This topic contains 6 replies, has 1 voice, and was last updated by 
-
Topic
-
AnonymousÉg er byrjandi í jeppaferðum og er að velta fyrir mér gagnsemi 38″ dekkja umfram 35-36″. Kostnaður er umtalsvert meiri.
Í dag keyri ég á 35″ dekkjum á Nissan King cab sem hefur verið breittur af fagverkstæði fyrir þessa stærð af dekkjum a.m.k.
Mínar vangaveltur og sem ég hef mikinn áhuga á að fá álit annara á, við hvaða aðstæður fer ég að „græða“ á 38″, hvað veitir þessi stærð mér sem 35″ getur ekki gert?
Munar það flatarmál sem kemur af 38″ tommum með 5 pundum í því að ég get komist meira á svona bíl en það sem flatarmál 35″ getur fleitt mér áfram.
Af einhverjum ástæðum segir skynsemin mér að svo sé ekki.
Er ekki meira vit að fá sér læsingar að aftan/framan og hafa þær til taks þegar þau atvik koma upp að maður festir sig.
Það væri gaman að fá svör frá mönnum sem hafa reynslu af hvoru tveggja.
Takk fyrir
Árni.
ps. mér þætti einnig vænt um að einhverjir með reynslu litu á myndina í albúminu mínu og segðu álit sitt á því hvort þeir teldu að viðkomandi bíll væri hæfur til að taka á móti 38″ dekkjum á breitinga á húsi. Bíllinn er núna hækkaður um 10 cm á húsi ásamt líklega fleiri breitingum sem voru gerðar fyrir þá stærð sem hann er á í dag. Takk
-
Replies
-
Það er engin spurning um að þú kemst miklu meira á 38" heldur en minni dekkjum. Þú munt finna muninn í flestum ferðum. Læsingar að framan og aftan eru líka nánast nauðsyn, sérstaklega ef þú vilt geta farið fremstur.
Eina afsökunin sem ég tek til greina fyrir því að vera á svona bíl á minni dekkjum en 38" og ólæstum væri að þú ættir ekki fyrir því. Þú getur ferðast fullt á þessum bíl á 35" og ólæstum. Engin ástæða er til að láta smá blankheit stoppa sig í að ferðast og vera með, en ef þú getur þá er hitt miklu betra, engin spurning, það er ekki spurning um tísku.
Þú kemur varla 38" dekkjum undir án þess að klippa úr brettum, en með því að klippa aðeins ættu þau að komast undir án annara breytinga. Kíktu við hjá Breyti(http://www.breytir.is), þeir þekkja þessa bíla vel.
Bestu kveðjur
Snorri Ingimarsson
Anonymous- Umræður: 0
- Svör: 16404
og takk fyrir greinargott svar. Þú ættir að komast leiðar þinnar á þínum:)
Það voru aðrar ástæður en kostnaður sem réðu því að ég setti 36" dekk undir minn bíl í stað 38". Það er ekki mikill verðmunur á 36×14.5 og 38×15.5 mudderum.
Það sem mestu máli skiptir er flotið sem dekkin gefa, en það fer eftir hlutfallinu milli þungans sem hvílir á hverju hjóli og flatarmáli snertiflatar. Minn bíll er það léttur að ég hef svipað flot á 36" eins og t.d Barbí eða Trooper á 38" og talsvert betra en Patrol eða LC-80.
Stærri dekkjum og breiðari felgum fylgir meira álag á legur og stýrisgang og meiri hætta á því að hásingar bogni, ég valdi 36" dekkin fyrst og fremst til þess að draga úr viðhaldi og hættu á bilnum. Brettakantarnir og drifhlutföllin sem ég nota henta jafnvel fyrir 38" og 36". Það kemur vel til greina að fara í 38" þegar kemur að því að endurnýja dekkin en þá stefni ég á að vera búinn að styrkja framhásinguna.
