38″ breyting á Toy. X-Cap

Þegar ég fór út í þessa sálma þá var mér bent á eitt sem var sennilega langbesta ráð sem gefið er.

Það eru til fullt af þessum bílum bæði á sölum og í notkun, kíktu undir þá.

Þú lærir mest á því að kíkja undir sambærilega bíla og sjá hverju hefur verið breytt. Síðan leggurðu það á minnið sem þú sérð og reynir að átta þig á því sem er fengið með því sem hefur verið breytt. Þú skalt kíkja undir alla bíla sem þú kemst nálægt og skoða mismuninn á breytingunum og meta það síðan hvað hentar þér.

Síðan er óbrigðult ráð að fara með háþrýstitæki og þrífa undirvagninn og hreinlaga skoða það sem þú ert með í höndunum.

Pikkalóar eru þannig byggðir flestir allavega að þeir eru háir undir kviðinn og því þarf litlar áhyggjur að því. Sjálfkrafa verður þá þyngdin ofar í bílnum sem er frekar áhyggjuefni.

Hinasvegar má ekki gleyma sér í því að vilja ekki hækka bílinn upp af því að það er ákveðinn kostur að jeppinn geti fjaðrað mikið og best er að það gerist bæði að framan og aftan.

Svo er möguleiki fyrir þig að prufa 36" dekk. Þau eru til jafnbreið og 38" og bíllinn er það léttur að hann myndi sennilega afkasta ólíkt meira á þeim heldur en 35" og það mætti reyna að smella þeim undir eins og bíllinn stendur. Málið er nefninlega það að ef þú stækkar ummál dekkjanna þa´ertu líka farinn að missa aflið og þarft á hlutföllum o.s.frv. og það er dýrt. Í viðbót gætir þú þurft að breyta hraðamælinum aftur og það kostar helling líka.

Ég er ekki að letja þig í þessum hugleiðingum en þú ættir að athuga alla möguleika og alla galla breytinganna. Þú ættir að komast að því hvort brettakantarnir þoli stærri dekk, hversu mikla stækkun drifin þoli og hvernig vélin tekur breytingunni. Það er það allra leiðinlegasta við svona frankvæmdir þegar eitthvað kemur á óvart.

Kv Isan

P.s. Hilux eru ekki pjattbílar svo að 4" rör er prýðis hugmynd, það er svo leiðinlegt þegar stuðarinn kengbogna við litla ísskör sem er örlítið of há. Þá kemur svona rör í góðum notum, ég myndi jafnvel skoða ryðfrítt það er miklu flottara.

Það er rétt hjá þér að 5,71 hlutföllin henta best fyrir 38". Það er í lagi að nota 36" við þau, en bílinn verður frekar lágt gíraður þannig, þarft óþarflega mikinn snúning í langkeyrslu.
Kv – Skúli

Þetta lág hlutföll eru auðvitað viðkvæmari heldur en þau sem hærri eru, þetta er ekki nema kannski rétt rúmlega ein tönn á pinjon í einu á kambinum. Auðvitað er hægt að stúta því ef óvarlega er farið, en þetta þolir alla venjulega notkun. Persónulega kýs ég allavega að hafa lægri hlutföll og böðlast minna og er því vel sáttur við 5,71. Bíllinn er bara að virka betur í snjó þannig búinn.

Hlutfallið er milli kambs og pinjóns. Það eru líka til [url]tannhjól í millikassa[/url].

Þetta snýst ekki bara um niðurgírun í lága drifinu, líka í háa á venjulegum götuakstri. Hlutfallið þarf að vera þannig að bíllinn sé ekki of þungur af stað og kraftlaus í venjulegum akstri. Eins og eik bendir á þá er orðið hægt að fá niðurgírun meiri í millikassann, það er líka hægt að setja aukamilligír sem hefur tölvert verið sett í Hilux týpurnar, þetta hjálpar hins vegar ekki upp á í háadrifinu. Það hafa verið settir Rocky millikassar í einhverja, hann er með niðurgírun í háa þannig að hægt er að vera með hærra hlutfall í drifi, ef ég man rétt þá hefur t.d. verið notað 4,30. Orginal millikasinn er þá notaður í milligír til að ná góðri niðurgírun í lága, en Rocky kassinn er ekki með neitt sérstakt í lága. Hins vegar held ég að það sé ekki sérstök ástæða til að vera hræddur við 5,71 hlutfallið miðað við þann fjölda sen notar það, þetta snýst líka um afl, ef það er mikið þá er það líklega ekki skinsamlegt, en org Toy vélarnar eru held ég ekki vandamál hvað það varðar. Það væri best fyrir þig að komast í að prófa eða fá að heyra frá einhverju sem er með sambærilegan bíl á 5,29 hvernig það kemur út.

Kv. Helgi

Úr því þú ert með 5.71 í bílnum er þetta engin spurning um að halda sig við þau. Drifið getur brotnað af ýmsum ástæðum og örugglega nokkuð um að þau séu að brotna vegna þess að þau séu ekki nógu vel stillt inn, það er nákvæmisverk sem aðeins nokkrum snillingum er treystandi fyrir. Ég veit allavega dæmi þess að hærri hlutföll en 5.71 hafa verið að brotna af því þetta hefur ekki verið gert nógu vel, þrátt fyrir að fagmenn hafi verið látnir um verkið. Hlutföllin sem eru í bílnum hjá mér minnir mig að séu búin að vera þar í einhver 6 ár og það held ég sé bara ágætis ending því bílinn er keyrður mikið.

Það er rétt sem bent er á hérna að þetta snýst um fleira en lægstu niðurgírun. Menn hafa lent í því að eyðslan rýkur upp úr öllu valdi ef hlutföllin eru of há og bílinn verður allur leiðinlegri í akstri. Sérstaklega á þetta við ef þú ert með bensínvélina, dieselinn vinnur líklega betur með 5.29 hlutföllunum.

Kv – Skúli

Ef höggið er bara þegar þú setur í bakk, gæti verið að aftasta festingin á drifinu sé eitthvað slöpp, kannski farinn púði eða eitthvað, ég lenti í að þessi festing brotnaði eitthvað og það orsakaði heilmikinn gauragang.
kv.
Grizz

Sæll David.

Ég missti þráðinn þarna um daginn og sá ekki spurninguna þína. Ég hef látið Aron Árnason hjá Jeppaþjónustunni Smiðjuvegi 32 Kópavogi (587-2930) stilla inn mín hlutföll. Þau hafa komið vel út. Sjálfsagt eru til aðrir góðir menn í þessu líka en ég get mælt með Jeppaþjónustunni.

Til gamans: Ég ók Ca. 110 þ.km. á 5,71 og braut aðeins einu sinni afturhlutfall þrátt fyrir óvægna notkun oft á tíðum (dregið, hjakkað, tosað og rykkt, m.a. í erfiðum krapatúrum). Er einnig búinn að keyra 105 þ.km. á "7,5 Barbí framdrifi (tveir bílar 32/73 þ.km) án þess að brjóta drif, jafnvel þótt sumir haldi því fram að þau séu svo léleg að ekki sé óhætt að fara einbíla til Hafnarfjarðar…

Ferðakveðja,

BÞV