38" Super Swamper

Ja ég hef nú ekki ekið á þessum dekkjum en góður kunningi minn var með þessi dekk undir gamla patrol og það var fínt að keyra á þeim fyrir utan hávaðann sem var í þeim, þau eru jú dálítið gróf, en ástæðan fyrir því að ég hef aldrei farið í þessi dekk er sú að ég fór með honum í fjallaferð fyrir nokkrum árum þar sem við þurftum að hleypa töluvert úr. Þegar við pumpuðum í niður í Hrauneyjum kom í ljós að 3 dekk af 4 voru öll í kúlum og eitt hvellsprakk á leiðinni heim og hin voru vírslitin og ónýt. Þetta eina sem ekki var í kúlum hvellsprakk síðan innan við mánuði seinna. Vafalaust er hægt að segja sambærilegar sögur af fleiri dekkjategundum, en ég hef amk ekki fengið mér SuperSwamper eftir þetta. Í dag keyri ég um á AT 405 og mun ekki gera það aftur. Mín reynsla er að Mödderinn ber af í dekkjamálum og þar á eftir mundi ég fá mér Ground Hawk. Var á þeim í nokkur ár talsvert slitnum en algerlega vandamála lausum, hleypti úr og alles. Mudderinn sem ég var með undir Hiluxnum sem ég átti var 36" og voru í alla staði snilldar dekk. Núna er ég á Landcruiser og fæ mér sennilega Ground Hawk aftur undir hann þegar ég endurnýja dekkin, sem er alltof stutt í miðað við verðið á dekkjum í dag.
Kv Beggi

Það sem ég var að segja þér Árni er bara byggt á minni reynslu af þessum dekkjum og skoðun minni á þeim. Það tekur ekki bara til þessarar einu ferðar sem ég nefndi. Aðrir hafa eins og þú sérð aðrar skoðanir. Þó veit ég það alveg fyrir víst að Bragi hefur ekki hugmynd um hvaða aðstæður voru eða hvaða loftþrýstingur var í dekkjunum í ferðinni sem ég og kunningi minn vorum í. Þar af leiðandi veit hann ekkert hvort það var ekið með of lágan loftþrýsting við rangar aðstæður.
Hinsvegar eru, eins og Bragi segir, SSR með sterkari hliðar en td. mudder og AT405, en það gerir SSR dekkin mun viðkvæmari fyrir úrhleypingu sem er jú aðferðin sem við notum til að auka flotmagn og bæta drifgetu bílanna okkar. Þegar AT 405 voru hönnuð var eitt af atriðunum við þau að hafa hliðarnar þunnar til að þau þyldu betur úrhleypingu (vegna minni hitamyndunar). Hliðarnar í þeim eru svipaðar og í Mudder. Mudder sem eru að mjög margra mati bestu dekkin eru einmitt ekki með mynstur niður á hliðarnar, mynstur niður á hliðarnar er eflaust til bóta hvað grip varðar en gerir dekkin viðkvæmari fyrir hita. Í þessari ferð sem ég var í voru þónokkrir bílar á hinum ýmsu tegundum af dekkjum. Bara tveir voru á ónýtum dekkjum á leiðinni heim, við og annar sem var á TreXus 38". Þau eru líka með sterkari/þykkari hliðar eins og SSR en ekki mynstur niður á hliðarnar. Í þessari ferð sem ég var í var nægur snjór á jörðu með 20-30 cm púðri ofaná = næg kæling fyrir dekk, nema kannski þau dekk sem eru með sterkar hliðar??
Kv Beggi