This topic contains 5 replies, has 1 voice, and was last updated by 
-
Topic
-
Ég skrúfaði niður í olíuverkinu hjá mér til að fá minni eyðslu og til að senda færri reykmerki, bíllin var að eyða um 20l á hundraðið. Það eina sem ég græddi á þessu var að vélinn varð kraft minni:( jú og færri reykmerki, einnig minnkaði blásturinn í turbinu var um 7 psi á 3000sn/min en er nú um 5 psi á 3000sn/min og eyðslan er sú sama. Bæði ég og félagi minn sem skrúfaði niður í honum stöndum á gati, til að útiloka að um fikt hafi verið að ræði þá er félagi minn mjög fær á sínu sviði, en stendur samt á gati. Er einhver sem getur sagt mér hvað er í gangi því að samkvæmt bókinni þá á þetta ekki að geta gerst, þ.e.a.s minni kraftur, minni reykur en sama eyðslan.
Kv
Snorri Freyr
-
Replies
-
Mér kemur þetta ekki á óvart. Þegar menn eru skrúfa upp í olíuverki hefur það aðeins áhrif undir fulltri inngjöf. Þar sem flestir keyra yfirleitt ekki með inngjöfina í botni, þá hefur þetta lítil áhrif á meðaleyðsluna.
Það er eðlismunur á dísel og bensínvélum að þessu leyti, ef átt er við stillingar á blöndungi hefur það áhrif á hlutfallið milli lofts og bensíns sem fer inn á vélina, það hefur áhrif á nýtingu eldsneytisins hvort sem ekið er á fullri inngjöf eða ekki.
Inngjöfin á díselvél takmarkar bara olíuna, vélin fær alltaf eins mikið loft og kostur er á.
Á bensínvél stillir inngjöfin bæði loftið og bensínið, reynt er að hafa hlutfallið fast (1/15), á díslelvél er hlutfallið breytilegt. Svartur reykur myndast þegar ekki næst að brenna allri olíunna að fullu, það gerist helst undir fullri inngjöf.
Því hefur stilling á olíverkinu áhrif á reyk og kraft en lítil áhrif á eyðslu þegar ekki er ekið á fullri inngjöf.-Einar
bættirðu ekki við hægaganginn þegar þú minkaðir í verkinu? Mér hefur sýnst eyðslan fara upp ef díselvél gengur of hægt í hægagangi (vélinn nötrar öll).
kv
Baldur
Ég gruna einna helst spíssana, þó að ég sé alls ekki sérfróður um þau mál, þá skilst mér að spíssar/dísur séu oft sökudólgar í svona tilfellum.
Til samanburðar má nefna að minn hilux (X-Cab á 38"), 2.4 án túrbínu, vanalega staðinn í rauða-botni til að koma fjósinu áfram
er að eyða ca 13 lítrum á hundraðið í blönduðum þjóðvega/borgarakstri.
Ég gerði hins vegar það sama til að minnka mökkinn sem fyrri eigandi virtist hafa svo gaman að, s.s. skrúfaði aðeins niður í olíuverkinu. "Aflið" jókst lítillega, eyðslan minnkaði og mökkurinn líka.kv
GrímurSKRIÐGÍR ?????, -afhverju ferðu ekki bara seinna af stað??
Er þetta 2L eða 2L-t vél sem er í bílnum. Venjuleg 2L sem er búið að setja túrbínu á er ekki með olíuverk fyrir túrbovél. Þess vegna eru olíuverkin uppskrúfuð til þess að fá nóg af olíu þegar túrbínan fer að blása. Olíuverk á túrbovél er með apparat sem er tengt blástursrörinu á milli túrbínu og soggreinar og breytir olíumagni eftir þrýstingi.
Þetta er 2L mótor en hins vegar þegar ég keypti bílinn þá var að hann að eyða minna ég hef ekki breytt neinum stillingum á verki fyrr en ég skrúfaði niður í verkinu
Kv
Snorri Freyr
You must be logged in to reply to this topic.