38″ DC Kevlar dekkinn – hvernig er reynslan

Ég hef heyrt að þessi dekk leggist ekki nægilega vel þegar hleypt er úr og henti því ekkert sérlega vel til aksturs í snjó, en eru annars ágætis sumardekk.
Kv,
ÓAG R-2170

Sælir,

Í Janúar var ég í fylgd tveggja nýrra/nýlegra Patróla á Langjökli. Annar var 38" breyttur á 37" Super Swamper 12,5" breyðum dekkjum og hinn 44" breyttur með skriðgír á 38" kevlar dekkjum. Upprunalega nákvæmlega eins bílar en ábyggilega einhver munur á þyngd eftir breytingar.
Hvor um sig aðeins með bílstjóra.
Færið var svona meðal þungt og því hleypt vel úr. Ég fylgdist með dekkjunum hjá þeim og "vöðlið" og brotin í kevlar dekkjunum minnti mig helst á 44" dekkin.
Kevlar dekkin lögðust ekki vel og áberandi munur á þeim, 37"-unni og muddernum hjá mér hvað það varðaði.
Hvað varðar flotið og drifgetuna, þá gekk Patrólnum á 37" dekkjunum betur (reyndar alveg lýgilega vel) en þeim á kevlar dekkjunum þrátt fyrir að sá hefði skriðgír og framlæsingu að auki.
Annað dæmi er þegar við félagarnir vorum í annari ferð á Langjökli, hann á 35" Isusu CrewCab, fórum vandræðalaust fram hjá Trooper á 38" kevlar þar sem hann var í basli við að komast áfram.
Þannig að í snjónum hefur mér sýnst að kevlar dekkin séu ekki að virka.
En aftur á móti hef ég heyrt að sem keyrsludekk á vegum séu þau alveg draumur.

Kv.
Siggi_F