This topic contains 68 replies, has 1 voice, and was last updated by 
-
Topic
-
Helgina 30/9 til 1/10 verður farin 44″ ferð á vegum 4×4. Gjaldgengir í þessa ferð eru þeir félagar í 4×4 sem eru á 44″ dekkjum og stærri, og með VHF stöð. Ferðin byrjar á laugardagsmorgni við Hrauneyjar og verður farið um víðan völl og síðan gist í Hvanngili. Sunnudagurinn verður notaður í að gera eitthvað skemmtilegt og komið á skikkanlegum tíma í bæinn. Skráning byrjar á fimmtudagskvöldið (14/9) kl 21 í mörkinni og á tölvupósti hlynur(hjá)snaeland,is. Ekki er búið að reikna út þátttökugjald, en reiknimeistarar Hagstofunar eru að vinna í þessum málum núna.
Hlynur
-
Replies
-
Vildi bara þakka fyrir mig og fína ferð. Það sem stendur upp úr hjá mér var að fá þá Billa og Olgeir að Bjallavaðinu. Þetta var merkilegt út frá sögulegu sjónarmiði að heyra lýsingar Billa á 70 ára gömlum atburðum. Má því að sanni segja að þetta hafi verið söguleg ferð.
Kv. Árni Alf.
Sæll Árni og takk sömuleiðis. Ef maður legði nú í aðra ferð með ykkur vatnabræðrum, þá gæti nú verið gott að eiga svona þurrbúning undir sætinu. Hvar færðu svona græju…
kv.
Eiríkur
Enn og aftur takk fyrir vatnasullið .Það var gaman að hitta ykkur og taka þátt í ferðinni .Billi hafði líka mjög gaman af ferðinni og til að halda okkur í gamla tímanum fórum við Dyngjuleiðina heim enda styttsta leiðin og bara nokkuð góð .Náði að setja inn nokkrar myndir en vídeóið bíður úrvinnslu .Kv.Olgeir
Þurrgallar fást t.d. hjá Vélasölunni (nú R.Sigmundsson). (Sjálfur nota ég reyndar alltaf blautbúning. Hann er óþjálli í notkun en mér finnst hann öruggari ef aðstæður verða verulega skuggalegar). Svona þurrgalli getur verið bráðnauðsynlegur sérstaklega í krapa og vatnasulli að vetrarlagi. Flotvinnugallar eru kannski ekki síðri við slíkar aðstæður.
Svo má heldur ekki gleyma stígvélunum. Svona fóðruð kuldastígvél eru bæði hlý og eru á við bestu gönguskó í hjarni og snjó auk þess að mannbroddar passa vel á þau.
Ekki má heldur gleyma ullinni í svona bleytu. Klæddur eins og sauðkind í stígvélum þá vinnur ekkert á þér.Kv. Árni Alf.
Hérna er ferillinn úr tækinu hjá mér yfir Bjallarvaðið. Rétta leiðin er upp ánna, en þá er maður að þræða brot, en til baka var verið að prufa eitthvað annað og farið ofaní töluvert neðar við brotið og er nokkuð dýpi við bakkann. Alveg eðal staður til að sulla í.
Hlynur
Ég verð að fara á námskeið í að setja myndir inn á spjallið. Klúðra því alltaf, en myndin er í myndasafninu ef einhver nenni að henda henni inn
Hér er ferillinn hans Hlyns
[img:2asrbyur]http://www.f4x4.is/new/files/photo/default.aspx?file=files/photoalbums/4674/34419.jpg[/img:2asrbyur]
Ég sá í Veiðihorninu Síðumúla 8
Eðalgóð fóðruð kuldastígvel.
snilldar fóðraða kuldaskó minnir að þetta hafi átt að þola -40° held að þar séu líka til snjóþrúgur sem er snilld til að ganga á jöklunum eða bara í snjónum.
Þetta var allavega til í fyrra hjá þeim á eðalverði.
You must be logged in to reply to this topic.