Anonymous- Umræður: 0
- Svör: 16404
sem gengu í gegnum kollinn minn eftir svar fyrsta manns. Í raun er þetta einföld eðlisfræði, þungi og snertiflötur. Það er sama hér það er ekki kostnaður dekkjanna sem er að plaga mig heldur sú staðreynd hvað í raun er nóg. Gamall iðnaðarmaður sagði eitt sinn við mig að nútimaiðnaðarmaðurinn gerði í flestum tilfellum of mikið af öllu, þ.e. varðandi notkun efna þegar miklu minna dyggði til sama árangurs í flestum tilfellum. Eitthvað er það sem segir mér, þrátt fyrir ofurtrú reyndari manna en ég er, að snertiflötur 35 og 36 tommu dekkja sé yfirdrifinn til að láta bíla í þyndgarflokki míns gera það sem þeir þurfa þegar lofti hefur verið hleypt út og það sem á vanti náist með því að koma drifi á fleiri hjól. A.m.k. ætla ég mér að reyna til hins ýtrasta og rannsaka hvar flöskuhálsinn gæti orðið í að hindra mig að komast það sem ég þarf að vetri til á þá áfangastaði sem bílar í svipuðum þyngdarflokki og minn komast á stærri dekkjum.
Góðar spurningar
Mín reynsla
Þá fer þetta eftir því hversu mikið þú ætlar að ferðast yfir há veturinn.
35" dekk bera bílinn allann fjandann. 35" og læsing bera hann enþá meira og hjálpar mjög þegar í vandræði er komið.
35" dekk eru mun skemmtilegri í keyrslu og í sumarferðir.
Ég hef einungis 3 sinnum lennt í því færi að 35" sé of lítil dekkja stærð undir bíl sem er ca 1800kg. Það liggur mun meira í bílstjóranum heldur en dekkjunum.
En á 38" með læsingu að framan hef ég farið helling og sjaldnast verið dragbýtur.
Meira drif og betra flot með 38" dekkjum fellst aðallega í lengri bana sem liggir á snjónum og ber þyngdina. Stundum er virkar 35" með fínu mynstri betur en 38" mudder. Þannig að mynstrið hefur sitt að segja.
38" dekk eru yfirleitt 2"-3" breiðari enn 35" dekk og út frá því einu færðu meira flot plús það að dekkin eru hærri og því lengist banin sem er aftur meira flot. Oft vill muna miklu um 0,5 pund í loftþrýstingi um hvort bíll fljóti eða nái gripi í snjó svo það hlýtur að skipta máli með aukið flatarmál.
Ég myndi byrja á því að fá mér góðann vanann aðstoðarbílstjóra til að kenna akstur í snjó áður en farið er út í miklar breytingar. Það er mun ódýrara og hvort sem þú endar á 38" dekkjum og harðlæstur eður ei nýtist sú þekkingin helling.
Kveðja Fastur
ps. f4x4 ætti að leigja aðstoðarbílstjóra til að kenna mönnum að keyra. Ég græddi helling á mínum.
pps. Ég hef ekki vit á því hvort bíllinn þinn beri stærri dekk eða ekki né hvað þarf að gera svo ég ætla ekkert að seigja til um það.
Anonymous- Umræður: 0
- Svör: 16404
Besta leiðin fyrir þig til að fá svar við þessari spurningu er að fara í ferðir og prófa bílinn í mismunandi færi. Sjá hvað þú kemst og hvernig þér gengur að elta 38" bílana. Þá finnurðu fljótt hvort dekkjastæðrðin sé þér til trafala eða hvort þetta sé nægjanlegt.
Það er samt engin spurning að 38" gefur meira flot og aukið grip og alltaf hægt að lenda í þeim aðstæðum að þú þarft á öllu að halda sem völ er á. Hins vegar spurning hversu oft það er, það ræðst kannski af ferðavenjum.
Kv – Skúli
You must be logged in to reply to this topic.