35″ dekk á 12″ breiðar felgur

Sæll Izeman.

14" breiðar felgur eru EKKI í lagi að nota undir 33"-35" dekk.
Það er marg sannað mál að þessi samsetning er ekkert minna en stórhættuleg.
Nú langar mig að vita hvað er betra fyrir þig að hafa 33 eða 35" á 14" breiðum felgum eða 10" breiðum?

Eftir lestur þessara pósta hér athugaði ég á 2 dekkjaverkstæðum sem eru afar virt í jeppageiranum um þessa samsetningu og var mér tjáð að enginn starfsmaður þar fengi að setja þetta saman.

Ef þú ert að skrölta eftir mjög grýttum slóða þá eru töluverðar lýkur á að þú skemmir felgurnar á steinum, ef þær eru mjög breiðar í hlutfalli við dekkin. Sérstaklega ef þú ert á álfelgum.

Svo finnur maður að það er aðeins öðruvísi tilfinning í stýrinu ef maður er á hlutfallslega lágum en útvíðum dekkjum, en það skiptir svo sem engu.

Þá getur sólinn á dekkinu orðið pínulitið afbakaður í laginu sem getur valdið missliti á dekkinu (kantarnir slitnað hraðar).

Rúnar.

Eins og bíllinn mundi líta betur út á 12" Þá er það stórvarasamt , það er akkúrat bfg sem hefur rifnað af felgum í heilu á fullri ferð vegna of breiðra felgna og þekki ég þess dæmi persónulega að Land Cruiser fór í klessu vegna þessa.

Enda banna umboðin á dekkjunum þetta með öllu.

Sælir

Gaman er að segja frá því að umboðin banna að öllu leyti að hleypt sé úr dekkjunum yfirleitt til að þau ábyrgist eitthvað (sem er að vísu byggt á því að þú geymir dekkinnn heima í bílskúr).
Ef ég lendi í þungu færi þá hleypi ég hiklaust niður í 2" pund að framan og 1 að aftan. Þannig hef ég djöflast tímunum saman og aldrei affelgað, samt engar ráðstafanir gerðar á felgum.
Svo ef færið er mjög erfitt fer ég í 1 pund að framan og cirka hálft að aftan. Þetta hefur oft þurft að gera og hef ég ennþá ekki affelgað…

Til Lúther: Ég minnist þess ekki að hafa talað mikið um að hafa 33" á 14" breiðum felgum en 35" er annað mál.
Ég játa því að 14" er það breiðasta sem mögulega gæti gengið að hafa með 35" dekki og sennilega væri það ekki gott til lengdar og þetta fer líka eftir hvað bíllinn er notaður í. Þetta væri t.d ekki gott til að nota á vegum og grýttu landi en væri algott í snjó þar sem þarf mesta hugsanlegt flot. Átakið eykst að sjálfsögðu ef felgurnar eru mjög útvíðar en oft er hægt að hafa breiða felgu sem heldur þyngdarpunkti bílsins upprunalegum og hefur þá nánast engin áhrif. Ef menn eru alltaf að hugsa um eitthvað endingardæmi, hvernig væri þá að fá sér reiðhjól?

Kveðja
Izeman

P.s Á breiðum felgum vilja kantar dekksins slitna og getur einnig misslitið sólanum á því. Baninn vill vera í laginu eins og W, en hægt er að laga það með því að stilla loftþrýsing í dekkinu og jafnvel að skoða hvernig það snertir jörðina ss. með því að kríta á sólann og sjá hvar krítin fer af.