300tdi – Beinskipt eða sjálfskipt

Sæll Jón Þór.
Rangeinn verður örugglega fínn með þessari vél, ég er allavega þrælánægður með hvernig hún vinnur og yfirleitt sýnir hún best hvað í henni býr þegar þörfin er mest. Það eru einmitt nokkur dæmi úr túrnum um daginn þar sem þrjóskan í henni að malla áfram þó það þyngi fyrir hjólum, kom mér verulega á óvart.

Sjálfskipt eða beinskipt, kæmi mér ekki á óvart að menn skiptist algjörlega í tvo hópa með það. Ég þekki vélina bara við beinskiptan kassa þannig að ég get ekki sagt að ég hafi samanburð. Sjálfskiptingin tekur eitthvað af afli, þyngra að snúa henni en beinskipta kassanum, þannig að það mælir með beinskiptingu. Mér finnst þæginlegra að hjakka með kúplingu, en það er kannski bara af því ég er vanur því. Hins vegar hefur mér sýnst sjálfskiptingar henta mis vel í jeppa, sumar eru ekki með neitt dauðaslag og fara því í átak um leið og sett er í drive, sem getur örugglega verið slæmt þegar þarf að taka mjúkt á. Aðrar fríhjóla algjörlega þegar slegið er af og þannig geta þær virkað mjög vel í hjakki og slæmu færi.

Kannski ekki svarið sem þú ert að leita eftir, en ég held að það sé ágætt að hafa þessar pælingar bak við eyrað.

Kv – Skúli

já ég held ég fari beinskiptu leiðina, sérstaklega af því að ég er vanur beinskiptingunni..

en annars er eitthvað búið að eiga við mótorinn í defendernum ?
það á að vera hægt að fá einhver 150hö og 350nm útúr þessum 300tdi græjum

Kv,
Jón þór

Sæll. Mig langar að benda þér á eitt. Beinskipti bíllinn er með manúal olíuverki en sjálfskipti bíllinn er með tölvustýrðu verki þannig að það er ekki hægt að leika sér eins mikið með "túningar" á þeim sjálfskipta nema þá með tölvukubb. Bara smá fróðleikur

Kveðja Bjartur

Nei það er ennþá allt óhreyft í vélinni á Defendernum, þannig að það á ég ennþá inni. Það sem er svona á langtímaplönum er opið púst og skrúfa aðeins upp olíuverkið, en áður hef ég hug á að setja í hann afgashitamæli og boostmæli. Betra að geta fylgst með því hvað er að gerast ef maður fer eitthvað að fikta í þessu.

Kv – Skúli