This topic contains 18 replies, has 1 voice, and was last updated by 
-
Topic
-
Jæja. Nú þarf ég hjálp einhverra sem kunna meira á rafmagn en ég.
Vona að það sé einhver slatti af fólki
Ég er á 24V bíl og var að setja í hann útvarp í kvöld. Það er í bílnum spennustillir (sem hét spennubreytir í minni sveit en þetta er nú það sem stendur á græjunni) yfir í 12V og eftir að hafa skipt um nokkur sprungin öryggi fékk ég hann til að virka.
Vandamálið er að ég er með svona nýmóðins útvarp (þar að auki splunkunýtt og með mörgum tökkum… voða fínt) sem þarf sístraum til að halda stillingaminninu við (yfirleitt gulur vír á útvörpum).
Skiljanlega er spennustillirinn á svissstraum og því vantar mig alveg 12V sístraum.
Prófaði að tengja þann gula og rauða (aðalstrauminn fyrir tækið) báða á svissstrauminn, en það virkar ekki – öll minni og stillingar detta út ef ég svissa af bílnum.
Ég reikna með að spennustillirinn sé of orkufrekur til að tengja hann framhjá sviss.
Spurning # 1: Get ég útbúið eitthvað (eða látið útbúa) til að setja á vír frá geymunum sem gírar sístrauminn niður í 12V?
Spurning # 2: Er mér óhætt að taka sístrauminn af öðrum geyminum (það eru tveir raðtengdir 12V geymar í honum)?
Spurning # #: Hvað mælir á móti því að tengja aukabúnað inn á annan geyminn? Ég á 300W áriðil (12 í 230V) og treysti ekki spennustillinum til að anna honum, útvarpinu og öllum fjarskiptatækjunum sem eiga eftir að koma í bílinn. Má ég t.d. setja hann á annan geyminn?
Með von um góð svör,
Einar Elí.
-
Replies
-
Almennt séð er það ekki ráðlegt að tengja við annan geyminn í 24 volta kerfi. Geymarnir fá nákvæmlega sama strauminn í hleðslu, ef annar er afhlaðinn meira veldur það því að geymarnir fá annað hvort meiri eða minni straum en þeir þurfa í hleðslu.
Líklega myndir þú sleppa með það að tengja sístauminn við annan geyminn, þar sem hann tekur mjög lítinn straum. Annar möguleiki er að vera með lítinn 12 volta geymi sem væri hlaðinn af "spennustillinum".
Það má vel vera að spennustilli rásin taki það lítinn straum, ef ekkert er tengt við hana, að þá sé í lagi að tengja hana framhjá svissinum, þetta er hægt að mæla.-Einar
Anonymous- Umræður: 0
- Svör: 16404
fáður þér annan geymi og annan 12V alternator, þá ertu með 2 aðskilin kerfi og þarft aldrei að hafa áhyggjur af því að verða rafmagnslaus vegna talstöðvar eða einhvers annars frá aukarafinu. Þ.e. þá geturru alltaf startað aftur
s.s. allt aukadót og útvarp á 12V-in og allt orginalið á 24V-in
Sæll Einar.
Þér er alveg óhætt að taka fasta strauminn fyrir útvarpið frá öðrum geyminum. Straumtakan er svo sára lítl að það skiptir engu máli. Þessi straumur er eingöngu til að halda minninu í tækinu gangandi.
Varðandi stærri tæki eins og Inverterinn þinn, þá er allt anað uppi á teningnum. Hann er að taka talsverðan straum, og þá er kolómögulegt að nota annan geyminn. Eins og nafni þinn benti á fá báðir geymarnir alltaf sömu hleðslu, en það er sá sem er með minna rafmangn á sér sem ræður. það þýðir að hinn er alltaf að yfirhlaðast og endist því mun styttra en hann ætti að gera.
Kveðja,
Emil
Sæll.
Ég fór í gegnum þennan pakka með spennubreyta og allt það vesen. Ég held að ég hafi steikt þrjá spennubreyta með of mikilli 12v notkun.
Núna er ég búinn að gefast upp á spennubreytunum og setti 12v alternator og annan geymi.
Ég ráðlegg þér eindregið að gera það strax í upphafi, þú getur komið og skoðað hjá mér hvernig þetta er útfært.
Ef að þú byrjar strax á þessu á það eftir að auðvelda þér allt vesenið í framtíðinni.Svona getur þú sett allt aukadót á þetta kerfi s.s. vinnuljós, inniljós, útvarp, síma og talstöðvar og allt. Þá getur þú haldið svaka partý í Mörkinni með flóðlýst í kringum bílinn, græjurnar á fullu blasti og ef að þú verður rafmagnslaus setur þú bara bílinn í gang eins og fínn maður….
