This topic contains 66 replies, has 1 voice, and was last updated by 
-
Topic
-
Ég hef tekið eftir því hér á myndasíðunni okkar að menn tala oft um mikla drifgetu hjá þessum nýju tröllafélögum okkar. Menn séu í sífellu að festa sig í förunum eftir þá meðan þeir lulla bara áfram.
Auðvitað er glórulaust fyrir 38″ breyttan fjallabíl að keyra í förum eftir 4 tonna 46″ – 49″ breyttan fjallabíl. Þar sem bæði hjólför og síðan dýpt eiga engan veginn samleið hjá þessum tveimur jeppum. Förin eru einfaldlega það djúp að vonlaust er fyrir litlu jeppana okkar að ná niður þar sem tröllin hafa farið á undan.
Ég lenti í svipuðum aðstæðum þegar ég var á 36″ dekkjum og lenti í förum eftir 44″ bíla og oftar en ekki var bíllinn á kviðnum með öll 4 hjól á lofti.
Menn verða að velja sér sambærilega ferðafélaga á svipuðum tækjum, bara svona til að flýta yfirferðinni.
Það var einn Ram með okkur í hóp á fjöllum. Hópurinn okkar samanstendur af Wrangler og Cherokee á 38″ börðum. Raminn var á 44″ og síðan var hann það breiður að förin á milli okkar og hans pössuðu engan veginn saman. Ef raminn var fremstur drifum við illa í förum eftir hann og ef við vorum fremstir þá þurfti hann hvort eð er að ryðja ný för þar sem hjólförin eftir okkur voru mun mjórri. Í dag er hann (faðir minn) kominn á Grand v8 á 39.5 Irok og yfirferðin er mun auðveldari fyrir okkar hóp.
kv
Gunnar
Hjólfaradýptarpælingarmaður (3 lengsta orð á Íslandi)
-
Replies
-
Auðvita er það rétt hjá þér að það getur verið erfitt fyrir 38" jeppa að elta okkur en eins og um síðustu helgi þá urðu menn að reyna það þar sem þeir komust ekki áfram sjálfir.
Sæmi
Svona, svona Sæmi við skulum ekki missa okkur hérna.
Ok þó stelpurnar hafi ekki haldið vatni og strákarnir ekki haldið slefinu upp í sér síðustu helgi yfir þessum Ford þínum þá voru þessir kallar og konur þarna eingöngu allir á hálf vanbúnum bílum og 95% þeirra á 35" dekkjum og restin var á 3 tonna bílum á 38" blöðrum.Enn ég vil benda fólki á að hætta þessum blómasendingum og konfekt gjöfum heim til þeirra Ford hjóna, Frænka er nefnilega með ofnæmi fyrir blómum.
Það fer vonandi að styttast í að Raminn hjá mér komi úr breytingu þá get ég fengið svona konfekt kassa og blómvendi sent heim.
Njótið kvöldsins.
LG
Lúther..
Hvað er í bígerð hjá þér ??
Ram.. + stór dekk…. = Ford Killer..
lát heyra
kv
Gunnar
2007 Dodge Ram 2500, 46" dekk og eitthvað dót svo ég geti spælt Sæma, Líklega verð ég þó nokkuð langt frá Fordinum hjá Benna Hmm, enda varla fyrir hvítann mann að reyna að elta hann hvað breytingum viðkemur.
Enn Sæma jarða ég og það verður gert í beinni. Svo ætla ég að grafa Klakann í förunum mínum.
LG
Í fyrsta lagi:
Það skiptir engu hvort þú ferð á fjöll á 46" Dodge eða á nýju Færibandi ég kem með þig til baka í spotta eða gríti þér á pallinn.
Í öðru lagi:
Í þessari blessuðu ferð sem ég lent óvart í um síðustu helgi þá voru þarna 38" Willis,38"Bronco,38" Musso,38" Terrano,38" Izuzu pickup,38" Patrol,39,5 Ford expedition,
38" L200 og fl.Kveðja Sæmi
Þar sem ég er með valminni þá man ég nú ekki eftir því í mexicoferðinni að menn væru sífellt að festa sig eftir að hafa farið í förin á 46" en það kom þó fyrir (man bara eftir Palla Terror… ég meina terrano ;-> og expedition á kínaskóm 😉 ).
