38 og 44++++

Snýst þetta ekki um að þú finnir þér félaga sem eru á svipuðu reki og þú, þe. með sömu eða svipaða dekkjastærð. Þá verður ferðahraði ykkar að öllum líkindum sambærilegur.

Ef þú ert að spá í hvort félagið eigi að hleypa minna breyttum bílum í fullvaxnar ferðir hefur reynslan sýnt að það er ekki það sniðugasta sem hægt er að gera. Spilar þar sjálfsagt drifgeta og ferðahraði mestu.

Þess má geta að það sem menn fóru á 35" fyrir nokkrum árum á helgi fara menn á skemmri tíma í dag vegna stærri dekkja t.d. 38" – 44".

Það virðist vera að meirihluti virkra félagsmanna séu á 38" dekkjum og hafa því ferðir yfirleitt miðast við þá.

Ég sé ekkert að því að menn skipuleggi ferðir fyrir minna breytta bíla og hefur það verið gert og þá einnig verið fundin viðeigandi verkefni sem hæfa þeirri dekkjastærð.

Skipuleggjendur ferða vilja ekki lenda í því að vera með nokkra minni bíla í of erfiðu færi. Má t.d. nefna að ég hefði ekki viljað lesa fréttir um 35" bíla í krapatúrnum sem suðurlandsdeildin fékk sér í Landmannalaugar í fyrra þar sem sexhjóla bílarnir voru þeir einu sem dugðu.

Það vissulega kemur stundum fyrir að minni og léttari bílar eru þeir einu sem virka og spóla hringi í kringum þunga draslið, en stærri dekk virka betur að meðaltali.

Vona að þetta sé innlegg í þínar pælingar og gaman væri að fá málefnalegt svar við þessu.

Góðar stundir
Elvar

Ágætist félagsskapur virðist mér vera að myndast innan/undir merkjum f4x4 sbr. þennan [url=http://www.f4x4.is/vefspjall/tradur.asp?t=2689:28qdjduu]þráð[/url:28qdjduu].

Mér sýnist almennt að þeir sem eru komnir á 38"++ innan klúbbsins nenni hreint ekki að hafa minni ferðafélaga í vetrarferðum og legg til að menn hætti að ergja sig á því. Leiðinleg afstaða hjá mörgum ágætis manninum (sem betur fer ekki öllum), en því miður þá er þetta bara svona.

Smelltu þér bara á [url=http://www.f4x4.is/vefspjall/tradur.asp?t=2726:28qdjduu]fundinn[/url:28qdjduu] í mörkinni næsta miðvikudag .

kv.

Sigurður M.

Þetta er ótrúlegur misskilningur að menn hafi verið að fara allt það sama í gamla daga á þungum bílum á litlum dekkjum og verið er að fara í dag. Auðvitað fóru menn á þessa sömu staði en bara ef færið var gott, núna fara menn í hvaða færi sem er, á þessu er stór munur. Á góðum degi er hægt að fara ýmislegt á litlum dekkjum en ef þú vilt geta ferðast nánast hvaða helgi sem er, hvert sem er, þá þarftu stór dekk. Ég hef t.d. ansi oft lent í þannig færi á Langaskafli að ef ekki hefði verið lágt gíraður 44" bíll til að ryðja leið þá hefðu allir 38" bílarnir snúið við, þeir drifu ekki neitt. Þá er ég að tala um létta 38" bíla, sem drifu ekki neitt nema í förunum eftir 44" bílinn. Ég hef reyndar líka lent í færi þar sem allir drifu meira en bílar á 44" (sólbráð á jökli), en að jafnaði drífa stór dekk betur.

Bjarni G.

Þessi umræða er nú að verða búinn að taka nokkuð marga góða snúninga hér á vefnum, ætli
[url=http://www.f4x4.is/vefspjall/tradur.asp?t=2531:7bu4tvw8]þessi þráður[/url:7bu4tvw8] hafi ekki verði sá síðsti, en hægt að finna þetta víðar m.a. í umræðunni um kvennaferðina.

Það má vissulega segja að hvað flot varðar hefur Súkkrules nokkuð til síns máls, þ.e. að súkka á 33" hefur sjálfsagt ekki minni flot en þungur bíll á 38". Þetta er náttúrulega allt hægt að reikna og væri gaman að taka nokkra misútbúna bíla og bera saman. Hleypa úr niður í 3 pund, mæla snertiflötinn og reikna út þyngd pr. fersentimeter.

Á hinn bóginn er flotið ekki það eina sem skiptir máli, t.d. við þær aðstæður sem núna eru á hálendinu. Þetta leiðir alltaf að því að best er að svipaðir bílar ferðist saman, þó það þurfi kannski ekki að hengja sig alfarið í slíka reglu.

Kv – Skúli

Það væri áhugavert að fá einhver viðmið um flot og þyngd, sbr. ekki er óalgengt að talað sé um að minni bílar fái að fljóta með en það sé háð mati fararstjóra – sem segir ekki nokkrum manni nokkuð.

Kannski þetta sé eitthvurt verkefni fyrir tækninefnd ?

kv.
Sigurður M.

