4-link vs Rangerover/bronco stífur

Kalli legðu þig undir Pajoroinn þá sérðu þetta allt hvernig skal gera þetta:)rugl og bull þetta 4-link:)

Það eru margir með Bronco stífur að aftan sem eru bara mestu mistök sem þú gerir í fjöðrunarsmíði, þ.e.a.s. ef þú ætlar að drífa eitthvað. Jú þetta er mjög þægileg og einföld lausn að setja þetta undir að aftan en bíllinn á eftir að hlamma sér alltaf á rassgatið þegar þú setur í rörið og færa þyngdina alla á afturhásinguna þegar þú ert að fara upp brekku og þarmeð ekki drífa upp brekkuna.

Að framan er þetta snilld, bíllinn reynir að ýta hásingunni niður þegar þú gefur í ,og þarmeð grípur bíllinn mun betur að framan en ella.

Enda sérðu að bílaframleiðendur setja þessa fjöðrun einungis að framan í jeppum, Jú að undanskildum einum jeppa Jimmy.

Með four link (venjulega notuð A stífa að ofan og síðan 2 að neðan). Þú ert örugglega að meina 5 link.. þar sem tvær stífur eru að neðan og tvær að ofan, síðan er ein hliðarstífa semsagt 5 stífur eða 5 link.

5 Link og 4 link kerfin eru oftast smíðuð stillanleg, það er mun mikilvægara að öll mál séu rétt í þeirri smíði, nema að hafa nokkur stilligöt til að geta stillt hvort að bíllinn eigi að pressa sig saman eða sundur þegar þú gefur í.

Passaðu þig ef þú ætlar að smíða 4 link með A-stífu að ofan, Þá verða neðri stífurnar að vera alveg láréttar þegar bíllinn stendur, og helst hafa þær soldið langar. Ástæðan fyrir þessu er að ef þær halla, þá mun bíllinn alltaf beygja þegar þú gefur í og bremsar…. mjög leiðinlegt vandamál.

Besta setupið , hef ég heyrt, að sé patrol stífur, range rover, eða lc stífur að framan og síðan 5 link eða 4 link að aftan. Og stilla afturfjöðrunina þannig að bíllinn pressi sig örlítið í sundur að aftan þegar gefið er í.

En þetta er nú bara það sem ég hef heyrt frá reyndum gæjum í gegnum tíðina.

Gangi þér vel.

kv
Gunnar

Nokkur atriðið í viðbót við það sem Baldur segir.
Þeim mun styttri sem vegalengdin d er, því meira "wheel-hop" á sér stað undir átaki (drifkraftarnir hafa meiri áhrif á fjöðrun). Wheel hop er þegar dekkið hoppar við harða inngjöf. Við þekkjum þetta hop mjög vel í snjóakstri (bíllinn hoppar þegar hann er farinn að krafla sig áfram). Þeim mun lengri sem vegalengdin d er þeim mun minni áhrif hafa drifkraftarnir á fjöðrunina. Séu stífurnar samhliða hafa drifkraftarnir engin áhrif.
Persónulega tel ég best að hafa d tiltölulega langt (minna hop hlýtur að þýða betra, jafnara grip í snjó). Anti squat og Anti dive eru hlutir sem skipta ekki svo miklu máli á trukk. Einna helst að það sé svolítið pirrandi við hemlun, að afturendinn skjótist mikið upp.

Annað, og það er hæðin á hliðarstífunni. Hæðin á henni stýrir veltipunkti fjöðrunarinnar. Veltipuntkurinn er sá punktur sem hásingin veltur um þegar hún misfjaðrar. A Rover systemi þá er hásingarendinn á A-stífunni ("stýrisendinn") þessi punktur.
Þeim mun nær þyngdarmiðju bílsins sem þessi punktur er (þ.e.a.s. hærri), þeim mun minni tilhneigingu hefur bíllinn til að halla í beygjum (minna svagur).
Þeim mun neðar sem þessi punktur er, þeim mun minna kast er á yfirbyggingunni við (mis)fjöðrun (þú upplifir betri fjöðrun vegna minni hreyfingar á þér og svo er minni mótstaða við fjöðrunarhreifinguna þar sem minna þarf að hreyfa yfirbyggingu bílsins). Þeim mun neðar sem punkturinn er, þeim mun nær grindarbitunum fara dekkin við misfjöðrun. Þetta hindrar að hægt er að hafa þennan punkt neðarlega á mörgum bílum (t.d. hilux). Þessi punktur þarf ekki að vera jafn hár að framan og aftan.

M.ö.o. hið fullkomna, eða hið eina rétta setup er ekki til, og best er að hafa þyngdarpunkt bílsins eins neðarlega og hægt er (lár þyngdarpunktur hefur jákvæð áhrif á allt ofangreint).

Og eitt enn, 4/5-link fjöðrun hegðar sér nákæmlega eins og 3-link (eða Bronco-stífur) sem hefur stífur sem eru jafn langar og vegalengdin d.

Einni mesti kosturinn við 3-link fjöðrun að framan er að stífurnar hindra bílinn í að taka dífu við harða hemlun (plús það að það er oft erfitt að koma fyrir 4-link kerfi án þess að hækka bílinn mikið).

kv
Rúnar.
ps. Heimildir úr sömu bók og Baldur vitnar í.

Ég er með Traveler, setti undir hann 5 link að aftann, staðsetning á efri stífum er stolin frá Cruiser 90. Á Cruisernum er þverbiti sem efri stífurnar lenda á, en þar sem Scoutinn hefur mun mjórri grind, þá er hægt að setja efri stífur beint í grind. Fékk progressive gorma hjá BSA og Koni dempara. Síðan var mér bent á að þverstifa að framan ætti að halla eins og þverstífa að aftan, annars myndi hann snúast við fjöðrun. Get sent þér teikningar af þessu ef þú vilt.

Þegar ég var að setja upp rallíbílana mína í gamla daga reyndi ég að notast við þessar upplýsingar sem Baldur er að benda á en komst fljótlega að því að þetta eru mjög vafasöm vísindi og ég held meira að seigja þetta sé kolrangt, líka með tilliti til hröðunar. Hvað ef stífurnar eru samsíða ,ef bilið lóðrétt er haft það sama í grindinni og á hásingunni, þá verður d óendanlega stórt og e ekki til. ? Það sannar eiginlega að þetta eru ekki vísindi heldur kerlingabækur. sem menn ættu að taka með fyrirvara. Þar fyrir utan þá miðast þetta við að bíllinn hafi hröðun. Jeppi sem er að keyra í snjó sem hann rétt drífur í, hefur eiginlega enga hröðun, þannig að jafnvel þó eitthvað vit væri í þessu þá gagnast það jeppaköllum lítið.
Það er mikill grundvallar munur á broncostífum og linkuðum fjöðrunarkerfum og það er oft ekki hægt að ná fram sambærilegum eiginleikum í þeim sama hvað maður stillir. þó er hægt að gera linkaða fjörun að broncostífu með því að hafa festingarnar í grindinni á sama stað lóðrétt.