En við vorum vissulega að festa okkur líka þó að við værum ekki í förunum.Hins vegar var gaman að sjá þegar bíllinn kom með ford expedition í eftirdragi í færi sem að var púður upp á húdd á ford 46".
Svo bregðast krosstré sem önnur tré og 46" festist (ekki með bíl í drætti). Var þá dregin fram hið vanmettnasta verkfæri á fjöllum… skófla… og mokað aðeins. Reynt var að kippa í hann og hann haggaðist ekki. Þá var mokað aðeins meira og þá náði Sæmi að bifa honum um 1 tommu og það var nóg til þess að hann gat losað sig sjálfur (með smá nettu hjakki) og keyrt upp úr meters djúpum holunum sem að dekkin mynduðu.
Það þarf greinilega lítið til að gleðja mig því að mér þótti óhemju skemmtilegt að sjá þetta.
Einnig var ákaflega skemmtilegt að þar sem þau (Sæmi og Hrönn) hvorki voru í mexicoferðinni né ætluðu yfir Kaldadalinn skyldu þegar upp er staðið hafa nennt að dröslast með hópnum og aðstoða hann alla leið yfir.
Takk fyrir alla hjálpina og I O U 1.kv. stef. sem sér núna að þetta var skemmtileg ferð.. þrátt fyrir að hafa verið "sífellt" föst á 38" pattanum. ;->
p.s. verðum í bandi ;->
Svo fórum við líka í ferðalag á sunnudeginum með Benna,Ármann og Gogga þar sem að Benni lagði sig alla framm við að reyna að láta okkur týnast svo að björgunarsveitinn gæti leitað af okkur og allir grenjað yfir kostnaðinum en við náðum að koma okkur niður á þjóðveg aftur alveg sjálfir
og var ákveðið að fara Nesjavallaleið til Reykjavikur og þar lentum við á eftir 38" 4Runner eða réttara sagt Benni og svo við hinir í halarófu á eftir og það er skemst frá því að segja að 4Runner var í verulegu brasi og Benni reyndi mikið að komast frammhjá sem gekk það ílla að við þorðum ekki annað en að snar stoppa rífa Benna undan stýri og leggja hann í læsta hliðarlegu í næsta skafl til að snögg kæla hann niður annars hefði hann hreinlega keyrt yfir Runnerinn :)))Sæmi
Stef þú veist að ég setti þessa festu á svið bara fyrir þig
Sæmi
Takk fyrir það… Ég hélt að það yrði mikið meira mál að losa hlunkinn. En sjá hann lulla upp úr holunum var ótrúlegt… og þó þú reynir að segja mér einhvern tíman seinna frá því… þá trúi ég þér ekki ;->
Kv. stef. (sem að er svo fljót að gleyma).
Þetta kallast að vera (Laginn) eitthvað sem ég er að reyna að kenna Luther en gengur ekki :))
Sæmi
Ekki hef ég ekki mikla reynslu í þessum jeppaferðum, svo það er nú kannski ekkert óeðlilegt þó Sæmi geti ekki kennt mér þetta á einni helgi, Róm var ekki byggð á einum degi.
Ég held nú samt að þetta hafi ekkert með lagni að gera, Sæmi er alveg búinn að sýna það.
OK hann slysaðist einhvern veginn alveg óvart inn á Kaldadalinn, óvart á sama tíma og þið hin, alveg óvart í hóp með litið breyttum bílum og akkúratt hitti svo skemmtilega á að hann hafði ekkert annað að gera enn fylgja ykkur í Húsafell. Gaman þegar svona hittir bara allt óvart í mark.
Minnir mig á kunnan markaskorara sem var bara alltaf staddur á marklínunni og gat potað í boltann svo hann rúllaði síðustu 2 cm inn fyrir marklínuna.
Hef það fyrir víst að Sæmi og Hrönn hafi ætlað Norður á land yfir Kjöl, enn vegna veðurs sáu þau ekki að þau voru Kaldadal fyrr enn veðrinu slotaði. sem betur fer fyrir alla hina.
Eða hélt kannski Sæmi að allir væru á leið yfir Kjöl???
