38″ dekk

Gleymdu því!

Þau eru alltof stíf = ekkert flot.
Sparaðu aurinn á einhverri tilraunastarfsemi og farðu beint í Mudder þú endar þar hvort sem er.

Benni

Ég held að þetta sé spurning um það hvort þú ætlir að hoppa á mödder á fjöll eða keyra og fara allt á D.Cepek endast töluvert betur líka cepekinn.

Ég hef bara farið 3 ferðir á jeppanum mínun og ég er með 38" súper svamper, sem sagt hörð dekk. Mér hefur sýnst að ég þurfi að vera 2 til 3 pundum undir því sem bíll með 38" DC er með og þegar færið er orðið þungt er mælirinn bara hafður inní bíl því hann sýnir ekkert, ég nota bara augun.
En ég hef ekki mikla reynslu af ferðum þannig að ég get ekki fullyrt að þetta sé svona, en ég held að maður fái ekki sterkari dekk en súper svamper upp á grjót að gera.

Það má nú ekki gleyma því að hægt er að fá Ground Hawg á 39900kr og þótt ég sé mödder maður þá tími ég ekki að borga tíuþúsundkall auka fyrir að vera á mödder en ég hef notað báðar gerðir og fyrir mér eru þau áþekk við flestar aðstæður.

DC dekkin sem maður fær í dag eru ekki radial heldur kevlar og þau eru ekki að fletjast eins vel og radial svo maður er nú á því að GH séu bestu kaupin í dag.

Hlynur R2208

Ég var með D/C sem var á nýlegum Mudder. Þeim var stolið undan og ég fékk lánuð Parnelli Jones-dekk. Þau komu helvíti vel út, mun betri keyrsludekk en Mudderinn, bíllinn steinhætti að vera svagur, hljóðlát og mér fannst ég hreinlega vera kominn á fólksbíl. Samt voru þessi dekk meira slitin en gömlu dekkin mín. Ég fann engan mun á flotinu og ef eitthvað var flaut hann betur (eða ég varð betri og reyndari bílstjóri :). Síðan hef ég verið á Parnelli Jones. Ég fullyrði það hiklaust að þetta eru sterkustu dekkin sem þú færð í dag, sterkari en Swamperinn sem ég hef líka reynslu af. Mudderinn er hins vegar lélegastur og snjóleysið undanfarin ár tryggir þér a.m.k. eitt rifið dekk á vertíð Í þínum sporum mundi ég leita mér upplýsinga hjá þeim sem reynslu hafa af Parnelli Jones því þeir sem enga reynslu hafa af þeim trúa ekki á þau sem er öfugt við þá sem reynsluna hafa.

Ég er með parinelli og kann alveg rosalega vel við þau það er mjög gott að keyra á þeim mjúk og svo heyrist ekkert í þeim eins og í muddernum.
þau eru reyndar svoldið þyngri en mudderinn en á móti kemur að það er þykkara í þeim o.þ.a.l gatast þau ekki svo glatt.

ps.ég er reyndar að selja mín á fáránlega lágu verði, ekki vegna þess að mér líki þau ekki heldur vegna þess að mig vantar aurinn. : ) því ég verð á 44" í vetur.

Kveðja,
Glanni.

