannað að aka sprengisand og niður í Skagafjörð. En ætli þeir hafi bara ekki gleymt þeirri leið?

kv
Siggi_F

Það ber ekki á öðru, á forsíðunni á heimasíðu Vegagerðarinnar er komin inn þessi frétt:

9. mar. 2004 – Vegna aurbleytu er allur akstur bannaður um flesta hálendisvegi landsins.

Eru þetta gróðurhúsaáhrif vegna reykmengunar frá Patrollum eða hvað er þetta sem er að gerast í veðurfarinu á þessum fyrrverandi klaka? Mars rétt að byrja og drullulokanir komnar á fullt!

Kv – Skúli

Er ekki skrítið að það skuli vera "leyfilegt" að aka Kaldadalinn eins og veðrið er, hann hlítur að vera eitt alsherjar drullusvað núna.

Kv
Siggi_F

Þetta er hið versta mál allt – þannig að það verður varla farið nokkuð um helgina nema það stytti upp og frysti….

Og spáin er ekki okkur í hag:

Á fimmtudag og föstudag: Suðaustan átt, víða 13-18 m/s og rigning suðaustantil og með suðvesturströndinni en annars heldur hægari, skýjað með köflum og úrkomulítið. Hiti 7 til 12 stig. Á laugardag og sunnudag: Suðlægar áttir, yfirleitt 8-15 og vætusamt sunnan- og vestanlands, en annars úrkomulítið. Hiti 5 til 10 stig.

Þetta fer að verða spurning um að kaupa flösku af koníaki, setjast út í skúr, drekka og horfa á jeppann – það er ekki hægt að gera neitt annað við hann…..

Kveðja
Benni

Ef ég man rétt, þá hefur vegagerðin ekki auglýst lokanir á Landsdvirkjana vegum undanfarin ár og akstur um Kaldadal hefur oft ekki bannaður, þegar flestir aðrir hálendisvegir hafa verið lokaðir. Annars kæmi mér ekki á óvart þó að þyrfti bát til að fara hjá Sandkluftavatninu núna. Kannske telja þeir að sú lokun dugi til að forða vegaskemmdum. 😉

Það á eftir að frysta aftur, unanfarin tvo vor hefur fryst um sumardaginn fyrsta.

-Einar

Er þá nokkuð annað að gera en að skella sér Reykjanes- hringinn og taka krýsuvík í leiðinni,það væri svo hægt að koma við á örkinni og skella sér í heita pottinn með öl i hönd.

kv JÞJ

Hvað með Snæfellsjökul, er hann nokkuð bráðnaður í rigningunni??? Eða þessa snjóskaflar á vestfjörðum. Annars heyrir maður bara af mönnum fyrir norðan á stuttbuxum í hitasvækju.

Kv
Siggi_F

Hann er allavega enþá sýndur á kortum…. Svo að líklega er hann þarna enþá. En ætli leiðin upp að honum sé ekki ófær fyrir drullu eins og allt annað….

Annars væri gaman að renna þangað ef ekki verður farið í Setrið…

Benni

eða rúlla í Dalina, Kollafjarðarheiði ??