Þetta skýrir af hverju hann sagði Blönduós þegar í Húsafell kom.Njótið kvöldsins
LG
Ólíkir bílar geta vel ferðast saman, og notað sömu förin, að því tilskyldu að menn hleypi jafnmikið úr. Vandamálin koma upp þegar menn vilja/þora ekki að hleypa almennilega úr. Ef þungu bílarnir vilja ekki hleypa úr, þá verða hjólförin of djúp fyrir bíla á minni hjólum, ef minni bílar eru með of mikið í dekkjunum, þá sitja þeir einfaldlega fastir.
Dýptin á hjólförunum fer nefninlega eftir loftþrýsgingi í dekkjum, ekki eftir stærð þeirra eða þyngd bíls, svo framarlega sem dekkin eru nægilega stór til þess að bera þunga bílsins.-Einar
Ég var í 3 pundum samt áttu menn erfitt með að elta förinn.En Já menn geta alveg ferðast saman á mis öflugum jeppum þetta er bara spurning um Þolinmæði
Sæmi
Þú gleymdir stórum punkti mismunandi breidd
kv Jón B
Þess má til gamans geta að upptalningin á bílunum er ekki alveg rétt en ég var í L200 og hann er á 37" og 12,5" breiðum dekkjum og svo var Musso á 35" og hilux á 35" og 17"breiðum felgum en jú Mussoinn þáði drátt hjá sterapikkuppnum góða en ekki hiluxinn eftir minni bestu vitund og ekki heldur við á L-200 og vorum við lengi vel bíll nr2 þ,a,s beint á eftir Fordinum og jújú við vorum með snjó langleiðina upp á húdd en við höfðum það samt hægt og bítandi (reyndar með 2 millikassa).
En ég hef nú ekki sent sæma og hrönn blóm né konfekt en þau eru sko ásar í mínum bókum og frábært að ferðast með þeim!!! og þakka ég þeim fyriralla hjálpina og eiga þau inni hjá mér!! því án þeirra hefði Mexico hópurinn snúið við með sárt ennið (eða væri enn á Kaldadal:D
Kv Davíð Karl
Hérna einu sinni fóru menn um þvert og endilangt hálendið á bílum á 38" og jafnvel niður í 33" dekkjum og gekk svona þannig séð ágætlega.
Síðan fóru fleiri og fleiri að nota 44" og eiginlega fór að vera ómöglegt að ferðast að neinu ráði nema að hafa 44" bíla til að "ryðja".
Núna er síðan að koma upp sú staða að eiginlega er ekki lengur hægt að ferðast á 38" eða minni og 44" eru líklega hættir að geta "rutt" leiðina og ekkert virkar nema 46" eða helst 49"
Hvað kemur næst?
Eða heyrði ég einhvern tala um klaufadekk?
svarið við þessari spurningu einars er þyngd bíls og ekkert annað en þyngd bíls.
Nú er ég að spöglera eina ferðina enn og þar sem ég hef ekkert vit á þessum málum þá ætla ég aðeins að opna mig.
–
Af hverju eru menn alltaf með svona mikla minnimáttarkennd ef að minnst er á stóru bílana. Einu sinni fóru menn um allt á minni dekkjunum og gekk já… misvel og voru misfljótir… og það er bara allt í lagi. Einu sinni voru útikamrar en nú eru komin vatnsklósett gera bæði sama gagn… bara spurning hvort að þú nærð þangað í tíma. ;->
–
kv. stef. (sem veit ekki neitt).
ertu að segja að við eigum að fara í bíl formannsinns til að gera þarfir okkar, í staðin fyrir að fara á kamarinn?
ég held að hann komi til með að lykta andskoti illa, sérstaklega þegar hann er hitaður upp. ég held líka að menn séu fljótari á kamarinn heldur en að príla uppí 49" ford, og því líklegra að menn geri ekki í brók.
Siggias74
Ég var ekki að bjóða þér að gefa skít í bíl formannsins. Hins vegar var ég að bjóða þér upp á leiðarval. Ganga í hægðum þínum á útikamarinn … af því það hefur alltaf verið þannig… eða vera opin fyrir nýjum hugmyndum og velja vatnsklósettið.kv. stef. (sem nennir ekki að leysa hægðarvandamál Siggias74)
You must be logged in to reply to this topic.