Sælir allir
Smá innlegg um Dick Cepec, mudder og fleira. Ég var í fyrra á DC-radial og líkaði vel, hljóðlát og lögðust vel þegar hleypt var úr en fannst oft sem þau mættu að ósekju vera grófari, bíllinn gróf sig ekki niður þó staðið væri eftir að hann stoppaði, hætti bara að fara áfram!! Þá fannst mér að grófari dekk hefðu skilað honum áfram.
Á tímabili var ég að hugsa um að fá mér kevlar dekk en er feginn að ég gerði það ekki. Ég var nefnilega samferða nýja Patról á Langjökli á svona dekkjum. Hann var kominn niður í 2,5-3 pund, en átti stundum í brasi með að komast áfram (Harðlæstur 44" skriðgírs bíll en á sumardekkjunum). Ég var að fylgjast með honum og horfa á dekkin vinna þegar þyngdi á hjá honum. Það er skemmst frá því að segja að mér fannst kevlarinn ekki leggjast eins og radial dekk heldur vöðlast eins og 44" (diagonal) dekkin. Það var tvennt ólíkt að horfa á útflattan mödderinn hjá mér og kevlarinn með brot og snúninga bæði fremst og aftast þar sem hann byrjaði að fletjast út. Ég var ekki í vafa, það voru dekkin sem voru að gera honum erfitt fyrir, ekki þyngdin á bílnum, þau bara lögðust ekki almennilega.
Hvað varðar mödderinn, líkar mér hann vel, sérstaklega í snjónum, gott flot og nú vantar ekki gripið, maður verður bara að passa sig að hætta að spóla um leið og bílinn hættir að fara áfram.
En hávaðinn á malbikinu!!!
Hef horft á GH vinna í snjónum og líst vel á, ekkert síðri en mödderinn. Aldrei haft tækifæri til að stúdera PJ í ferðum, bara ýtt ofan á þau felgulaus á gólfi, þar eru þau mun stífari en önnur dekk, DC gamli radial stendur varla undir sér sjálfur svo mjúkur er hann til samanburðar.

Meiri snjó, meiri snjó…
Siggi_F

ég er búinn að keyra á sama ganginum PJ í tvö ár, fyrst eitt ár undir Patrol 2000 sem var cirka 2500kg, síðan tæpt ár undir Wagoneer 1987 sem er cirka 1800kg. Ég hef samanburð á patrolnum sem hafði verið eitt ár með GH undir bílnum og á þeim tíma tókst mér að eiðileggja 4 dekk Þannig að ég tók því fagnandi að fá stærri og sterkari dekk á markaðinn. patrolinn var ögn þyngri í akstri en hann flaut betur í snjó á PJ og þau stóðust álagið undir svona þungum bíl og lögðust vel. Núna eru þessi sömu dekk undir litlum Wagoneer og virka vel, leggjast fínt en ég hef ekki samanburð á öðrum dekkjum undir þeim bíl. Ég er búinn að microskera og skera í munstrið og mæli með því, útkoman var meira grip og þau lögðust betur. Og núna eftir 60.000km
er PJ í fínu lagi og ættu að endast amk eitt ár enn.

Sælir,

Ég var með Patrol á svona Parnelli-Jones dekkjum og líkaði þau ágætlega. Mér var reyndar sagt af þeim sem umgengist höfðu þennan bíl að það dekkin kostuðu þó nokkuð af orku m.v. dekk sem hann var á áður (fyrir mína tíð). En þar sem það var 6.5 Turbo Dísel í bílnum þá gat ég ekki kvartað yfir aflleysi og togið var gríðarlegt með þessum mótór.

En málið var að eitt dekkið rifnaði með kantinum hjá mér. Þeir hjá Gummívinnustofunni tóku reyndar mjög vel á þessu og létu mig hafa annað (svipað slitið) dekk möglunarlaust og sögðu að þetta hefði gerst í örfá skipti. Ég var reyndar búinn að heyra af þessu áður og hafði gert mér sérstaka ferð til GVS til þess að heyra hvort þeir hefðu einhvað út á felgurnar mínar að setja varðandi dekkinn (heyrði að þeir hefðu kent felgunum um áður), en þeir höfðu engar athugasemdir.

Ég sel svo bílinn (sniff, sniff – sakna hans mikið) og það fyrsta sem ég heyri frá nýjum eiganda er að dekk hefði rifnað hjá honum á ferð. Hann var svo óhress með þetta að hann lét fjarlægja þetta undan bílnum og fékk sér DC í staðinn.

Spurningin er – hafið þið heyrt fleiri svona sögur, eða er þetta einstök tilvik eins og GVS halda fram?

Sælir félagar.

Bara af því að ég rakst á það í pistlinum hjá Hlyni, þá er rétt að ítreka að Bílabúð Benna er nú að bjóða "38 Mudderinn á 39.990 til félagsmanna. Þetta tilboð kynnti Benni á sl. mánudagsfundi (og ég held líka í Setrinu).

Ég er líka Mudder sinnaður! Við Hlynur erum þó allavegana sammála um dekk… ég átti nú síst von á því vegna þess hve lítið vit hann hefur á bílum…. ob ob ob…