Vegna nýliðaferðar í [url=htt://um44.klaki.net/setur04:9v57wsty]Setrið[/url:9v57wsty] þá var talað um að menn væru tilbúnir að aka með 3 psi í dekkjum. Þetta er ekki vandamál t.d. fyrir lítnn fox á 30" dekkjum en þetta stendur tæpt fyrir þyngstu gerðir af landcruser eða patról, á 38" dekkjum. Þó eru nokkrir slíkir skráðir í ferðina, en aðeins einn bíll á 35" (suzuki vitara) og enginn á minni dekkjum en það.

Ein aðferð til að bera saman flot eftir þyngd og dekkjastærð, er að deila breidd og þvermáli dekkjnna í eiginþyngd bílsins.

En nákvæmasta aðferðin er hreinlega að mæla hversu mikið loft þarf að vera í dekknjunum til þess að lyfta felgunum frá jörðu, á sléttu undirlagi.

-Einar

Í [url=http://www.f4x4.is/klubburinn/sprs97.pdf:1gt4dphh]sprengisandstúrnum 1997[/url:1gt4dphh] voru notuð þessi viðmið:

Bíll yfir 2500 kg. þarf 44" dekk
Bíll 2000 – 2500 kg. þarf 38" dekk
Bíll 1500 – 2000 kg. þarf 36" dekk
Bíll undir 1500 kg. þarf 35" dekk

Þetta er miðað við tóman bíl og reiknað með að þeir myndu þyngjast nokkuð jafnt. Aðeins var reiknað með tveimur fullorðnum í hverjum bíl. 1500 kg. bíll með fjóra farþega og farangur fyrir þá slyppi t.d. ekki með á 35".

Bjarni G.

Sælir

Ég reiknaði að gamni mínu út hver þrýstingur bíla á undirlagið er. Hér á eftir er tafla sem sýnir niðurstöðurnar. Þetta er þrýstingur mældur í kg/cm2 og miðað er við að búið sé að hleypa það mikið úr að helmingur belgsins sé lagstur. Miðað er við að helmingur hæðarinnar fari í að aukna breidd dekksins.

Þetta er að sjálfsögðu ekki nákvæmt því að dekk leggjast á mismunandi hátt eftir gerð en þettæ ætti að geta gefið mönnum hugmynd um það hvernig bílar fljóta.

Miðað við það sem áður hefur verið sagt mætti draga þá ályktun að þegar þrýstingur á undirlagið er undir 0,2 kg/cm2 þá sé það nægt flot.

Þyngd bíls Dekkjastærð
46×19,5 44×18,5 38×15,5 35×12,5 33×12,5 31×10,5
1000 0,04 0,05 0,07 0,09 0,10 0,13
1250 0,05 0,06 0,09 0,12 0,13 0,17
1500 0,06 0,07 0,10 0,14 0,16 0,20
1750 0,07 0,08 0,12 0,16 0,18 0,23
2000 0,09 0,10 0,14 0,19 0,21 0,27
2250 0,10 0,11 0,16 0,21 0,23 0,30
2500 0,11 0,12 0,17 0,23 0,26 0,33
2750 0,12 0,13 0,19 0,26 0,29 0,37
3000 0,13 0,14 0,21 0,28 0,31 0,40
3250 0,14 0,15 0,22 0,30 0,34 0,43
3500 0,15 0,17 0,24 0,33 0,36 0,47
3750 0,16 0,18 0,26 0,35 0,39 0,50
4000 0,17 0,19 0,28 0,37 0,42 0,53
4250 0,18 0,20 0,29 0,40 0,44 0,56
4500 0,19 0,21 0,31 0,42 0,47 0,60
4750 0,20 0,23 0,33 0,44 0,49 0,63

Af þessu má sjá að 1250 kg bíll er að fljóta álíka vel og 2500 kg bíll á 38".

Vonandi kemur þetta rétt út og einhver geti haft gagn af.

Kveðja Benedikt

taflan rann að vísu öll saman en það má lesa úr þessu með góðum vilja…

BM

[HTML_END_DOCUMENT]

46×19,5
44×18,5
38×15,5
35×12,5
33×12,5
31×10,5

1000
0,04
0,05
0,07
0,09
0,1
0,13

1250
0,05
0,06
0,09
0,12
0,13
0,17

1500
0,06
0,07
0,1
0,14
0,16
0,2

1750
0,07
0,08
0,12
0,16
0,18
0,23

2000
0,09
0,1
0,14
0,19
0,21
0,27

2250
0,1
0,11
0,16
0,21
0,23
0,3

2500
0,11
0,12
0,17
0,23
0,26
0,33

2750
0,12
0,13
0,19
0,26
0,29
0,37

3000
0,13
0,14
0,21
0,28
0,31
0,4

3250
0,14
0,15
0,22
0,3
0,34
0,43

3500
0,15
0,17
0,24
0,33
0,36
0,47

3750
0,16
0,18
0,26
0,35
0,39
0,5

4000
0,17
0,19
0,28
0,37
0,42
0,53

4250
0,18
0,2
0,29
0,4
0,44
0,56

4500
0,19
0,21
0,31
0,42
0,47
0,6

4750
0,2
0,23
0,33
0,44
0,49
0,63