Orginal 24v alternatorinn er ekki svo stór að þú getir bætt við miklum aukabúnaði án þess að eiga það á hættu að verða í rafmagnsbasli, þannig að mér finnst allt mæla með því að leggja smá auka vinnu og einhvern pening í þetta núna áður en þú ferð að lenda í basli…
kv. Haffi
Ef að þú nennir ekki að standa í þessu núna þá á ég lítinn spennubreyti fyrir þig, sem að ég tók úr.
Hann var fasttengdur, það var aldrei vandamál (hann tekur ekki straum sjálfur). Þú getur fengið hann og haft hann fasttengdan en hinn svisstengdan og þanng reddað málinu!
kv, Haffi
Enn og aftur fæ ég að leita í þína smiðju Haffi – ég bjalla í þig eftir helgi og fæ að kíkja ofan í húddið.
kv.
Einar Elí
Á ég að leita að gömlu afturmiðstöðinni sem að ég var búinn að lofa að þú mættir hirða?
Kv. Haffi
Mörg þessi nýmóðins útvörp eru farin að nota faststraumsvírinn sem aðal straumvír, og nota svissstrauminn eingöngu til að kveikja og slökkva. Eitthvað sem ber að athuga.
Athyglisverður punktur.
Ég reikna með að reyna að klastra svona 12V kerfi í hann fyrr en seinna. Þangað til verð ég bara að lifa við það að minnið í útvarpinu virkar ekki.kv.
Einar Elí
nú er ég í svipuðum vandamálum. á 12V spil osfrv…
í stað þess að taka 12V af öðrum geyminum, því ekki að taka 12V af báðum geymunum????? þá ætti maður að taka jafn mikið af báðum geymum mishleðsla úr sögunni. ég er ekki búinn að hugsa þetta í botn en fljótt á litið get ég ekki séð neitt að þessu…..
nú er ég í svipuðum vandamálum. á 12V spil osfrv…
í stað þess að taka 12V af öðrum geyminum, því ekki að taka 12V af báðum geymunum????? þá ætti maður að taka jafn mikið af báðum geymum mishleðsla úr sögunni. ég er ekki búinn að hugsa þetta í botn en fljótt á litið get ég ekki séð neitt að þessu…..
við frekari athugun þá gæti þetta verið rugl í mér.
ég var greinilega ekki vel vaknaður. það fer allt til fjandans. eða eins og góður maður sagði eitt sinn "rafmagnstæki ganga fyrir reyk, ekki hleypa reyknum út"
Í raun gæti þetta gengið – en þá þyrftirðu að aftengja bílinn frá geymunum fyrst.
Ef þú tekur 12V út af báðum geymunum þá verðurðu að hliðtengja þá (og getur dregið fleiri amper út af þeim sem mundi henta ágætlega fyrir spil) en eins og setupið er í 24V bílum með tvo 12V geyma þá eru þeir raðtengdir.
Það kann ekki góðri lukku að stýra að hafa þá bæði (væri reyndar sjálfsagt hægt með slatta af stefnuvirkum straumlokum en efast um að það sé minna mál en að bæta einu 12V kerfi við).
Kv.
Einar Elí
Haffi. Væri nokkuð séns að smella af einni mynd og setja á netið. Ég hefði mkinn áhuga á einmitt þessu til að lostna við allt vesen í sambandi við 12/24 voltin. Er með storan straumbreyti auka fyrir útvarp ofl, en er miklu hrifnari af svona aðferðum. Er svosem kominn með dótið og get alveg græjað þetta það væri bara gaman að sjá og fá þa´kannski betri hugmyndir en ég hef sjálfur. Kv Beggi
Ég skal græja mynd af þessu dóti um helgina…
kv. Haffi
Sæll Naffok, nú eru komnar nokkrar myndir. Sjá myndaalbúm.
Svona græjaði ég þetta. Væntanlega er hægt að gera þetta á fleiri vegu en mér sýndist þetta vera eini staðurinn.
Ef að ég væri ekki með loftdælu fyrir ofan 24v alternatorinn hefði ég sett hann þar. Þá hefði ég ekki þurft að bæta við reimskífu eða þurft að mixa neðri vatnskassahosuna.
Ef að þú vilt meiri upplýsingar eða stærri myndir sendu mér þá bara meil.
kv, haffij@simnet.is
Þetta rímar að hluta til við það sem ég hafði hugsað mér, en held samt að festingin á tornum hjá þér sé betri en mín hugmynd var. Reyni að púsla eitthvað úr þessu, takk.
kv Beggi
You must be logged in to reply to this topic.