4 – link

ef þú getur fengið stífur undan range rover þá mæli ég með að taka Astífuna líka og setja range rover fjöðrunina undir luxinn eins og hún kemur úr kúnni. margfallt liðugri og skemtilegri fjöðrunarbúnaður en 4 link.

það mun væntanlega vera stífan sem gengur i A þ,a,s að mig minnit þá festist hun á tvem stöðum í boddý og einum stað á hásingu

nema ég sé að fara með vitlaust mál þá verð ég bara leiðréttur

Kv:Dabbi Snjóræningi R-2856

A stífan kemur eins og menn segja ofaná hásinguna, þverstífurnar eru hinsvegar yfirleitt neðar. Báðar stífurnar stjórna svokölluðum veltipunkti fjöðrunarinnar og verður sá punktur hærri með A-stífunni en með hefðbundni þverstífu. Hár veltipunktur þýðir minni vilji til að halla í beygjum EN meira kast og tregða við hraða misfjöðrun (eins og þegar maður keyrir eftir ósléttum slóða). Eða svo segir allavega teórían.

Þegar kemur að fjöðrunaruppsetningu er ekkert best, allt hefur kosti og galla. Engin leið er réttust, þó sumar séu nú kannski réttari en aðrar…..

kv
Rúnar.

Eini gallinn sem ég sé við A- stífuna er að hún tekur dýrmætt tankapláss! Með samsíða 4-link þá er hægt að hafa tanka á milli stífanna og drifskaftsins.

kv. Kristinn

ég pældi svoldið í þessu á sínum tíma og komst svo að því að til að geta komið A stífunni fyrir undir bílnum og leift henni að hreifa sig eðlilega. Þyrfti ég að fórna tanka plássinu. Nema að hafa bílinn fáránlega háann. Þetta er annað mál í landcruiser þar sem er allt plássið í heiminum
Útkoman varð 3-link.
s.s ein stífa ofaná kúluna og ein við hvort hjól. og svo auðvitað þverstífa. Útkoman er góð.

Ef þú ferð í þessa A stífu hafðu hana þá með annaðhvort original range dótinu eða þá þessu dana systemi sem einhver nefndi hérna fyrir ofan.

A stífu og trailingarma fjöðrunin er líklegast einhver liprasta og besta afturfjöðrun sem hægt er að hugsa sér. Ef þú kemur henni við ertu í góðum málum. Ekki er hún einungis sterk og laus við þvingun. Heldur býður uppá óvenju slaglanga misfjöðrun. Þá er hún algerlega laus við hvimlett "Bump steer" sem hrjáir flesta bíla með "Panhard rod" eða þver/ská stífu eins og menn hafa kallað það fyrirbæri hér. Gallinn hinsvegar við A stífuna og helsta ástæða þess að engin notar hana nema Land Rover (í Defender) er plássið sem hún tekur. Menn geta þó losnað við "Bump steer" með annari aðferð, en það er "Watts linkage". A stífunni var einmitt skift út fyrir radíusarma og "Watts Linkage" í Discoverinum. Sem gaf bílnum meiri fólksbílaeiginleika í akstri á kostnað jeppaeiginleika. Vegna aukinnar tregðu sem er innbyggð í nýja fyrirkomulagið. Allt þetta má auðveldlega smíða frá grunni t.d. A stýfu fjöðrunina með öllu tilh. Skipta menn þá gjarnan út kúluliðnum í A stífunni fyrir stóran "Rod enda" Sem reyndar fæst núorðið stillanlegur til að mæta sliti (þ.e. kúluliðurinn).
Ef ykkur vantar nýjar fóðringar í Roverdótið, þá er óhætt að hafa samband en við í Tomcat á Íslandi eigum alltaf fóðringar á lager á góðu verði. Þá er rétt að benda á grein í aprílhefti Land Rover Monthly, bls 110 en þar er lýst Max Traction Extreme breytingu á Range Rover Classic. Í sama blaði ræðir sami greinahöfundur við John Cockburn en hann vinnur með Paul Williamson hjá Tomcat UK. Hann hefur reyndar verið hjá okkur með anna fótinn á milli þess sem við heimsækjum hann. Saman erum við í þróunarsamstarfi með allt sem við kemur Tomcat og LR tengdum vörum. Eitt af því sem þessir snillingar gera er að smíða veltibúr í allar tegundir jeppa og keppnistækja. Ítreka ég hér með boð mitt um að fá tilboð í einhvern tiltekinn fjölda búra í einhvern ákveðin fjölda mismunandi tegunda bíla. Það skal vera hagkvæmara að gera þetta í hóp. Svo væri etv athugandi að fá þá til að mæta með sýnishorn ef áhugi er fyrir hendi og taka pantanir, þeir verða hvort eð er töluvert á ferðinni hér í sumar vegna rallýþátttöku Tomcat.

Með bestu kveðjum

Steini

Þorsteinn Svavar McKinstry
698 9931
mckinstry@tomcat.is

Þetta er væntanlega það að stutt þverstífa, eða mikið hallandi þverstífa veldur því að hásinginn (og bíllinn) gengur aðeins til hliðar við mikla fjöðrun (út af boganum sem þverstífan ferðast eftir). Fær mann til að finnast bílinn beygja pínu. Löng og flöt þverstíma lámarkar þetta. A-armurinn hefur ekki þessa leiðinda hegðun, enda mikið notaður þar sem mjög slaglöng fjöðrun er.

Hvað þessa þvingun varðar þá skil ég það ekki heldur. Allavega var engin þvingun í 4-link uppsetningunni að aftan hjá mér. Gat velt hásingunni með einni hendi eins mikið og pláss var fyrir (áður en demparar og gormar voru settir í). Engin þvingun fyrr en hásingin rakst í grindina annarsvegar og í gólfið hinsvegar (þá varð töluverð þvingun)….

Annars geta stífurnar haft meira hlutverk en bara að halda hásingunni á sínum stað. Kannski maður skrifi smá grein um það í kvöld ef tími vinnst til.

kv
Rúnar.

þú átt væntanlega við þá þvingun sem verður þegar bíllinn misfjaðrar, því þá þarf í raun að snúast upp á stífurnar í 4 linkinu. En fóðringarnar taka þetta á sig.
Ég veit ekki hvort það er bara tilfinning hjá mér, eða leggjast bílar með A-stýfum meira út úr beygjum heldur en vel upp sett 4-link?

En ég er allavega sáttur með 4linkinn í bílnum mínum, fjörðunarlengdin verður ekki meiri nema ég skeri restina af aftur brettunum í burtu, svo ég skil ekki hvað menn eru að eltast við meiri misfjörðun. Nú eða þá að dúndra hásingunni niður, en þá væri bíllinn orðinn of hár að mínu mati.

en Rúnar; skrifaðu endilega grein.